رصيـدهم فالبنك محدٍ يعـده...

[poem=font="arial,5,#000000,bold,normal" bkcolor="#ffffff" bkimage="" border="solid,5,#ff0000" type=1 line=0 align=center use=ex num="0,"]
راحت رجـال(ن) ياعـرب تـارد العـد=وجتناا رجـال(ن)فـاالبلـد مستبـده
علومهـم مـن كثرهـا تلهـد الكبـد=ورصيدهم فـاالبنـك محـداً يعـده
وان سولف الرجال منهم مايرّد=لوكان مخطي محـد يقـدر يرده
ويمنـاه ويسـاره تـجـود مسـنـد=مـن حيـث ماتكـى لقالـه مخـده
فاالمجلـس المربـوع تلقـاه ممـتـد=رجـال فـي ظهـره ورجـال نـده
وعلـى رجـال العـرف قـام يتمـرد=ويشوف نفسه رجـل مافيـه قـده
يرميبها خلـف الهـدف مـا يسـدد=والنـاس تضحكـلـه تدور لـوده
كـلاً يـحـاول يقـربـه ويـتـودد=ويهـز راسـه ويتـنـوش بـيـده
وان جالـه المحتـاج قــام يتـمـرد=لاواحسافـة مـن زمانـه يـحـده
لكن وقت الجـد تثيـت هـل الجـد=كـلاً نهـار الجـد معـروف جـده
نهار فيه الجزر يطغـى علـى المـد=وتعرف رجال المعرفـه والأشـده
معربيـن الخـال والـعـم والـجـد=ارجال فـي وقـت القـى مستعـده
والخبـل بفلوسـه ورى البـاب ملبـد=البـاب دونـه والمسيكيـن ســده
واسمه مع اهل الطيـب ماعـاد ينعـد=حيثـه لبسلـه ثـوب ماهـو بقـده
حرام في مثله هـل الكحـل والـورد=بنـت الرجـال الـي نسبهـا نعـده
بكـره تفـك البـاب والخبـل يقعـد=يقعـد وراهـا دوب صوتـه يقـده
يقـول قولـي راح لـه يـوم مــارد=رجال عنده شغـل صاحـب مكـده
مايعرف الواجـب ردي بـارد الخـد=واموالـه الـي فـاالبلـد ماتسـده
ماكل راعي مال يجمع ويرصد = الواجب الغصاب يقدر يسده
ولاكل رجال(ن) عن العلم ينشد= بعض العرب دايم يبيح بسده
ولاكل صاحب بشت وعقال يفقد = السيف عزه من نصابه وحده
مـن لابنـا بيتـه بسيسـان ينـهـد=وبيتاً علـى سيسـان محـداً يهـده
هذا كلام الشاعر الي ليا رد =يصخر بيوت الشعر لجل رده

[/poem]