*** قصيـدة في جميع القبائل السـعـودية (لاتفوتكم) ***

.
.الســـــلأم عليكــــم ورحمتــــه اللّـــه وبـــركـــآتــــه ؛؛؛
.
أرق التحـــآيـــآ واعـــذبهــآ للجميــــــــع هــــذآ قصيـــدهـ في جميع القبايل في السعودية
أرجوا أن تنال رضاكم *** وهي منقــــــــــــوله ***
.
يالله ياخالـق اراضيـن وابحـار **** الواحـد المعـبـود رازق عبـيـده
الخالق الغفار علام الاسرار **** وفرق شعـوب الارض فـي كـل يـده
وابدي واسولف من عذيبات الاشعار **** ابيات شعـر والمعانـي وكيـده
اشري وابيع واعرف كيف بختار **** واختار من جزل البيـوت الفريـده
وذكر تراث وعز وامجـاد وافخـار **** قبائـل تومـن بديـن وعقيـده
وصلت حضارتنا على سطح الاقمار **** ابنـا الجزيـر والجزيـره مجيـده
في ظل حكام لهم فعل واشوار **** ال السعـود اللـي تفـك الضهيـده
نسل الزعيم الحاكم العـادل البـار **** مجـدد امجـاد الجزيـره بجيـده
حتى اصبحت حره وحنا له انصار **** في ظل اخو نوره هنـوف سعيـده
وصارت لابو تركي بطوله وتذكار **** والفخر والامجـاد تبقـى شهيـده
وخلف لنا املوك لهم فعل واخبار **** الشعب واحـد والقيـاده رشيـده
والامن بانينه على ساس وجدار **** وقرو على العابـث عقوبـه شديـده
وحنا حماة الدار من كل غدار **** ومـا همنـا بطشـه وخبثـه وكيـده
قبائل مالحقناهـم اوعـار **** وعشنـا بهـذي الـدار عيشـه رغيـده
والحمد لله نحمده سر واجهار **** شعـب تكاتـف مـن سنيـن مديـده
ودون الوطن جيش على كل معبار **** لارفرف البيـرق ونـادى عقيـده
بشرق البلاد وغربها دوم حضار **** وارض الشمال اللي نفـوده مديـده
وارض الجنوب اللي تخيضر بالاشجار **** جزيرة فيهـا القبايـل عديـده
ارض بها قحطان وافين الاشبـار **** وياعـز منهـم بالشدايـد بسيـده
واذكر عتيبه يوم للطيب مغوار **** لا ثـارت الهيجـا وقـرب ضديـده
وشمر هل الطولات والجود مقدار **** اهل الكرم واهل الفعول الحميـده
وقوم اعنزه مروين الاخصام الامرار **** اولاد وايل من عصـور عهيـده
ومطير قوم تكرم الضيف لا زرار **** وياويل خصم في حراهـم وعيـده
واذكر قبيلة حرب يانعم الاخيار **** وتاريخهـم يحكـي سطـور مجيـده
وسبيع نعم القوم ووجيه الاسفار **** زبن الدخيل ليا زبـن مـن طريـده
واذكر قبيلة يام والطيب ينـدار **** اهـل العلـوم الوافيـه والرشيـده
ثم الدواسر تجعل الخصم منهـار **** عيـال زايـد عـز منهـم سنيـده
ثم السهول اللي لها الطيب مدرار **** وعن منهج العادات ماهـي محيـده
ثم اذكر العجمان حمايـة الجـار **** والمرجلـه والجـاه فيهـم عتيـده
واذكر بني مره طويلين الاعمـار **** مـا ينقـد المـري ولا لـه نقيـده
ثم الهواجر لابة تقدح النار **** اهـل الركـاب اللـي خطاهـا بعيـده
واذكر بني خالد قبيلة وامار **** قوم لهـم فـي المجـد قـول ورصيـده
وبني تميم اللي لها الطيب مصـدار **** بنـي تميـم وكـل فعـل تجيـده
ثم الزعوب اللي بها الخصم يحتار **** شجعـان ماترضـى سـوا ماتريـده
العازمي وافي وفي الطيب بيطار **** روحه على كـل المصاعـب صميـده
ثم الظفيري في المصاعيب جبار **** والطيب والامـداح باصلـه وطيـده
ثم اذكر الاشراف بجلال واكبار **** اهل الحجاز اللـي تفـك الزهيـده
ثم الهذيلي له مواقف ومندار **** راعي الفخر راعـي العلـوم السديـده
ثم البقوم اللي لهم جيش وامهار **** ريف الضيـوف ليـا لفاهـم وليـده
واذكر ثقيف اللي لهم مجد وآثار **** ومهما حسبنـا مـن كـلام نعيـده
وبلحارث اهل العز بشهود واقرار **** ا لحارثي ياطيـب فعلـه وجيـده
والمالكي معروف لا صار ما صار **** في موقف اهل الطيب يبذل جهيـده
واثني تحياتي عدد وبل الامطار **** علـى سليـم وكـل خصـم تكيـده
واذكر جهينه هل مواقيف وادوار **** تلقى الجهيني راسم الطيـب بيـده
واذكر بلي والمجدله فعل واظهار **** وتاريخهـم يحكـي فعـول فريـده
وبني عطيه في المواجيب حضـار **** قـوم بوقـت الجـد قـوم عنيـده
ثم الحويطي والكرامه له اشعار **** ثـم الشـراري لـه فعـول مفيـده
ثم الرشيدي في الصعيبات صبار **** على علـوم الطيـب فعلـه يزيـده
وباقي جنوب الدار والقاف مادار **** باقي على قلبـي كـلام واشيـده
زهران نعم القوم في وقت الاضرار **** والخصم عينه من لقاهـا سهيـده
والغامدي معروف له عزم واصرار **** راعي المراجـل والعلـوم المفيـده
وشمران قوم والجمايل لها اطوار **** وبلقـرن سـم للقلـوب النكيـده
والاكلبي والمحلفـي مابعـد بـار **** والحارثـي طيبـه وفعلـه يشيـده
وبني شهر وبني عمر سيف بتار **** قـوم علـى الاخصـام نـار وقيـده
والاسمري والاحمري صيتهم سار **** بيـن القبايـل والمواقـف شهيـده
واذكر عسير الهول ذربين الاذكار **** وابها احتموها فالسنيـن الشديـده
وادهم والصيعر على حد الاقطار **** يحمون حد الدار من اللـي يريـده
وامشي مع الساحل مع جمله افكـار **** رسمتهـا والطيـر زان اتغريـده
وانزل على جيزان تاريخ واديار **** ورجـال فيفـا والقبايـل عديـده
وارجوا العذر واهل المواجيب عذار **** الي نسيته مانذكر فـي القصيـده
الواهبي عدد ابيوته بـالادوار **** مـن شاعـر ماشـل قلبـه حقيـده
شهران ربعي هم هل المدح والكار **** واهل الكند واهل السيوف الجديده
يوم البلد مايامن الزند لاثار **** زيزومنـا ابـن مشيـط نعـم الوليـده
فالجهل شجعان وفي السلم تجار **** مـن بطـن بيشـه للتهـم لارفيـده
حبيت ابين موقفي بين شعار **** وارجوا سموحتكـم علـى ذا النشيـده
ماحب انافق واتعنصر تعنصار **** ولا ني باطيع اهـل العقـول البليـده
ما كل من طب البحر قيل بحار **** وما كل من شل الفشق جاب صيـده
فالشعر بستـان بـه ورد وازهـار **** واللـي تعداهـا بيوتـه فقيـده
واقولها في الشعر تكرار وامرار **** ضرف بـلا عنـوان يلغـى بريـده
وبعض السوالف له مواقف ومحضار**** وشعر بـلا معنـى لـزوم نبيـده
وصلوا على المرسول شفاع الابرار**** محمـد الهـادي وقـدوة عبيـده

