مساعد الهذلي و خالد العصيمي في مسابقة نقض و فتل المحاوره الأولى
هذه المحاوره الأولى اللتي جمعت بين كلاً من الشاعر خالد العصيمي ووالدنا وشاعرنا الكبير الشاعر مساعد سعيد السويهري الهذلي
في مسابقت نقض و فتل ليلة الاثنين الموافق 5/6 1431هـ
خالد الصيمي
سلام لله سلامٍ مايبا صوتٍ يشيلـه شيـل
تشيله موجةالارسال من ديره ليـا ديـره
مصابيح الدجى لا شعشعت تجلى ظلام الليل
لكـن الجـو غبـر ريحينـا يامعاصيـره
مساعد الهذلي
هلا يا مرحبا ترحيب مرسل من ديار هذيل
تراحيب الوفا اللي تعطي الرجال تقديره
أنا ابعطيك علم(ن) يالعصيمي مثل طعم الهيل
وأظن الجو طيب وأطلب الله في تياسيره
العصيمي
انا ماني بزولٍ يختفي من شاشةالدربيـل
انا قصرٍ يعيشون الفقارىمـن مذاخيـره
لوانك في مدار الجدي ولا في مدار سهيل
تبا تعرف مدار الارض تربيعه وتمتيـره
مساعد الهذلي
أنا سامعك يا خالد وأنا ما ارضى علاك الميل
لكنك زين أفكارك ترى للفكر تاثيره
أقف جنب المحال ولا تشد حبالها بالحيل
ليا شديت حبل الدلو طاح الدلو في بيره
العصيمي
ليا مني لقيت البن زدت الكيل فـوق الكيـل
وبو غليون يلقى مع هل التنبـاك تعميـره
اظن اذنك على سماعة اهل القال واهل القيل
تحسب انّا نبيعك وا نت درع وسيف وذخيره
مساعد الهذلي
علومك يا العصيمي طيبه ومفصله تفصيل
وأنا أشرّه على الرجال لا كثّر معاذيره
ترى بعض العرب يومي براسه مثل راس الفيل
نوريه السنع ويحط له لفه وتدويره
العصيمي
طبيعي لا وقفت اكلم اهل الجيش وهل الخيل
اكلمهم بعلمٍ زيـن فيـه الخيـر والخيـره
انا ماني منقص واجبك لو الزمـان بخيـل
تمتع بالثقه وبليـس لا تسمـع مزاميـره
مساعد الهذلي
أنا شايفك ساري يا العصيمي مع طريق السيل
طلعت مع البهيته وانت ما انته من هل الديره
وأنا خايف علاك تروح في ردوف البعير شعيل
ويقلون العرب صاحبك هذا سيرته سيره
العصيمي
مسافه بيني وبينك مناحاهـا يهـد الحيـل
تبا تتعب طروش القوم لو مافا التعب عيره
نبا المسلم يصلي والكتاب يرتلـه ترتيـل
ولن جاب له ذنب نجيب له عشرين تكفيره
مساعد الهذلي
علوم محلله وعلوم ما يبغالها تحليل
وأحد يجهل حلول اللغز وحد يعرف تفسيره
أنا شايفك وجهك متجه لا مكتب الترحيل
وأنا ما ابغاك تمشي في السفر من دون تاشيره