سلام الله بعد جينا هذيل اهل اليمن والشام

العفو ياعبدالله ووجهك ابيض

عبدالله بن حمود

سلام الله بعد جينا هذيل اهل اليمن والشـام **درع الحجاز وعسكر والبارود .. والساري سرى
والعلم اخير من الجهل والنور اخير مـن الظـلام **والجود جزلاته من الماجود .. والسـاري سـرى

فارس المطرفي

يامرحبا ترحيبة(ن) ننصابها الناس الكرام = ضيفان عند اهل الكرم والجود والساري سرى

اهم حاجة لاتسوق الساق وتغر النظام = وحوض الروى ياصاحبي مورود والساري سرى

عبدالله بن حمود

دام البقا والله يبارك فيك من بعد السلام
والباب من دون الخطا مردود .. والساري سرى
ياصاحبي والسالفة ماهيب في رد الكلام
بعض الكلام الله وكيلك زود .. والساري سرى

فارس المطرفي

فرصة يابو عابد نجر الصوت والعالم نيام = فرصة نغني والعباد رقود والساري سرى

بكرة إجازة ماورانا لامراح ولادوام = عجل ووضح علمك المقصود والســــاري سرى



عبدالله بن حمود

ياليت ابن مطرف بعد صلى العشا صلى القيام
يمكن يعمر بيته المهدود .. والساري سرى
انته كليت لسان سبع الليل ملعون الرسام
ثوّرت من يمناك له عبرود .. والساري سرى

فارس المطرفي

انا ارفع المعنى سماء وأحشم الناس الحشام = مااسعى ورى الهفوات والمنقود والساري سرى


المتهم قررت احطه في سياج الأتهام= أما يحلف ولايجيب شهود والســــــــــــــــاري سرى

عبدالله بن حمود

انته زعلت وجيت فازع بالمقمع والحزام
وامسيت ليلك في مراح الذود .. والساري سرى
العام ثارت من يمينك لاتلحقني ملام
لكن اظنك ماتجيب الفود .. والساري سرى

فارس المطرفي

أن حِصت قلنا لك خطأ وأن صبت قلنا لك تمام = خلك شنب ولكل شئ حدود والساري سرى

أســـــــــمع ليامنك بغيت مع الرياجيل الزعام = لاترتخي خلك سوات الطود والساري سرى

طاروق قوي
صحت الألسن وبيض الله وجيهكم

كفو يامبدعين كفو صحت ألسنتكم

عبدالله بن حمود
فارس المطرفي

صحت الالسن وبيض الله وجيهكم

ياسلام ياسلام

صح لسان الشاعر عبدالله حمود
وصح لسان الشاعر فارس المطرفي

قاف ابداع وفتل ونقض عالي المستوى

ابدعتم وامتعتم بيض الله وجيهكم