الحدايا في احتفال ذوي عادي من بني عمير من هذيل بالعيد السعيد

الحدايا في حفل ذوي عادي من بني عمير من هذيل فعيد الفطر لعام 1439هـ

حدايه الشيخ ماضي بن مشعل العميري وجماعته والشاعر سعود بن مسعد العميري وجماعته ومن معهم من بني عمير

سلام في عيد الله المشروع وحكام الشريعه
جينا نعا يدكم ومقدار القبيله فالطليعه
انتم ذوي عادي حزامن نشتريه ولا نبيعه
الرفقه اللي ساسها معمور تشراء ما تباع


وش رأيكم يا ربعنا في علم والليله نذيعه
نبغا لنا معياد واحد والقبيلة تستطيعه
هاذي سلوم اجدودنا ياربعنا ما هي بديعه
عسى الشيوخ امع الجبر تهتم قدر المستطاع

الثمن :

يامرحبا في مرحبا والوصل خير من القطيعه
الله يحييكم لفيتو فالحصون اللي منيعه
يوم الشجاعه عادت اهل الفعل والقوم الشجيعه
واللي جويد الخال فالميقاف والوقفه شجاع

الرأي يبغاله صحاح قلوب وصدوراً وسيعه
علم الصحيح يقنّع العراف والعاقل يطيعه
لكن لمو رأينا في عيدنا واللي تبيعه
الشيخ يرسم موعده واللي فرأي الشيخ طاع

حدايه قبيله قريش

الاوله سلامي تسليمن يداوي كل عله
ينصا هذيل الجود والمعروف والغاوي تدله
سموا ذوي عادي على الاعداء لها سيفن تسله
سلامي يانعم الرجال اللي لها عزن وشان

والثانيه حنا قريش اللي كما هلال الاهله
منا رسول الله محمد نهجنا شرعن ومله
تاريخنا يشهد لنا والمجد يوم نحوز كله
جينا نهنيكم بعيد الفطر يانعم الخوان

الثمن :

يامرحبا من روس قومن بالمكارم مستقله
واللي يجيب العلم ياخذ علم مافي القلب ذله
الله يحييكم لفيتو والوفاء هذا محله
اخذ الردد واخذ الاجابه من فصيحين اللسان

حنا بنينا قصرنا وجدارنا مافيه خله
اليا انعقد حبل الشقى حنا بقوتنا نحله
والطيب ربي قسمه تقسيم للعالم جبله
وهذيل تمن خيفة الخايف ويصبح فالامان

حدايه الشيخ شويمي المطرفي والشيخ محمد بن جزاء المطرفي

سلام من ربع" وصية شيخهم محد " نسيها
الطيبين ووصلها العامر موصينا عليها
يالاد عم" لادعى الواجب ولازمها نجيها
وعمير مع مطرف سوا فالطيب والفعل السمين

اللي دروب المرجله والعز في وقته مشيها
انشهد إنه كفو والامداح من طيبه لقيها
سوات عابد يوم جيناله وجيتنا يبيها
والله يعيد اعيادكم ياعمير ومن العايدين

الثمن :

يامرحبا فحلال قومن كل قاله تحتميها
هذي عباره واضحه وشروحها منها وفيها
يدريبها القلب الذهين ويدري القلب النبيها
وعمير مع مطرف سوا مابه يسار بلا يمين

الناس تعرف راعي القمه ومنهو معتليها
عابد يعز اصحابه اللي فالمواقف ينتقيها
والطيب مابين الرجال مبادله منها واليها
الله يعز الحي والرحمه لكل الميتين

ـ حدايه الشاعر خالد عبيدالله المطرفي وربعه :

سلام عند حسين بن فواز و انا جيت احدي
اعرف حدود الناس يا اهل العرف واقف عند حدي
والخصم فالميقاف لابده يحد الخصم حدي
علم تسولف به رجال العرف قرن من الزمان

العام جيناكم على سبل الوجوب وجا تحدي
وليا ان احد يمشي على وضح النقا واحد يحدي
وانا سوات السيف ابو حدين كيف تنوش حدي
ان جيت يلحقك الخطر وان رحت يلحقك السنان

الثمن :

يامرحبا في مرحبا ياذخر ابوي وذخر جدي
وانته تعرف العلم في حزت يجي مزحي وجدي
بالفعل والبرهان ماهو بالتوسل والتجدي
وان هبت الارياح يثبت فالزمان وفالمكان

الغصن مليان بثمر للي يجد الغصن جدي
والناس احد فاهم من الايام واحدن مستجدي
واللي يبى الطالات يتعب لجلها والها يجدي
والله يكافينا ويكفيكم تهاويل الزمان

حدايه السعايد من هذيل

سلام يا أهل العيد والمعياد والحفل المشرف
جينا نعايدكم على حسب العوايد ونتشرف
يالاد عادي وأسمكم معروف مايبغى معرف
بني عمير ونعم فيكم والقبيله من هذيل

والله يعيد أعيادنا في ظل دولتنا المورف
وأحنا على منهج سلفنا لا مظل ولا محرف
والله يديم الأمن في الداخل وفي الحد المطرف
ويعز دولتنا وينصرهم على غاوي الدليل

الثمن :

مرحبا ترحيبتن منا مصرفها المصرف
ترحيبتن ينشر علمها بالوفاء ماهي على الرف
نذرف الاقوال للي قولها دايم مذرف
نوفي ونستاف الحقوق ولا علينا مستحيل

