أبيات المعاني من شعر عبد الله المسعودي

الاخ ابوجابر حيالله الموضوع اللي جابك

انا لم اتصور المعنى والتحليل من شخص مطلع وعلى علم بالمعنى لاادري ماذا تقصد بالسطحية والله لوتقلي مكتبة ماتقدر تفسر لك معنى للمسعودي

تفسيرها عند العارفين وبعض كبار السن اللي عاصروا المسعودي

اذا ماكانت زوجة عبدالله فيلبي من قبيلة عتيبة امسحوا الرد يالمشرفين لانظلم احد وعز الله انه كلام الراوي الثقة

طيب يا جماعة البيت اللي يقول فيه

من اول يا ذهبنا كنت في صندوقنا مصرور .. وذلحينه تشالتك الحرامية باياديها

أنا اقول المقصود به الملعبة وانتم وش رايكم ؟

	المشاركة الأصلية كتبت بواسطة حماس

	طيب يا جماعة البيت اللي يقول فيه من اول يا ذهبنا كنت في صندوقنا مصرور .. وذلحينه تشالتك الحرامية باياديها أنا اقول المقصود به الملعبة وانتم وش رايكم ؟

شكرا لطرحك اخي حمااس كثير من الناس ذهبوا في معنى البيت هذا انه بيت سياسي بالدرجة الأأولى واظنك سمعت بهذا كثيرا والله اعلم

شكر خاص لكل من شارك وأفادنا برأيه

وما زلنا ننتظر ما تجود به ذائقتكم من الجواهر الشعرية للمسعودي رحمه الله

تحياتي للجميع

يقول المسعودي

اضرب البنج بالشيش واحذر جلا
واهدم البير ويقل ورّادها

يالربع خلونا ناخذها حبه حبه لتعم الفائدة وخلونا ببيت عبدالله لمطلق

من اول يا ذهبنا كنت في صندوقنا مصرور .. وذلحينه تشالتك الحرامية باياديها

ولكم الشكر

	المشاركة الأصلية كتبت بواسطة حاجب

	يالربع خلونا ناخذها حبه حبه لتعم الفائدة وخلونا ببيت عبدالله لمطلق من اول يا ذهبنا كنت في صندوقنا مصرور .. وذلحينه تشالتك الحرامية باياديها ولكم الشكر

إبشر بسعدك يالحبيب

وياليت تتكرم وتجيب البيت الرديف للبيت الموجود

المسعودي :

عينت الشايب اللي لقمته ماوصلت الحنجور ؟ //// فضيحه لن تفلها وان بلعا سمها فيها
من اول ياذهبنا كنت في صندوقنا مصرور //// وذا الحينه تشالتك الحرامية باياديها
مطلق :

عينت الطرقي اللي شق قدره شعلة الدافور ///// ليا جاته ضيـوف الله يـزري لا يعشيهـا

ونا ماني بشايل لي عصاة راسها مشقـور ///// لكـن التاجـر اللـي جابهـا لازم يوديهـا

طرحت لكم ابيات عبدالله ومطلق ليكون النقاش اوسع

تحياتي لكم

أشكر جميع من شاركنا

وننتظر الآراء والتعليقات حول الأبيات التي أتى بها الأخ حاجب

تحياتي للجميع

	المشاركة الأصلية كتبت بواسطة حاجب

	المسعودي : عينت الشايب اللي لقمته ماوصلت الحنجور ؟ //// فضيحه لن تفلها وان بلعها سمها فيها هذا البيت واضح معناه ترحيبة عبدالله الملغمة هي اللقمة المسمومة والشايب هو مطلق من اول ياذهبنا كنت في صندوقنا مصرور //// وذا الحينه تشالتك الحرامية باياديها المخاطب هنا غاااامض ولذلك لا تعليق مطلق : عينت الطرقي اللي شق قدره شعلة الدافور ///// ليا جاته ضيـوف الله يـزري لا يعشيهـا يبدو أن مطلق ينتقد ترحيبة عبدالله وأن الترحيبة التي رمز لها بالعشاء كان يجب أن تكون وافية.. ربما ونا ماني بشايل لي عصاة راسها مشقـور ///// لكـن التاجـر اللـي جابهـا لازم يوديهـا طبعا "غالباً" العصا المشقورة عند الشعراء هي ما يعرف بالجناس أو الشقر وهو إذا تم كشفه يعتبر ضعف، لكن ماهي الكلمة؟ الأكيد أن مطلق لم يعرف معنى عبدالله طرحت لكم ابيات عبدالله ومطلق ليكون النقاش اوسع تحياتي لكم

مجرد تفكير بصوت مرتفع

	المشاركة الأصلية كتبت بواسطة حماس

	مجرد تفكير بصوت مرتفع

اضم صوتي لصوت الاخ حماس واضيف المعنى سياسي والله العالم وبعيد جدا عن متناول العقول اللي تحلله

جميل في شعر القداما حتى لو كان مخفي انك تستمتع بجزالة اللفظ

ماطلعوا الرواد سطح القمر بالفطر الشيب

شطر للمسعودي والله معانيه ماهي موقعة قريب

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
امشو ليا صارت الطرقه عليكم لزوم = نحر المطيه ولا قطعة عراقيبها
[/poem]


البيت هذا لازم معي بشكل رهيب طول الصيفيه وانا اردد في هذا البيت

وكل ماغنيته اكتشف فيه معاني وتصاوير جديده فعلا بيت من ابيات المعاني للشاعر الاسطوره عبدالله المسعودي

يسلمووووووووووووووووووووو ووووو