مراسلة بيني وبين الشاعر خالد الهويمل المطيري

هذه القصيدة وجهتها لصديقي الشاعر / خالد الهويمل المطيري

الجمس

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الله على جمسٍ جديداً مديله=يسري من الشهبا ليا قرب الليل
ضد الصحاري والخطوط الطويله=جمساً حمر يشفي القلوب المعاليل
من مصنعه توه ورد لوكيله=يامرسلي فوقه تشد المراحيل
تسري عليه ومعك خطي تشيله=عسى مهمتكم تجي بالتساهيل
وليا وصلت الحفر خللك دليله=مُر المعسكر فيه تلقى الرياجيل
منصاك خالد من شيوخ القبيلة=ابن الهويمل شاعراً يعدل الميل
وليا وصلته قول معيه رسيله=من عند عابد والليالي مقابيل
واحذر من الزلات ومن الفشيلة=اعطه كلاماً لايجي فيه تعديل
خلك على كسب المعالي مهيلة=اقراله الموجز وعطه التفاصيل
سلم عليه وقل تراني دخيله=من واحدٍ خلّى حياتي غرابيل
اللي كما ريش النعامة جديلة =وعيون تسحر بالرموش المضاليل
والوجه من البدر لي تم ليله=وليا تبسم مثل برق المخاييل
ضليت انا واياه وسط الخميلة=نسمر ليا نامت عيون المهابيل
واليوم حال البعد وازريت اجيله=بيني وبينه ماتفيد المراسيل
يابن الهويمل عيشتي مستحيله=من دون خلّي ماندور محاصيل
ولالي صديقٍ غيركم واشتكيله=واعطيه سرٍ ماظهر للمقاويل
واليوم شف لي حل روحي عليله=مقوى فراقه حلل العلم تحليل
والمعذره لن كان جاتك هزيلة=نرجو السموحه منك من غير تعطيل
تم الكلام اللي بنيته على ايله=وآخر مشد القاف ياقف على ايل
والختم صلوا عد وبل المخيلة=على نبيٍ كمل الدين تكميل [/poem]


رد الشاعر / خالد الهويمل المطيري

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامرحبا بالخط واللي يشيله=اهلاً هلابه عد رش المخاييل
ساعة قريت الخط وافهم دليله=واخذت من مبداك بعض المحاصيل
ياركب اللي مابعد فر ويله=بنزٍ يقرب مبعدات المناويل
أحمر مغمق والوصايف جميله=ومجهزينه للطلب والمداهيل
يلفي على اللي كاسبٍ للنفيله=الشيخ عابد راعي البن والهيل
واليا دعانا مثل عابد نجيله=عادات ربعي يابو نايف حلاحيل
تشيل عند الهينه والثقيلة=مطير ربعي تتعب الهجن والخيل
ان كان هي بالمال اقرب وسيله=وان هي بالجاه تلقى رياجيل
وجعلك توفق عند هاك الجميله=اللي مصورها في حسن التماثيل
واسمح وسامح والليالي طويلة=يامكرم الضيفان ياذابح الحيل [/poem]

صحت ألسنتكم شعرائنا المبدعين

صوت وصدى جميل يشد القارئي لقرائته أكثر من مره

بيض الله وجيهكم وافين ولافيكم قصور

اروع مافي القصيدة هذا البيت
[poem=font="times new roman,6,blue,normal,normal" bkcolor="transparent" bkimage="http://www.hothle.com/vb/mwaextraedit4/backgrounds/20.gif" border="none,4," type=0 line=0 align=center use=ex num="0,black""]
والــوجـــه مـــــن الــبـــدر لـــــي تــــــم لــيــلــه =ولــيـــا تــبــســم مـــثـــل بــــــرق الـمـخـايـيــل[/poem]

وبيض الله وجهك ياراعي الجزله

اخي

عابد الفضلي

صح لسانك ولسان المطيري وبيض الله وجيهكم

ابداع منقطع النظير وردات مليانه

ولكن البيت التالي

فيه خطأ بالكتابه اخلت بمسار البيت

البيت

والوجه من البـدر لـي تـم ليلـه//وليا تبسـم مثـل بـرق المخاييـل

تعديل البيت

والوجه مثل البـدر لـي تـم ليلـه//وليا تبسـم مثـل بـرق المخاييـل

خطأ كتابي فقط

شكرا لكما شكرا يليق بشاعريتكم الفذه

لك ودادي،،

رائع ياعابد ابدعت كثير

ورد ايضا رائع


صحت الالسن


اطيب التحايا

صح لسانك

وصح لسان ابوليد

وقصايد جزله

صح لسانك وبيض الله وجهك ياعابد وصح لسان المطيري

قصيده جزله ورد وافي

شكرا لكم

تقبل مروري

بيض الله وجيهكم
وافين وجزلين
لكما تحياتي

صحت السنتكم ولا هنتوا

ولكم إحترامي

صح لسانك وعلا شانك وصح لسان من وجهت له قصيدتك

قصيده رائعه ورد مختصر جميل
لاهنت ولاهان صاحبك

تقبل مر و ر ي

الله يبيض وجيهكم

مبدعين

واشاطر اخي ابو ملاذ القول

شكرا من القلب لكما وكليكما

صح لسانك ولسان المطيري

أبدعت شاعرنا عابد


ألف شكر