حداية سليم والرد من دكتور الحداء

حــــــدايه سلـــــــيم


سلام تسليم الحيا اللي في السماء كـلٍ يخيلــه
تنصا هذيـــل ربوعنا درب الوفاء نعرف دليلـه
حنا سليم اليا حضرنا نشفي النفس العليلــــــه
نحما مواقفنا ونمشي فالطريق المستقيـــــــم

والثانيه حنا ندوركــــم ونسعى فالعقيلـــــــــــه
الله يبارك في هذيل اهل الوفاء واهل الاصيله
راحت سنين طوال كلن في سراه وفي سبيلــه
البعد فـــرّق بيننا واليوم سبحـــان العظيـــــــم

والثالثه ياربعنا معـــروفه القصــــه طويلــــه
وعد الرواء واحد ليا خيّل من المنشا مخيلــه
نمشي سواء والكيل فالمكيال بامر الله نكيلـه
ومن مات منا فالمواقف جوف جنات النعيــــم

واسألكم عن بنت دايم حاضــره وهي جميلـــه
والها ولد ماهــو مخـــاويها مكانه يستويلــــه
فيه الجمال ومستويلــه مالنا فالامــر حيلـــــه
هي قصه المقداد وألا دبـــرة الرب الحكيـــــم


بــــــــــــــــدل الهــــــــــذلان


يا مرحبا في مرحبا ترحيبـتن ما هي قليلــــه
يا سليم ياهل الوافيه واهل المواقيف الجزيله
حنا هــذيل اهل الوفاء واهل الموازين الثقيله
يشهد لنا التاريخ فالحاضر وفالعصر القديـــــم


انته تدورني وانا ادورك والهـــجره مهيلـــــه
والطرقي العجلان مايقضي غرض يومٍ وليله
وانته قـريب والبـعيد اليا بغينــــاله نجيـــــــله
رســولنا نحـفظ وصاته كون للمعنى فهيــــــم


والثالثه مانجحد المكتوب وش عندك وسيلـه
اما تقربنا بــها ونصـير في فيّــــه ظليلــــــــه
وألآ يجوز العلم ويخلّــص عميلٍ من عميلـه
وان مات ميتنا وميتكم بعــيد عن الجحيــــــم


البنـت يامـــن طاف بالكعبه يبي يكسب فضيلـه
واللي يصليٍ بالمــقام اليا دعا ما يــــــــندعيله
نطلب كريم العرش في التوبة قبل يقرب رحيله
تفكّــــروا فـــــي هالكــــلام اللي نقوله يا سليم