حدايا العيد في حفل ذوي عادي من بني عُمير من هذيل ..

أقام خامس ذوي عادي من بني عُمير يوم الجمعه الموافق 1437/10/3هـ
في قرية القوبعيه في وادي بني عُمير حفل بمناسبة عيد الفطر السعيد واتت هذي الحدايا وأحببت توثيقها:


حداية السعايد من هذيل :

عداد من كبر ومن صلى على وجه النبي
سلام منا يا عريبين الاصل والمذهبي
ميصالكم يا عزوة العمران هذا اللي نبي
واليوم عيد المسلمين وكل عام انتم بخير
.....
يا جعل شمس اهل العلوم الوافيه ما تغربي
اللي مواصلهم يشرفنا وغاية مطلبي
اللي يسالمهم سلم والا عداهم تنشبي
ما ضاغ للعمران حق ونعم يا بني عمير

الرد من بني عُمير :

عداد براق الحياء عداد حرفن يكتبي
يامرحبا يأهل المواصل ياعزاز المنسبي
الله يحييكم على التكميل من شيخ وصبي
في حلة اهل الطيب وأهل الجود فالوقت العسير
.....
اهل الوفاء والطيب تبدي في علو المرقبي
وانتم وحنا صف واحد ضد صف الأجنبي
جيتو لنا في ساعة الرحمن وإبليس يهبي
ياصليم يأهل الاوله والمجد والسيف الشطير


حداية المجاريش من هذيل :

سلام منا سنة الاسلام بالمبدى سلام
سلام يالعمران ياساس الوفا والاحترام
مقامكم مرفوع والاصحاب كلا له مقام
جينا نعايدكم بثالث يوم ومن العايدين
.....
حنا دروعا للوطن بسيوفنا يايمن وشام
سقم القلوب السود والفجار وعيال الحرام
بايماننا وسيوفنا ندحر خفافيش الظلام
اخصومنا ماهم عرب يمكن عرب مستعربين

الرد من بني عُمير :

يامرحبا ترحيب وافي مايجي حوله ملام
ترحيب ضافي بالجميع اللي لفو بعد الصيام
مقامكم يبقى لكم في كل وقت وكل عام
والعيد فرصه لتواصل ياعساكم سالمين
......
حنا دروعا للوطن وحزام مامثله حزام
من دون حد المملكة ناقف على صُم العظام
نرد كيد المعتدي بكل همه واهتمام
ماهمنا فأخصامنا غياب ولا حاضرين

حدايه ذوي صالح من بني عُمير :

سلام منّا ياذوي عادي عما عين المعادي
يالعزوة اللي فعلها فعل السيوف اللي حدادي
اعيال عم وعلمنا واحد على درب الرشادي
جينا نعايد في نهار العيد وامن العايدين
.....
واحنا ذوي صالح ونقدح مثل قدحات الزنادي
وقت المواقف فعلنا ينشاف لا نادى المنادي
واليوم كلٍ عايشٍ في خير فربوع البلادي
الله يديم الامن ويعز العرب والمسلمين

الرد :

يامرحبا في مرحبا عداد ماهب البرادي
يلاد صالح ربعنا يأهل الوفاء وأهل المبادئ
اعيال عّم وطيبكم كنه سواة النور بادي
ياللي لفيتو ليلة المعياد وامن الفايزين
......
يافرحة الزهام لأمنه زهمنا فالعنادي
حنا هل التكميل والعلم الجميل الأد عادي
والوقت كله خير والجيد من الوقت استفادي
مايتبع عداءة الوطن في يسار ولافي يمين

حداية بني مسعود من هذيل :

سلام في ثالث ليال العيد والداعي دعانا
ومواصل ارجال الوفى والطيب ماعنها احتدانا
من عزوت وقت الطلب نثبت ولا تشقر عصانا
سلام من عزوة بني مسعود وافين الفعول
......
انتم وحنا من هذيل اللي على العليا رقانا
صديقنا يفخربنا والمر نسقيبه عدانا
درع الحجاز وعسكر البارود مايلحق مدانا
اسم لنا بافعالنا ثابت ولايمكن يزول

الرد من بني عُمير :

يامرحبا ترحيب في عيد الفطر باللي لفانا
على السواير والمذاهب مانسيناه ونسانا
حنا عيال عُمير عن مقصودنا محدن حدانا
اللي نقوله نحرزه صلو على وجه الرسول
......
انتم وحنا من هذيل العز فالدار احدادانا
تاريخنا يشهدلنا والمجد من فعلة يدانا
درع الحجاز وعسكر البارود في طول الزمانا
الاسم للهذلان لاتهتم من قايل يقول



حداية ذوي عبدالله من بني عُمير :

سلام من طيب القلوب البيض والعقل المصرف
رديتن زايد غلاها مايحرفها المحرف
من عزوتن في حزة الميقاف لايمكن تطرف
الاد عبدالله هل الطالات والباس الشديد
......
يالعزوه اللي طاب مسعاها ومنصاها مشرف
في سلمها رحمه وفي الغاره كما السيل المجرف
الاد عادي صيتهم مشهور مايبغى معرف
الله يديم افراحكم وافرحنا في كل عيد

الرد:

يامرحبا من عقل واعي ماهو العقل المخرف
ترحيبتن كاس الوفاء تملاه لين انه يذرف
من عزوتن ميقافها دايم على القمه مشرف
الأد عادي دوم مبناها على الساس الجويد
......
يالعزوه اللي مجدها وافعالها ماهي على الرف
دايم مواقفها بعيد عن التحيّز والتطرف
ومن الوفاء والطيب والتكميل بحرن مايغرف
الله يديم أفراحنا والله يفعل مايريد

صحت السنت الشعراء
وبيض الله وجيهكم يابن عادي


عيدكم مبارك

ونعم ياذوي عادي ونعم بمن ذكرت
توثيق تشكر عليه ياأبوعبيد
وعيدكم مبارك وعساه يعود عليكم بالخير

توثيق تشكر عليه