يالله يامنشي المــزون الثقيلــه
يا واحد كــل العــرب تشتكيلــه
ترحم فقيــداً راح وادنــى رحيلــه
معاد يبقى غير ذكــره و طاريــه
بين اللحود امسى وحدب النصايب
اقفى عن الدنيــا وخلا القرايــب
يالله يامـذري نسيــم الهبايــب
تغفر ذنوبه و انت تعلم بماضيه
عنــد السؤال تثبتــه للصوابــي
على طريق الحق يعطي الجوابي
واكتب له الجنه وحسن الثوابي
يالله ياربــي مــن النــار تنجيــه
ياخالقــه يالله تغفــر ذنوبــه
و انك تجاوز عنه و استر عيوبــه
ظله بعرشك يوم عرض العقوبــه
يعطي كتابه في يمينه ويرضيــه
امسيت افكر في اقتلاب الليالي
اللــي تقلــب بين مر و حالــي
وتزعل اللي كان داله و سالــي
ايام تضحــك لــه والاخرى تبكيــه
ياعاشــق الدنيــا تراهــا غــروره
تسقيك من بعــد الحــلاوه مروره
لو زان وقتك له ترى الوقــت دوره
لابد مــن يومــاً يجيــلك تعانيــه
ما ينفــع الانسان مالاً يجيبــه
يوكــود ماتعطيــه نفســه بطيبه
مرهون بأعمالــه وربه حسيبــه
و الله بقدر أعمــال عبده يجازيــه
طول الامــل ما فاد منهو تأمــل
دنيــا خبيثــه زائلــه مــا تجمــل
يحسب لهاذيه و هــذي من اول
و يجيه يومــه ماتهنــى بأمانيــه
يالله تكرمنــا بحســن الختامــي
ياواحـداً مــن يطلبــه ما يظامــي
انت الكريم ولا احد غيرك كرامــي
يا واحــداً كــل المخاليــق ترجيــه
و صلاة ربي عد ماهــب نسنــاس
على النبي المصطفى سيد الناس
اللي بعثه الله لخلقه على ساس
يظهر طريق الحق للناس تمشيه
الشاعر/ معوض بن درويش المسعودي الهذلي