ياشياهين القوافي.

ياشياهين القوافي على صُبر الجناح
وصلي جزل المدايح بسرعه وعجله

واحملي زاكي سلاماً من الاعماق فاح
فيه قيمة من يرسله ومن يستقبله

وادهلي ماكر نداوي سدوده ماتباح
اللقب ضحوان واسمه زعيم المرجله

لا اعتزا رهجان كله ولج به الصياح
ماتعزوا غير بسمه نهار المعضله

نسل مروين الاعادي من السم الذحاح
من بني كعب ابن كاهل كرام المنزله

مجلسه لاجيت وسطه تحس بالارتياح
في حضوره كن عنك الهموم مكبله

في ذرا قوله هلا والمقابل والسماح
سمعته للي مايعرف مقره بوصله

من كثر من يدهله فالمجي وفالمراح
يصدمون العالم المقفيه بالمقبله

قرمً ايقلط ضيوفه على شحم الفطاح
شي منها في الصواني وشي معقله

والدلال الصفر لامن برق الجود لاح
صفر بن عشوان للفوز جات مزرفله

من عنا طرد المكارم تريح واستراح
ماعلاه الا يوذن وهي اتحج له

كن مدة يده غيثن تقفته الرياح
وين مايمطر عمار القلوب الممحله

سيل جوده يكتسح عيشة الفقر اكتساح
يغسل ادموع اليتامى ودمع الارمله

تفتخر بفعاله اهذيل وتعده رباح
وإيتقدم فول اصفوفها ويحق له

علم اللي حط راسه براسه بقتراح
يعزف اوتار النهاية على مستقبله

شاهر الكعبي الهذلي

المديح صنعة الشرفاء لاهل الفضل الذين يستحقونه

سلمت يا بو خلود وصح لسان الشاعر شاهر الكعبي

ياسلام وش هذي الدرر تبارك الرحمن


شكرا ياصالح

اخي سلطان السويهري
اخي شباب
ممتن لكما على هذالحضور المشرف

لكما مني فائق التحية والتقدير

ونعم المادح والممدوح
ونعم ببني كعب

صح لسان الشاعر شاهر الكعبي وبيض الله وجهه ووجهك يابو خلود
شكراً لك

صح لسان الشاعر شاهر الكبكبي

ومشكور ياصالح على الطرح الجميل

كفو كفو

صح الله لسان الشاعر وسلمت ياصالح على النقل

تسلم يابو رديد .. ووجهك ابيض

شاكر ومقدر لك ،،،،،

	المشاركة الأصلية كتبت بواسطة نادر النادر

	صح لسان الشاعر شاهر الكبكبي ومشكور ياصالح على الطرح الجميل

اسم الشاعر/ شاهر الكعبي الهذلي .. وليس الكبكبي

شاكر ومقدر لك ،،،،،

	المشاركة الأصلية كتبت بواسطة كفو

	كفو كفو صح الله لسان الشاعر وسلمت ياصالح على النقل

الله يسلمك يالغالي

شاكر ومقدر لك ،،،،

صح الله لسان الشاعر وعزالله إنه جزل

	المشاركة الأصلية كتبت بواسطة راك

	صح الله لسان الشاعر وعزالله إنه جزل

صح بدنك .. ﻻعدمناك

تقديري لك

من كثر من يدهله فالمجي وفالمراح //// يصدمون العالم المقفيه بالمقبله

قرمً ايقلط ضيوفه على شحم الفطاح /// شي منها في الصواني وشي معقله

والدلال الصفر لامن البرق لاح /// صفر ابن عشوان للفوز جات مزرفله


الله الله الله

صح لساااان الشاعر المبدع شاهر الكعبي

ونعم بالمادح والممدوح

قصيده جزله من شاعر مبدع بمعنى الكلمه ومن قبيلة شعر

القصيده جميع ابياتها جزله ولكن الابيات الي اقتبستها تحسب من بدائع الشعر

ومن الشعر الغير مسبوق وهذا الابداع ليس غريب على الشاعر شاهر الكعبي

فهو يملك شاعريه نادره وحضور ملفت للانتباه نتمنى ان نرى المزيد من ابداعه ،

شكراً لك ياصالح الكعبي على مانقلت لنا من شعر وجزاله تحياتي وتقديري .


*****