يامرحبا ترحيب مطلع كلامــي
ترحيب منا بالضيوف الكرامــي
الله يديم افراحنا كل عامــي
وانتم وحنا بالامن و المسرات
بحفل ممدوح احتفينــا وجينــا
وتشريفكم للحفل شي ثمينــا
ونكــرر الترحيــب حق علينــا
يامرحبا بضيوفنــا كل الاوقــات
ولكم معزه في صدور المعازيــب
ياضيوفنــا مافيه شكــاً ولا ريــب
انتم اهل التكميل واهل المواجيب
علما مؤكــد مانقولــه دعايــات
والضيف له واجب وحشمه وتقدير
اله الشحم واله الدلال المباهير
ولا يكرمه كثر الحكي والمعاذير
وترى الكرم فوق العرب له علامات
وصلوا على المختار يالحاضرينا
على نبي الخلق في كل حينا
افضل عباده وافضل المرسلينا
منا عليه افضل سلام وصلوات
الشاعر / معوض بن درويش المسعودي الهذلي