مــحـــمـــد الــســنــانــي
عيون عتيبه الهيلا وملفي ماسـك المركـاز
جميع عيونهـم يـوم ايتكلـم تلفـت يمـه
وجوده فالحجاز انجاز وبغير الحجاز انجـاز
هذا نص الكـلام اللـي نبـري بـه الذمـه
مــلـــفـــي الــمـــورقـــي
انا شاعر وامثـل عزوتـي دايـم ولايعتـاز
على قول الفلاحـي كلنـا قمـه علـى قمـه
شهادتك افتخر فيهـا كمنـك شاعـر ممتـاز
محمد شاعر حكمه ويجري العرف مـع دمـه
مــــــحـــــــمـــــــد
تمثلهم ونعـم وتستحـق الكرسـي الهـزاز
ولكـن العـرب بافكارهـا ماهـي بملتمـه
ثلاث اسنين وانته طارح البندق على المعناز
احد تعفيه واحـد تـزوده هـم علـى همـه
مـــــــلـــــــفـــــــي
دخلنـا فالعلـوم الثانيـه والحـل والآلغـاز
ترى ملفي وريث المجد من خاله ومن عمـه
مادام انا شعمنا النار لاتنثـر علاهـا القـاز
انا خايف تضوي لـك علانـا شـر ومطمـه
مــــــحـــــــمـــــــد
دخلت المنهج الثاني لكنك فيه غيـر مجـاز
عليك ملاحظـه لكـن ربـك يرفـع الغمـه
عسى التيار يستحمل مع الفازين خمسه فـاز
عشان النور يالع في ركون القصـر ويعمـه
مـــــــلـــــــفـــــــي
ولا ياصاحبي مع حكم ابـو عمـار لاتنحـاز
ترى بعض الرجال حبالهم ماتاصـل الجمـه
بلدك يصدر البترول والدوحه تجيـب الغـاز
لكن البس من اللبس الجديـد وكبـر العمـه
مــــــحـــــــمـــــــد
توقينا الحذر ياصاحبي مـن لمـزة اللمـاز
.ولكنا نخاف الداب الآسـود ينتشـر سمـه
مادام انك على رجليك ماتعكز علـى معكـاز
بلاش تطالب الرضاع شي مـن حليـب امـه
مـــــــلـــــــفـــــــي
حفظنا الورد من تالي في ابن جبرين وابن باز
.وكلن مايهمه لو يشيـل الـداب فـي كمـه
تعرف الضلع طول الوقت لايقـدر ولاينهـاز
ومن حاول يشيله راح يخطي الدرب ويخمـه
مــــــحـــــــمـــــــد
ياكثر الماركات اللي عليهـا بصمـة القـزاز
لكن لاتمدحـه ياليـن تاخـذ منـه وتشمـه