قال الهذيلي

قال الهذيلي

قال الهذيلي في بداية كلامه ** صلاة رب العالمين وسلامه
على نبياً شرف الله مقامه ** اللي نصر دينه وقاد الجهادي
عاشت بلادي بالامن والاماني ** في ظل ابو متعب حكيم المعاني
من عهد ابو تركي ليا ذا الزماني ** بامن وامان وعز عاشت بلادي
الله يديم ايامنا بالسعاده ** في ظل قادتنا بحسن القيادة
الي لهم في قمة المجد عادة ** زبن الدخيل مطوعين المعادي
انا افتخر بهذيل والفخر لية ** ذكر الكرم والطيب حقاً علية
ربعي هل الطالات من نار حية ** لطامت العايل نهار العنادي
وياليت للشعر المعذب سلاطين ** يحماه من افواه الخبول المجانين
كلاً يبي الشهره ويبي الملايين ** اصبح يبيعونه بسوق المزادي
كلاً يقول الشعر عندي حياته ** يظهر على الشاشة ويحرك شفاته
مايعرف بحوره ويبجهل صفاته ** يومي كفه مثل كف المنادي
كلاً يبيع ويشتري في مجاله ** احداً كسب واحداً خسر لامحاله
وش حاله الخسران وشلون حاله ** والله يكون بعون كل العبادي
قال الهذيلي في نهاية كلامه ** صلاة رب العالمين وسلامه
على نبيناً شرف الله مقامه ** اللي نصر دينه وقاد الجهادي

الشاعر/ معوض بن درويش المسعودي الهذلي

صح لسانك
اعطينا جديدك
لا تبخل علينا

	المشاركة الأصلية كتبت بواسطة نايف الجابري

	صح لسانك اعطينا جديدك لا تبخل علينا

صح بدنك غالي والطلب رخيص

صح لسانك ياابن درويش