5000بيت قصيد متحدث يوميا ً بالجديد والنوادر

	المشاركة الأصلية كتبت بواسطة نايف الجابري

	واصل ياشباب وكلنا معاك احيي فيك روح العزيمه والاصرار ماشاء الله عليك ملحمه شعريه تحياتي لك وتقديري

الله يسلمك يانايف ويامراحب ملايين فيك يالغالي

من ينقدك كان فلم وبان

واليا احتميتوا فرشتوهم

ماضيك انصع من الالوان

والله للخلق يبلوهم

وانته معرب نسل شمران

القوم حُرّة ولا اهجوهم

عساك تبقى على الازمان

من شلة والخير يكسوهم

اقطف من التوت والرمان

والسيف للغرب يجلوهم

رحت المدينة وفيك ايمان

رجلين والله يعلوهم

بكل عناية من العيّان

اللي بسحر جا يبلوهم

كفارة ياشيخنا اللي زان

والبعض يسرق ولا جوهم

ظليمتك ُتزعل الميدان

وتبكّي جمال تحنوهم

ياسلام الله على اللي له مقام وله مهابة

لاتبيعون البهم يافلان لو فيكم ذرابة

مير شباب ان بدى في علم جاب الكم صوابه

ولعي يانار في راس الفتيلة ولعي

اقنعوا بالموجز اللي صار من بين الرجال

مانبى تحذف يمين ومانبى تحذف شمال

لاتغرك صورة ٍ ياهالمصوّر يابلال

ولعي يانار في راس الفتيلة ولعي

وان كربت حزامك احرص فالليالي اللي تدور

والله انا ّ ياولد فالشعر دقينا النحور

مانبى منكم صقور ولانبى منكم نسور

ولعي يانار في راس الفتيلة ولعي

كان وصلت سوي لك ياصاحبي مكتب حديث

مانبى منكم لعين ولانبى منكم خبيث

مير انا للشعر كله ياهوى بالي وريث

ولعي يانار في راس الفتيلة ولعي

والخطايا لو تجينا ترجع لكتاّبها

مانبى كذابها ولانبى نصابها

مير هالبندق وهاذي راكزين حرابها

ولعي يانار في راس الفتيلة ولعي

احسن تسافر وتحمل في الشنط وتكون بيه

مانبى منكم نزيه ولانبى منكم نبيه

مير يابن القوم شرهات الاوادم فالوجيه

ولعي يانار في راس الفتيلة ولعي

ربعي هذيل اهل الفعل فالقواميس

دايم فممشاها على خط بتلة

وانا اللي لميت الشعر والهواجيس

والبعض يركض مير هيه ماجتله

والبعض حرّكها فبعض المقاييس

الين مشاها وهيه مشتله

وانت اللي قافك حرّك جمال والعيس

الين حبّاها وهيه حبتله

لاتعترض لاكان للقاف تاسيس

والبعض والله مستحق ٍ لقتله

اصحك تلقيها معانا بتعكيس

مادام تنقضها وللعلم فتلة

ماهمني لو تعتزي بالسناعيس

من كمّل بعالم فهي كملت له

عساك تعرف طقسها والتضاريس

والموقع اللي فالخريطة احتمتله

مادام فالدنيا رؤوس ومراويس

كثير من فايامنا طبلت له

وختامها طب القلوب المتاعيس

قافي ومن سرّى المعاني سرتله

احسن لك تدور على عالم وتفهم ماتقول

مالك ومال اللي يجيب اخبار ماهو قدها

والسيف له حدّه على وقت الصحابة والرسول

ويرجّع اهل الشرك والقوة تحصّل ضدها

هذا الزمان اللذي بيدور

والله ما اظنه بيرحم

لكن تركي يجيب الزور

وانا مع الغانمين افهم

ياسلام الله سلام ٍ فيه نار وفيه نور

مير شكلك ياولد معا محّفرة القبور

انتبه للعلم الاول والسنين اللي تدور

والنتيجة كل شاه معلقة بكراعها

كان سافرت انت للماضي وعيّنت الرجال

مانبى منك المعاني فاضية في كل حال

انت ياناصر عريب الجد واعمام وخوال

والنتيجة كل شاه معلقة بكراعها

وان تنبّهت انت فاعرف كلنا متنبهين

لاتجونا من شمال ولاتجونا من يمين

احسب حسابك وقدامك رجال ٍ غانمين

والنتيجة كل شاه معلقة بكراعها

اللي يميزك انت طيبك وبّرك

واللي يميزني باني هويتك

ياشيخ والله مانبا اليوم شرّك

يكفي باني في زماني لقيتك

لقيت فيك اوصاف لله درّك

وانا اللي جيتك في السنين ونصيتك

وش لون لو صافحت من هو يسرّك

لله ويمرّك ليا حد بيتك

حذرى من اللي فالمواقف يفرّك

وانا اخبر فيمناك شايل بشيتك

وفالمعارك بان يافلان كرّك

ليتك تقدّرنا وياليت ليتك

انت اللي مامثلك فطيبك

وانت اللي كل العرب تغليك

يعلم بك الله في غيبك

عساه فالعمر مايخليك

الليلة المعنى سرابي وسيّر

والكل في الدنيا مسيّر مخيّر

لكنك انت ياولد لاتطيّر

لاواحليلك يالرجال المسماه

تغريدتك زينة ولك فن بادي

بين الحضر ياصاحبي والبوادي

ياصقر ياصقر الهدد والهدادي

لاواحليلك يالرجال المسماه

يامرحبا واير في واير

يالله تشيلك والستاير

وتدحدرك فايّات وادي

مااظن تسلم والظفاير

ان جيتنا والدم فاير

اقرا عليكم وانت باير

وان كنت فالماقف جوادي

تفداك كبوة وانت ساير

اهلين في عصر الربوعي

ولايجي منا ّ خضوعي

حنا ّ هل الروس الحكيمة

ياللي تسقوّن الزروعي


ان كان تسمع بالسموعي

لاتحتري منا ّ رجوعي

والله ماجتنا هزيمة

واكثر هل الماقف في طوعي

يامرحبا والقهر فيكم

والبعض لامنه وطيكم

ابدى العنا وابدى المشقة

لكن والله ماعليكم


ارجع لمنهو يفتديكم

وفي مواقفكم يجيكم

مادام يمشيها بدقة

وش رجع الاولى عليكم

يامرحبا رحبا ً فصيحي

وام الموازين ان تصيحي

مالك بها مير الحيايا

تمشي بمشيتها فحيحي


دور على دعاية فتيحي

والكل فالماقف صريحي

لكن من بين البرايا

لي قافي اللي مستريحي

يامرحبا ترحيب بارع

ترحيب في الميقاف اقوله

ماكل رجالا ً ينوله

ممتاز في كل القوارع


ياللي احتميت بكل شارع

الباب مانبغى قفوله

والرجل لو حصّل قبوله

ماهو سوات الخصم فارع