رد: بداية المحاوره... اقرب يا عبد المحسن
( مساعد السويهري )
سلام الله برديه لها عبر الفضا مقياس
كتبناها على الصفحه وزينا معانيها
أنا مدري ولكن أقلعت بين الرجاء والياس
عسى مرسولنا طيب لصاحبنا يوديها
عبدالمحسن المسعودي
هلا يامرحبا من راس شاعر يكسب النوماس
تخصك ياالمسلّم والجميع الله يحييها
نبا ناخذ علومك دامت الرحلة لها مرواس
ومن ساق الركايب قبل ياصل لا يثنيها
( مساعد السويهري)
يا عبد المحسن أصحى لا تقربنا سلوك الماس
سلوك الماس ما نقدر نمد يديننا فيها
أنا نزال في الديره ترى ما جيتها عساس
أعرف دروبها وأعرف منازلها بأساميها
عبد المحسن المسعودي
تبا تقلط على بنٍّ نضج من حمسة الحماس
وانا أعرف العلوم الأوله وأعرف قوافيها
انا راعي شداد وماقفي معروف ياجساس
رجالٍ عزها في حاضر الدنيا وماضيها
مساعد السويهري
يابو محسن ترى بعض العمائم ما تضل الراس
ألا ياليت بعض الناس عن راسه يوطيها
أنا أدور شحم ما جيت أدور بن في المحماس
يجي غاري لها والا تعود بيت راعيها
|