إلعب شقر((موضوع تفاعلي لشعراء المحاورة فالمنتدى))

مشكور أبو بسام

بس

يعني حتى في العرضات هذا الشرط موجود؟

نعم اخوي المحارب

وهذا الملاحظ عند اهل العرضه ايضا

اشوف ابو ثامر موجود

ابدع ياابو ثامر ههه

يا نجم ياللي غبت عن ناظري

درقت بين الارض والمشتري

اخاف فالمريخ طحت وهويت

واخاف نجم سهيل فوقك شهر

وانته من اول فالعلا لك مكان

ويشع نورك فوق كل الكواكب

واليوم راح النور مع صاحبه

أول محاولة
................

ياللي تمادت في الخطا ناظري
بايعك يوم إن قلبي لك مشتري
مير إعتزل حبك ولو ما هويت
لو كان لي سيف الغلا ينشهر
مدام غدرك حطم الحلم كان
يالله عساها خير فرقا كواكب
و السعد ذيب ٍ في البلد صاح به



ملاحظة
................

كان = يكفي

حلو يالمحارب شقر جميل

لكن المعنى وين ياطويل العمر

الابيات االسابقه على معنى وتمنيت ان يكون شقرك لها على معنى ايضا

وصدقني البناء سهل جدا على المعنى

عموما ما قصرت والمجال مفتوح للرد على الابيات اعلاه

مدري

أحسب بس أشقر

محسبني أرد عليك

ياعين ابوبسام لي ناظري

ندري عن البيّاع والمشتري

يامشجّع الكورة تحب وهويت


منته بمرهي لو تحرّا شهر


النادي اللي نعرفه يوم كان

لوواكب العالم نقول الك واكب


لكن مات ولاحدن صاح به

جميل رد أخوي المحارب

والشاعر فواز رد رد وافي

بارك الله فيكما


،،


هيا استلموا الله لا يهينكم


الليل طوّل والشقر ما العبه
ودي يبو بسام لاكنّ اهاب
حيث ان لي فالشقر معنى ومعنى
فواز يعرفها وداري بها

انا ادري انك شاعر الملعبه,,,,,


ماتندرق يوم المعاني نهاب,,,,


يامكتسي ثوبين حياك معنا,,,,,


والقوم سايسها وداريبها,,,,,,,,

والله يالربع مادري عن الشقر وين رايح

لكن ودي اتعلم منكم:

سلام يالشعار واثني بها

على سمو هذيل قوم السعد

العزوه اللي وافيٍ مدها

ماخاب من هو يعتزي بهذلي

يا مرحبا يا ذيب وانت البها
واللي ورد لرس والرس عد
يروى من المعنى وعلم الدها
لاهو مبهذلني ولا ابهذلي

(ههههه ابهذلي هذي بالقوه)

	المشاركة الأصلية كتبت بواسطة أبو المثلّم

	يا مرحبا يا ذيب وانت البها واللي ورد لرس والرس عد يروى من المعنى وعلم الدها لاهو مبهذلني ولا ابهذلي (ههههه ابهذلي هذي بالقوه)

والله ونعم وصح لسانك

لو انت اللي بدعت كان ماشفتني في الصفحه ههههههههههه

ننتظر راي الخبير ابو بسام

ماشاء الله عليكم وانت يبن قاسي مصيبة المصايب ومسوي نفسك عليمي..


المهم استلموو....:


شفت النشيّة خيّلت من شمال...

براقها سبّاق لرعودها..

مدري سحابة صيف ولاصدوق..

الرّيح ساقت نوّها يمّنا...

مار المخيله عن ديرنا بعيده...

سبحان رب(ن) قرّب ثعولها...

استلم

ياصاحبي لو ابرق الريش مال

ما صارت الشجره خضر عودها

لكن وين اليوم نلقى الصدوق

اللي سكن بالشام لو يمنا

مافيه غير العلم الاول بعيده

وان كان تقدرها عبث عولها