فزعة قبيله

	المشاركة الأصلية كتبت بواسطة البطيحي اللحياني

	اخوي الغالي ابو رديد , السلام عليكم ورحمة الله وبركاته , وكل عام وانت بخير , وجهك ابيض يا راعي الطيب سرني مرورك الكريم وسطورك الجميله , الله يحفظك من كل سوء

وعليكم السلام ورحمة الله وبركاته

وانت بخير وصحة وسلامة وسعة صدر ورزق


الله يجزاك خير

وتستاهل أكثر مما كتبنا طال عمرك ولا نوفيك حقك

لك جزيل الشكر

اخوي الغالي ابو رديد كل عام وانت بخير وعسى عيدك دايم , وبعد
اخوي الوفاء ماهو الا فيض من جود اهل الجود مثلك وشرواك , الله لايقطع رجاك فيه , ودمت

صح لسانك يالبطيحي ...

جانا جواب ٍ من ثمين المراسيل
شاعر رفيع الذات ربي وكيله
ويجاذب الونات ويحط ويشيل
ويمّضي اللحظات بأية وسيلة
حبره ليا منه كتب كنه السيل
من دمعه اللي فاض وأغدق مسيله
دمعة رجل يدري عن العدل والميل
من لابة ٍ زادت فخر للقبيلة
يامرحبا ترحيب معنى وتجزيل
يالوافي اللي مد جابة جزيلة
كني به مخيّر والأيام تأويل
والمر من بعده يجي سلسبيله
واللي يعاني من غرام وتهاويل
لامايعالج في القوافي بليلة
واللي شكى لإنسان من كثرة الويل
والجور الشدة وقل الوسيلة
غلطان يوم إنه سمع قال مع قيل
واللي يجاوب له كسب به جميلة
الواجب لرب الملا خالق الجيل
تبدابه الشكوى وتسلك سبيله
بينك وبينه لاوسايط غرابيل
تلقى الشفا ولكل نفس ٍ عليلة
واللي معذبك الهوى والتعاليل
وطموح يُبنى والحوادث تزيله
غض النظر لاتلتفت للمكاحيل
عش عفة النفس بحياة ٍ رزيلة
اثبت ومثل دينك بخير تمثيل
خلك جبل عسر المبادي ثقيله
لاتتبع الشاشات وسميث مع ويل
هذا ليا حان البعث ويل ويله
حدد هدف ينفعك يوم المحاصيل
لاصار كل ٍ مغتني من حصيله
وابعد وهاجر عن كبود المغاليل
واحذر حقود ً فيك يبرد غليله
وابحث عن الأبقى ليا صار تبديل
في بعض نيات النفوس المليلة
هذا ثمن لكن من دون تطويل
حبيت أناصح لك ولاجبت حيلة
أنا سليل هذيل والنعم بهذيل
قوم السيوف المرهفات الصقيلة
لي وقفة ٍ يشهد لي الركب والخيل
وأيضا ً قواميس العلوم الجليلة
نايف على الشدات ماأحتاج تعديل
وأحرص على المسلم يجيني وأجي له
وإلا المنافق مايلاقي مواصيل
اللي يخصك بالمقاصيد غيلة
وختامها تمت من الله تكميل
ذكرت والإنسان ربي وكيله

المطرف الهذلي صح الله بدنك وبارك فيك ياراعي الطيب

اخوي ابو عبد العزيز كفيت ووفيت يا مال البركه والله يجعل الطيب قسمك والجنه دارك

أخي اللحياني الله يسمع منك ويجعل الجنة داري ودارك وجميع المسلمين يارب

أمين والدي ووالديك