اول مصافحة لمنتدى قبيلة هذيل العريقة "سلام الله سلامٍ تسمعونه يا رجال هذيل"

مرحبا يا عقيد والله يحييك


ومن سلام إلى ملعبة

وأقول يا عقيد :
ليا منك بغيت البحر بتلقى من يعومونه

عموما واصلوا والله يقوي كل واحد على صاحبه

أخوي مشعل
بيض الله وجهك عزالله إنك سنافي وماقصرت واكتشفنا موهبتك الشعرية وآسف إنني تأخرت عن الدخول للمنتدى منذ يومين ولم أشاهد هذه الدرر النفيسة التي قدمتها أنت وأخونا العقيد الذي أتحفنا تواجده معنا صح الله لسانكم الإثنين وبارك الله فيكم ونحن متابعون لكم .

الأخ العقيد
تشرفنا بمعرفتك وبداية موفقة ورائعة وننتظر منك المزيد والله يعطيك العافية .

السلام عليكم ورحمة الله وبركاته.
واقول ونعم لكن يالسنافي شفت نجم سهيل
تبا تبطي عظم ماتاصله وتطيح من دونه...

الصدق اني كنت متعجل شوي والميم قريبة من النون ..يعني خطأ إملائي المعذرة من شاعرنا..

أستاذنا سلطان الله يخليك ويكرمك ..
أخوي أبو حمدان ماعليك زود والعقيد شاعر وأخوك عليمي ..

للجميع تقديري.

خلوووووووووووووووووها

علومي يالهجومي مجد ابو مع جد وقت الخيل
وربعي لا عتزوا عبـــاد بالميقاف يحمونه
انا ماسب خنذف مير الاجرب بطرده يا شعيل
واعزله عن فحول الذود قدم الناس يطلونه

اقدم الشكر الجزيل لكل من عطر هذه الصفحة بمروره الكريم
واطلالته البهية ...

اخواني اعضاء منتدى قبيلة هذيل العريقة
تقبلوا جزيل شكري وفائق تحياتي ،،

اخوكم

العقيد

السلام عليكم ورحمة الله وبركاته.

ونعم اقولها مليون بس اصبر وشد الحيل
وحنا كم رجل فالمواقف نعمي عيونه ..
لكن الخيل به خيل لحرب وخيل حط وشيل
ولو يعجبك سرج فوقها ماهي بمضمونه ..

السالفة قصيد اخوي العقيد ولا هنت يالغالي أخ وعزيز.

بيض الله وجهك يمشعل بيوت رد من الطراز المسعودي
بارك الله فيك

ما يحتاج يا اخوي مشعل الهذلي الدعوى مزووح وعلوووم تروح
وترى صاحبك صدره شمالي
وانت ايضا اخ عزيز وغالي يابن هذيل
وانا ما قلت غير ان الدعوى قصيد واستلم

على السنة بلا منــَــه وهذا ناتج التحصيل
هذيل اطيب هل الاقوال في قولٍ يقولونه

تقوله وانت وضعك عند ربعك وضعك التحميل
بعد حملتكم يا هذيل حملٍ ما تشيلونه

الله الله المحاوره شاده



متابعين لكم

السلام عليكم ورحمة الله وبركاته.

أنا احمل صحيح وجيت باحملك حمل ثقيل
وترجع لاصلها لو صاحبي غير من الحونه
وانا بنصحك لا تمسي ولا تصبح بدرب السيل
يبا ياخذ مراحك ويحفر عن كل مدفونه

أخوي مشهور الله يعطيك الصحة على المتابعة ماعليك زود.
أخوي هذلي نحاول نتعلم ....القصيد مايجي الا مباشرة اخوي هذلي أنا ماتكلم عن نفسي لاني مجرد محاول على قدي بس اقصد كل من يبدع تحددون له ليلة ..مع خصمه.
العقيد صحيت يالذيب.

خلوووووووها

تحمَل ميم مشدودة وفتحتها كما الاكليل
وشفنا للفصاحة حبل هذلانك يشدونه

علامك تسبق المفتين بالتحريم والتحليل
نصايح فاجرين الدين يالهذلان ملعونه


العقيد صاحي ما رقد يامشعل

السلام عليكم ورحمة الله وبركاته.

انا ادري قلبك اطيب من نسيم هب تالي ليل
وربعي لاتقدم رجل مثلي مايوصونه ...
تعال وعل من عد قراح وخل قال وقيل
وربعي لا لقوا مثلك عمى لازم يقدونه..

أنا اشهد يالعقيد ...

وربعي لا لقوا مثلك عمى لازم يقدونه..

كفو يا مشعل

انا اشهد انك كفو

[glint][align=center]وربعي لاتقدم رجل مثلي مايوصونه ... [/align][/glint]




[align=center]كفو والف كفو يامشعل بيض الله وجهك[/align]

خلوووووووووووووووووووها

استلم يا مشعل هذيل

عسى الله يغفر اذنوبك بعد مازدت فيك الكيل
ترى يدّيك فيها والخرابه منك مصيونه
عزمت الصادر الوراد وعدودك تبى تقبيل
ومفتاحي ليا جبته فتح بـــابٍ تصكونه