رجز فيصل بن مغبش الندوي

1)

يامرحبا رحب بعددكم
كلاً له ترحيبه لحاله
الضيف ما نقصر مجاله
وافي مددنا مع مددكم
يأهل الوفاء ماحد جحدكم
قوم الوفاء ولكم بداله
والناس كلاً دون حاله
شي قبلكم وشي بعدكم


2)


يامرحبا باللي ضوة عانيها
القرح اللي منشهر طاريها
وكل قاله بالوفاء تحرزها
واللي خذ الجزلات يبيعطيها
واحنا رجال اعلومها نحميها
ودروب قوم المعرفه نمشيها
واهل الثلاث البيض ونميزها
يوم الغشيم مايميز فيها

3)



سلام ياحصناً جهاته
من شام مابيح بسده
ومن يمن حنا نحده
نجاتنا واحنا نجاته
دعد الوفاء تحمل صفاته
تعطي الجزيل وتستمده
واللي يعاندها تكده
الين يعذر في حياته


4)

رحبت واحنا حاميه همتنا
طول الزمن ماترتخي هامتنا
واليا حمى الصيني مع اليباني
وتجمعت في الوقت ماهمتنا
مايرفع الحمله ضعيف المتنا
وشيوخ شيعة مصر مايمتنا
والعلم الاعوج والكلام الثاني
لا هو بيمتكم ولا يمتنا

5)

سلام رديه نظيفه
مافيها شوم ولا ملامه
ياردفنا قوم الزعامه
من يوم الايام الحفيفه
حنا نوايانا شريفه
واللي يدور للسلامه
يلبس عقاله والعمامه
ويجنب الدرب المخيفه

6)

يامرحبا ياكثر ماقلناها
كرهتها من كثر مارددها
يابواردي ماعندك الا ابردها
ما تتقن الرميه كما اتقناها
اهل الوفاء مدة لنا يمناها
ولا يروّي الضاميه الا يدها
والبيض للي جات في موعدها
ماشفت يوم عصير ميلناها

7)


سلام جينا في وعدنا
حشمة عريبن المناسب
وجينا في العد المناسب
وإن زادة الصبيان زدنا
ماحد من العالم جحدنا
والعاني اللي ما يحاسب
نجي نكسر له المحاسب
وقت التحدي ياسعدنا

8)

يامرحبا نايب عن اهل النوبا
دعد الذي كل العرب تعرفها
وقت المواقف ما اختلف ماقفها
واحنا من اهل الماقف المحسوبا
بالعزوه اللي جات بالماجوبا
ترحيبتاً مثل الذهب نصرفها
على سلوم الناس مانخلفها
هذا الوفاء ياهل الوفاء المطلوبا

9)


يامرحبا كلاً بخيره
وكل واحد دون حاله
اول يشوف اللي في جاله
وبعدها ينظر لغيره
راعي الوفاء يرضي ضميره
يم الوفاء يشب جماله
والهرج نعرف راس ماله
قليله يعني عن كثيره

شكرا ً جزيلا ً لك وصح لسان بن مغبش

	المشاركة الأصلية كتبت بواسطة شباب

	شكرا ً جزيلا ً لك وصح لسان بن مغبش

العفو ياشباب


شرفت بمرورك الرائع

الله الله

صح لسااان الشاعر فيصل بن مغبش

رجز كااايف واسلوب فيه تجديد مع الحفاظ على الاصاله

تسلم والله ياسلمان الندوي على النقل الرائع تحياتي وتقديري ,,

رجز كايف يستحق التوثيق

مشكور يا سلمان

اشكركم جميع على مروركم الرائع