[align=center]صح السان شاعرها

قصيده رائعة وفكرتها أروع

الله يعطيك العافيه أخوي ثاامر على نقلها لمنتدى الشعر الشعبي

وامتاعنا بهذه الكلمات الرائعة[/align]

[align=center]صح السان قيلها

ونت بعد ماقصرت على النقل

يعطيك العافية[/align]

	المشاركة الأصلية كتبت بواسطة سمــ العز ــــو

	[align=center]صح السان شاعرها قصيده رائعة وفكرتها أروع الله يعطيك العافيه أخوي ثاامر على نقلها لمنتدى الشعر الشعبي وامتاعنا بهذه الكلمات الرائعة[/align]

وشكراً لك ياسمو العز على المرور العطر 0000

	المشاركة الأصلية كتبت بواسطة شروق نجد

	[align=center]صح السان قيلها ونت بعد ماقصرت على النقل يعطيك العافية[/align]

والشكر موصول لك على المرور العطر

بيّض الله وجهك

وصح لسان من قالها

وتشكر على النقل الرائع

وأهلاً وسهلاً بك بعد الغياب الطويل

	المشاركة الأصلية كتبت بواسطة صعب المرااس

	بيّض الله وجهك وصح لسان من قالها وتشكر على النقل الرائع وأهلاً وسهلاً بك بعد الغياب الطويل

وجهك أبيض ياصعب المراس

والشكر لك على المرور العطر

صح لسان قايلها

وبيض الله وجه ناقلها

تحياتي يا ثامررررر

السلام عليكم ورحمة الله وبركاته

فعلا قصيدة رائعه جمعت قبائل عربية عريقة

الله يجزاك خير يا ثامر



مشكوووووور والله يعطيك الف عافيه

	المشاركة الأصلية كتبت بواسطة هذلي والفخر لي

	صح لسان قايلها وبيض الله وجه ناقلها تحياتي يا ثامررررر

وجهك أبيض ياذيب الذيابه وشكرا على المرور العطر والتواجد الرائع

	المشاركة الأصلية كتبت بواسطة سلطان السويهري

	السلام عليكم ورحمة الله وبركاته فعلا قصيدة رائعه جمعت قبائل عربية عريقة الله يجزاك خير يا ثامر مشكوووووور والله يعطيك الف عافيه

والرائع هو مرورك وتواجدك العطر يامشرفنا الغالي

ارض بها قحطان وافين الاشبـار **** وياعـز منهـم بالشدايـد بسيـده

ثم الهواجر لابة تقدح النار **** اهـل الركـاب اللـي خطاهـا بعيـده


شكراا لنقله الجميله وصح السان قايلها وناقلهاا ولا يهينوون با قي القبايل

بارك الله فيك و جزاك الله خيراً

	المشاركة الأصلية كتبت بواسطة نبض القصيد

	ارض بها قحطان وافين الاشبـار **** وياعـز منهـم بالشدايـد بسيـده ثم الهواجر لابة تقدح النار **** اهـل الركـاب اللـي خطاهـا بعيـده شكراا لنقله الجميله وصح السان قايلها وناقلهاا ولا يهينوون با قي القبايل

والشكر موصولاً لك على المرور العطر

والنعم بكل القبايل

تقبلي تحياتي وعود حميد

	المشاركة الأصلية كتبت بواسطة أبو عبدالعزيز الطلحي

	بارك الله فيك و جزاك الله خيراً

وبورك فيك يابو عبد العزيز

ولك الشكر على المرور العطر