الشاعرين العملاقين حامد وعبيدالله القارحي ضد وصل وحمدان

هذي محاورة رباعية في حفلة الشاعر محمد العازمي
الشعراء : حمدان العصيمي و وصل العطياني وفي المقابل عبيدالله القارحي وحامد القارحي



حمدان العصيمي :
مرحبا بضيافة اللي عسا عمره طويل
الرفيق اللي ينومس بطيبه و كرمه

وصل العطياني :
يا محمد غيبتي عن لزومك مستحيل
حوف جدي يمشي اسم العتيبي في دمه

عبيدالله القارحي :
البقا والله يجمل رياجيل الجميل
والشجيع اللي رصاصه مشرف محزمه

حامد القارحي :
يا عتيبة وش تقولون لو جوكم هذيل
القضية حولوها لقاض المحكمة

حمدان العصيمي :
يا عميلي فالرخا فالشقا منت بعميل
كان عندك حل حِل الرموز المبهمة

وصل العطياني :
خيـّر الهذلان فالكيف والسيف الصقيل
وان بغيتوا حل طيّب خذوها بشحمة

عبيدالله القارحي :
لا تعجّل يالعصيمي ترى المسرى طويل
خادم الامجاد ياخوك حظّه يخدمه

حامد القارحي :
قالوا العراف قبلي ولا هو مستحيل
لو يموت الحر بالغبن في شبك رخمة

حمدان العصيمي :
انت تعرفنا عتيبة هل الشعر الاصيل
نفحم الشاعر وننشب لسانه في فمه

وصل العطياني :
ما استفدت من الحِكم لا كثير ولا قليل
تحسب ان الحر طارف تجيه و تلزمه

عبيدالله القارحي :
ما بقى الا تدّعي انك ابراهيم الخليل
وانت تخضع للصميدع ليا رف علمه

حامد القارحي :
لا تكلم وانت ما معك للحجة دليل
آه لو ان الشياخة بكبر الجمجمة

حمدان العصيمي :
ما تبين الزبدة الا بعد خض الصميل
والبدو من طاح قدامها ما ترحمه

وصل العطياني :
ليش نجرح واحدٍ عندنا مثل الدخيل
لو بغيت اعطيه كلمة تفطّر برطمه

عبيدالله القارحي :
الكلام بلاش وان جات للوزن الثقيل
المواقف لهلها والقوافي محكمة

حامد القارحي :
من بلادي في بلادي ماني عابرسبيل
قبل عشر سنين يا وصل جاتك مكرمة


سيطره تامه في هذا الطاروق من قبل شعراء اشعر العرب ولابأس بالخصمين

الله الله

رباعيه جميل وقاف قوي وشعار هذيل مبدعين

تحياتي .

عبيدالله القارحي :

الكلام بلاش وان جات للوزن الثقيل
المواقف لهلها والقوافي محكمة

ياسلالام عليك يا ابو غيث ، مبدع داائماً انت فخر لهذيل ولا يهوون حامد

سلمت يمينك يا مسااعد الهذلي

محاورة قوية وشعراء مبدعون ولك تحياتي وتقديري ،،،

محاورة قوية .,.,



شكراً لك يالذيب على النقل

حامد القارحي :
قالوا العراف قبلي ولا هو مستحيل
لو يموت الحر بالغبن في شبك رخمة

مشكوووووووووووووووووووووو ر

	المشاركة الأصلية كتبت بواسطة مطرفي الدلم

	الله الله رباعيه جميل وقاف قوي وشعار هذيل مبدعين تحياتي .

الشكر موصول لمرورك

	المشاركة الأصلية كتبت بواسطة هذلية نجد

	عبيدالله القارحي : الكلام بلاش وان جات للوزن الثقيل المواقف لهلها والقوافي محكمة ياسلالام عليك يا ابو غيث ، مبدع داائماً انت فخر لهذيل ولا يهوون حامد سلمت يمينك يا مسااعد الهذلي

ومن قال جعله سالم

شكرا لك

	المشاركة الأصلية كتبت بواسطة حامد السالمي

	محاورة قوية وشعراء مبدعون ولك تحياتي وتقديري ،،،

شاكر لك تواجدك

	المشاركة الأصلية كتبت بواسطة قرناس بني ياس

	محاورة قوية .,., شكراً لك يالذيب على النقل

لا شكر على واجب

الله يعطيك العافيه على المرور العطر

	المشاركة الأصلية كتبت بواسطة الشعبانى

	حامد القارحي : قالوا العراف قبلي ولا هو مستحيل لو يموت الحر بالغبن في شبك رخمة مشكوووووووووووووووووووووو ر

الف شكر لك على مرورك الرائع

عبيدالله القارحي :
ما بقى الا تدّعي انك ابراهيم الخليل
وانت تخضع للصميدع ليا رف علمه

حامد القارحي :
لا تكلم وانت ما معك للحجة دليل
آه لو ان الشياخة بكبر الجمجمة


عاشو شعار هذيل هكذا الشعر والا بلاش

مساعد الهذلي بيض الله وجهك على النقل الرائع

والله يعطيك العافيه

بن عادي وجهك أبيض

شكرا على المرور