الله يديم الامن ويشتت هل افكار التطرف
نقولها برقيتن وكتاب مختوم ومزرف
في ظل دولتنا هل التوحيد مع حسن التصرف
منا الولاء ونبايع الحكام جيلاً بعد جيل

حدايه محيا من هذيل :

ياسلام الله سلامن على حسب النظام
قول حشمة واحترام

حزت الميعاد جينا على حسب العوايد
حزت الميعاد جينا على حسب العوايد

لرجال الي مواقيفها شرقن وشام ثابتة في كل عام

في ليالي العيد جينا وجعل العيد عايد
في ليالي العيد جينا وجعل العيد عايد

الثمن :

مرحبا حيالله اللي يردون السلام يارفيعين المقام

بالرجال الحاضرينا وسيعين البنايد
بالرجال الحاضرينا وسيعين البنايد

الرجال اللي توقف على صم العظام يوم حزات الزعام

فالمواقف حاضرينا ليا شبت وقايد
فالمواقف حاضرينا ليا شبت وقايد

حدايه الشاعر عمر عتيق الله المسعودي وربعه :

سلام عد الجاهز اللي كل شعبن منه سييل
خييل خياله والعباد تشوق له من يوم خييل
ننصابه اللي عن لزومه لا يميل ولايمييل
وان شاف كثر الاتجاهات اتجاهه لليمين
جينا وعنوان الكرم فنجال بريه مهييل
وانتم لكم قدر وغلا فقلوبنا ماهو قلييل
ي الاد عودن مامشو بالمكر والا بالتحييل
منهاجهم واضح وممشاهم على تقوا ودين

الثمن :

يامرحبا ونكيل في كل العلوم اللي تكيل
والظفر يقضي لازمه يومن غير عنه قيل
وانتم وحنا ماخلق فينا ضعيف ولاذلّيل
اللي يبى درب الوفاء يمشي وبالله يستعين

جيتو وحنا قصر باني لا يهد ولا تهيل
وانتم لكم مقدار غالي من هنا لين السليل
وابعد كثير من الحدود اللي عقلك تخيل
كلاً وله منهاج واليمنى طريق المسلمين

حدايه ذوي صالح من بني عمير :

سلام في سلام يا ربعٍ كما السيف المهند
عزوة ذوي عادي عمى عين الحريب إليا تعند
عدوكم ما ينتصر لو جبله جنود و تجند
ما هو بهازمكم و لا يلقى شفيع و لا نصير

حنا ذوي صالح سند جنب الدخيل اليا تسند
فزعاتنا يسعد بها المضهود لا جنب و بند
وأهل الكرم و أهل الدسم للضيف و الكيف المقند
يا الله لا تجعلني أفقد لاصغير و لا كبير

الثمن :

يامرحبا ترحيب وافي جزل مرفوع ومسند
ربعي مفندت الحريب الطاغي اللي مايفند
والند في يوم الصمايل يشهد لميقافه الند
والجيد اللي هيبته دايم تجير المستجير

حنا ذوي عادي تريد المختصر ولا المفند
العلم واضح وانت لاتنشد شعيل ولا مهند
يوم الملح والنار والبارود من خشم المزند
كبارنا وصغارنا لو كان مافينا صغير

حدايه المفارحه من ذوي صالح من بني عمير :

سلام منّا ياذوي عادي كريمين المبادي
يهل العلوم الوافيه واهل السواير والقوادي
انتم وحنّا في مواقفنا كما قدح الزنادي
جينا نعايدكم بعيد الفطر وامن العايدين

حنّا ذوي صالح لنا تاريخ ماهو شي عادي
مع القبايل فعلنا ينشاف مثل النور بادي
واحنا مواقفنا سوا مثل السيوف اللي حدادي
فزعة هذيل اللي لهم تاريخ من ماض السنين

الثمن :

يامرحبا ترحيب عند اهل الاشده والشدادي
ياربعنا اللي لا دعاء الداعي تجوب للمنادي
والظفر في وقت اللوازم ظفر مايحداه حادي
يلقى فعوله في مواقيفه وبينته تبين

حنا ذوي عادي نكيد الخصم ونكيد المعادي
اقوالنا وافعالنا تعرف على العلم الوكادي
روح انشد التاريخ ويعلمك ويش الاد عادي
اهل الثلاث البيض والتكميل والعلم الثمين

حدايه الشيخ رشيد بن سالم العميري والشيخ ضيف الله بن سعد العميري واخوياهم عند ذوي عادي :

سلام ومن العايدين أتعمكم من دون خصا
تضفي على روس الجميع ومن يقص الدرب قصا
ولي يعرف إحساب في وقت اللزوم يحص حصا
والعيد عايد يارجال العرف ومن العايدين

ترا الوصاية واجبة يوم العوراف ماتوصا
كِلن يبي جبر العصا من شان يمشي ويتعصى
العلم واضح مثل نور الشمس مايحتاج نصا
والصبر مفتاح الفرج والله يعين الصابرين

الثمن :

يامرحبا ترحيب وافي ما انقسم ربعً ونصا
بلي بناء كل البيوت مركبه وحروفها اصا
من عزوةً وقت اللوازم جدرها مرصوص رصا
الله يجعلكم على طول اليالي سالمين

الأد عادي فالقا قومً تفص العضم فصا
عيال شيخً خصمهم مرعوب وبريقه يغصا
ونجات في قطع الحقوق ولحية المخطي تقصا
يمشون بالساير على سلم الرجال الاولين

كفو وعاد عيدكم