سلام تسليمه وفا ترفع الرااس

	المشاركة الأصلية كتبت بواسطة مشعل الهذلي

	السلام عليكم ورحمة الله وبركاته يامرحبا ترحيب فخر ونوماس . ترحيب يكفي عن شراب وزادي ياالزايدي قلط ولا يلحقك باس اقولها عن لابتي من فوادي ياعتيبة اهل العز يامفيكم اخساس ياهل الوفا والطيب سقم الاعادي واحنا هذيل ان شب للحرب مقباس نارد حياض الموت علم وكادي الجار له مقدار ماهو كما الناس نحميه حتى بالسيوف الحدادي جوابك مثمن كما الدر والماس شرواك له جزل القوافي تقادي شرفتنا راعي سوالف وهوجاس من بعد جيت الصدق منته بغادي .. وسامحنا فالقصور اخوك ماهو بشاعر بس مشاعر واجب لشرواك طال عمرك مرحبا فيك مليون يالزايدي العتيبي وبيض الله وجهك ..لاهنت

..................

الاستاذ والشاعر / مشعل الهذلي

اسعدني ترحيبك وجوابك لسؤالي

ابد مايجي من يمكم قصووور الا بالعكس كفيت ووفيت وبيض الله وجهك

لا خلاااااااا ولا عددددددم

..

ياهلا ويامرحبا في منتدى درع الحجاز هذيل


حياك الله يالعتيبي ضيف عزيز وغالي

[ابراهيم الهذلي]

مهندس الكلمة الشاعر الكبير مشعل الهذلي

موهبة مكتملة لكن متى ترجع من لندن ؟

(( الااخ ..الزايدي العتيبي ))



بقلوب ملؤها المحبة ..


وأفئدة تنبض بالمودة..


وكلمات تبحث عن روح الاخوة ..


نقول لك أهلاً وسهلاً...


اهلاً بك بقلوبنا قبل حروفنا ..


بكل سعادة .. وبكل عزة ..


نضئ سماء الامل فرحة لوجودك بيننا ..


مرحباً بك بيننا ..


في منتدياتنا .. قبيله هذيل


وبإنتظار مايفيض به قلمك من جديد ومفيد

[مرعب]

حيا الله المهندس والشاعر الكبير مشعل الهذلي

وان شاء الله عودتك قريبة من لندن لاتطول الغياب ؟

حياك الله يالعتيبي

اخ عزيز وعضو فعال باذن الله

	المشاركة الأصلية كتبت بواسطة الزايدي العتيبي

	[poem=font="Arial,5,#000000,normal,normal" bkcolor="" bkimage="" border="none,1," type=0 line=0 align=center use=ex num="0,"] ................ سلام تسليمه وفاء ترفع الراس = مني لالاد هذيل سقم المعادي سقت المطايا من بعيدات الارماس= ووصلت ولا نزلت عنها الشدادي ولفيت قومآ مايخالطهم انجاس = وماهم من اهل النقنقه والدوادي وانا من عتيبه وبنيي على الساس = وامثل ( الزود ) بحضر وبوادي ربعي لهم في قمه العز مجلاس = واخصامهم ماتهتني بالرقادي هذا سلامي جاكم بجوف قرطاس = في داخله طيبآ ووردآ وكادي اما اقبلوه وقولو اقلط ولا بااااس = ولا اركب الناقه واعود بلادي[/poem] ......

أولاً: الأخ الزايدي العتيبي .. الله يحييك بمجالس هذيل .. شرفتنا
وأهلا ومرحبا بك .. وتقبل منى الأبيات التاليه
ثانياً: اقول لشاعرنا مشعل كفيت ووفيت فشكراً لك ..
ثالثا: لأني مسجل بعد المشاركة .. فقد مررت من هنا وحبيت ان
اشارك ببعض الابيات .. اتمنى ان تنال منكم القبول والمعذرة على
القصور .. رغم ان ابيات اخي مشعل كافيه ولكن ربما انا رديت على
كل بيت ببيت ..

[poem=font="Arial,5,#800080,bold,normal" bkcolor="" bkimage="" border="none,1," type=0 line=1 align=center use=ex num="0,"]
يامرحبا من قلب ولسان واحساس=مني بعتيبه مروضين الجيادي
ياالزايدي نوّخ مطاياك لا باس=دامك وصلت الحَر عقبه برادي
لفَيْتَ مَنْ مثلك وشرواك في الناس=والنعم بالهيلا سيوف الحصادي
وانا حميدي والبس الثوب بقياس=وامثل الهذلان خافي وبادي
ربعي رقوا القمه ولها صاروا حُراس=حمّاية التالي حُماة المبادي
تحيتي جاتك لها ذوق وانفاس=ذوق العسل وانفاسها طيب هادي
أهلاً وسهلاً مرحبا طير قرناس=أقلط ولا يطري عليك البعادي[/poem]

حمدي الحميدي الهذلي

الف شكر على هذا الرد الجميل أخوي حمدي الحميدي ولا هانوا الأخوان

ومرحبا بالزايدي العتيبي بين حلفائه