حمدو لي بالسلامة...... ياهذيل ,,, السيل السيل ,,,,,

ايوه والله ، الحمد لله على سلامتك ألف مره

والله يكون في عون المنكوبين و أهل جدة وكل الذين تضرروا جراء هذا الحدث .

وحسبنا الله ونعم الوكيل .

وعليك بالصدقة كما قال أخينا عقيلي ، لخروجك من هذه الفاجعة بسلام .

الحمد لله على السلامه

حمداً لله على سلامتك أختي الهنوف وعلى سلامة زميلاتك وبناتك الطالبات .

لا حول ولا قوة إلا بالله


الحمدلله على سلامتكم



والله شيء محزن ومؤسف فعلاً
والأعذااار هي

كمية المطر زادت
والأرض لا تشرب الماء


!!!!!


والله العظيم إنها اعذار تدل على استخفاف بعقول المواطنين الأبرياء

وين المسؤلين ؟؟<<<<<<<عفوا .. شفتهم بمروحية فوق جدة
وين الرقابة


نسأل الله ان يصلح الحال وأن يأخذ الفاسدين الفاسقين أخذ عزيز مقتدر

الحمد لله على السلامه
والله اني أوافقك في كل ما قلتيه وهل مهزله أكثر من كذا
الدفاع المدني لا يحرك ساكن والسيارات عُطلت بالكامل في الشوارع
يعني مالك طريق تمشي وفوضى من قبل المسؤلين جالس بمكتبه ويكذب سوينا وأنقذنا وفتحنا الطرق
وأزحنا السيارات لتسهيل حركة السير وهو كذاب انا في وسط المعمعة يوم الخميس وقد كال أرض شربت ماها
وهذا يهايط من مكتبه مدير المرور ومدير الدفاع المدني

الحمد لله على سلامتك أختي الكريمة الهنوف

الحمد لله ع السلامه اختي

	المشاركة الأصلية كتبت بواسطة الهنوف الهذيل

	مساء الخير أحمد الله جاءت على ما تمنااا , حمدوا لي بالسلامة والله اني كنت بغبة السيل الرويس البغداديه والحمراء راحت بحر ,مما جعلنااا نلزم المدرسة , بحصار من مياه السيول اربعة وعشرون ساعه ,والمشكلة المدرسة دخلها الماء مساوي لماء الشارع .. والسارات عند الباب كلها تغطة نوعا ما ,,والله يوم مرعب كاني بسفينة التاي تنك مدرستي تغرق ولازماناا سطح المدرسة طبعاً بتوجيه من الدفاع المدني ما شاء الله يالدفاع المدني عشرين مره يجون يعدونا كم عدد الطالبات كم عدد المعلمات واسمائهن والعنوان صراحة ما قصروااا تعبناهم معناا الله يعوضناا ,, لا ماء ولا طعام ولا ايواء والله اما دومات السيل شئ . الله لايوريكم مكروه ياهذيل وفي النهاية نحن انقذنا انفسنااا والمشكلة المديرة من الساعة الواحدة ظهرا الى الساعة الواحدة ليلاً وهي تقول بيجئ الدفاع المدني ينقذكم وساعه تقول بتجيناا زوارق ,,من خفر السواحل ,,, الى الساعة الواحدة خاطرنا وخرجنا من المدرسة بأعجوبه الماء واصل متر ونصف الله يستر سبحان الله الذي لا له الاهو واتوب اليه ,وطبعاً ماء سيل وماء من سد ام الخير ..ماشاء الله مسميات فيها أمل وكلها... دمااار بحيرة المسك الله يعز المسك ههههه, نسأل الله السلامة غامرت وخرجت امشي انا ومجموعة من الزميلات الله يستر وصلنا لاقرب فندق ,... ما شاء الله الشئ الحلو في الموضوع نورة الفايز نائبة الوزير اتصلت تسلم علينااا طبعا هذا كان الساعة الثانية عشرة ليلاً وبعدها بساعتين مدير وزارة التربية والتعليم الزهراني اتصل علينا ,الساعة الثانية من منتصف الليل ,,,يتطمئن على الوضع طبعا بعد ما نقذالجميع نفسه ,,, طبعا وجلسنا في فندق الساحة الى الصباح واحمد الله على سلامتنا جميعا انا وزميلاتي وطالباتنا ,,والله المرة الثانية حذرت المديرة وقلت: المهزله هذي ان شاء الله ما رح تكرر من يوم يجي هتان مطرر ...عشرة ما يمسكوني ..ههه . وسلامتكم يارب ما تشوفون الي شفناه ...

نسال الله اللطف اشارحك سرى بالموضوع كنت طالع من مستشفى الجامعه الساعه 11 صباحا وهلت علينا الامطار واعطتنا واعطتنا واعطتنا اليين ماعاد نشوف شي المهم وصلنا لشارع المحجر والامور طيبه وخويي يسوق وانا الدليله وكل ماقال لي كيف يابو باسل قلت روح يابو ضاحي الين وصلنا لارامكو وركبنا هذاك الرصيف اللي يحبه قلبك طبعا نشب راسي في القزاز الامامي ونص من شعري والدمي والشعر ماغير تتطاير المهم مالك بالطويله الحمد لله على سلامتك

ارزاق ناس يدقون عليهم وكلاء الوزارات وناس يدق عليهم النقيب ....

الحمدلله على سلامتك يا الهنوف




اللهم خذ بأيديهم وأحميهم وغير حالهم من هذا الحال لأفضل حال

ئــيوالله تحمدي الله ..

والحمد لله على السلامه

والله ياجانا سيل ٍ بغى يشيلنا في فندق ( الحياه بارك ) في جده بغى يشيلنا

ياوجه الله !!

السلام عليكم وحمه الله وبركاتة

	والله يوم مرعب كاني بسفينة التاي تنك مدرستي تغرق ولازماناا سطح المدرسة

يصلح فلم اربعه وعشرون ساعه رعب في سطوح مدرسة التايتنك ههههههههههه

	لا ماء ولا طعام ولا ايواء

السحابه على روسكم أوآآلا تشربون !!! والطعام يجي مع السيل وآآأما تاكلون !!! (حنقطة بااللغة العربية)
فواكه وعيوش تعوم مع السيل ههه ... اصلا مصطلح السيولة المالية مأخوذه من كلمة سيل لان السيل يجيب كل شئ معه .

	والمشكلة المديرة من الساعة الواحدة ظهرا الى الساعة الواحدة ليلاً وهي تقول بيجئ الدفاع المدني ينقذكم وساعه تقول بتجيناا زوارق ,,من خفر السواحل

ماقالت قوة الضفادع البشرية ؟؟؟؟ اكيد مديرتكم جاها ذهان صليبي في مخها هههه من الفجعه واكبدي عنها

	نسأل الله السلامة غامرت وخرجت امشي انا ومجموعة من الزميلات الله يستر وصلنا لاقرب فندق

هنوف هذيل شدة قطاعة سيل جدة <<<< أهتف وأشجع وقول وفعل بنت رجال ياابنة العم

	خاطرنا وخرجنا من المدرسة بأعجوبه الماء واصل متر ونص

متر ونص الطول عز ايوا الله



الحمد الله على سلامتك وعودتك سالمه لاحبابك وغالينك وهلك وقرايبك وقبيلتك ومنتدى قبيلتك ولا تشوفين مكروه يا خيه يا ربي ياصمد تسمع دعايه الها ..<<< الله يرحم كهلة كل مسلم يقول امين ههه



شكرا لك ياهنوف موضوع فنان

الله يعطيكم العافيه كل الى مرووا على الموضوع والله يسلمكم من كل شرر يارب ,,,,,,,,,,أما انت يامشهور شبكتي وياك شبكة قويه على قولة المسعودي ,,,

	ماقالت قوة الضفادع البشرية ؟؟؟؟ اكيد مديرتكم جاها ذهان صليبي في مخها هههه من الفجعه واكبدي عنها

تطنز على بنت عمك والله يالمديرة حتى الهلكبتر طلبتهم والصراحة لبواا النداء وقفوا يصورنااساعه والله ويعدونا ههههههه طائرتان اخذوا صورة جماعيه للمديرة والمعلمات والطالبات وهم كانهم معتقلين في سجن ههههه وانا جالسه اتفرج على صنيع الدفاع المدني عندي ثقه بانهم يكذبون ,,,,,,,


الله ياخذ شيطانك يامشهورر

	متر ونص الطول عز ايوا الله

تراني غامر فوق الرصيف امشي والله المويه ارتفاع نصف متر والله لوقطعت الشارع ابو متر ونصف كان قلت اني اغرق هههههههههه

الله يسلمك عاد لوتدري زميلاتي يرجعوني من عند الباب يقولون يابنت لا تتهورين ارجعي لا تجازفين سويت حركة نذاله وسحبت على الكل ...


الله يسلمك اخوي مشهور واسعدني مروررك وتعليقك والله الحدث افظع من اللي كتبته ,,, مواقف نوب محزنه ونوب فيها روح الدعابة



الله يسلمكم اخواني واخواتي من ابناء عم وبنات مرورركم اسعدني ولكم خالص تحياتي ,,الهنوف

الحمد لله على سلامة اهل جدة عامة


والحمد لله على سلامة بنت عمنا الهنوف خاصة




احترامي للجميع

الله يسلمك يالرحال لاهنت والله



نحياتي للجميع

بنتي الهنوف هذيل
الحمدالله على السلامه بس حبيت اوجهلك سوال الطلابات عند ماخرجتم الى الفندق وش مصيرهم
وهل تستطيعين ان تكتبي قصيده عن هذا الموضوع وتوجهيينه الى الرياسه العامه للبنات حيث اعرف بانك شاعره متمكنه
تقبلي تحيات والدك ان صح اتعبير