واعذابي كل ما انظر صورة المسعودي

واعذابي كل ماانظر صورة المسعودي
شاعر ٍ مافيه مثله في الزمان التالي
يوم كان اللعب ياحاوي ويامردودي
جاب ميدالية الابداع ذاك الغالي
راسي وثابت محله لو ُتهز حيودي
ماتغير لو تغير في البلاد جبالي
يرحمه رب السما من هو سكن في لحودي
وجعل جنات النعيم يخشها ياعيالي
افتقدنا كلمته وهذيل قوم الزودي
لو رحل تسعين غيره تبدع الامثالي
لاخليفة له وهذا الباب جا مسدودي
يكفي الشعار شاعر في المقام العالي
يجعل الناقد وسيع البال له مشدودي
كم إشادة جات له من قاصي ٍ وموالي
دايم ابياته سوات المرهف المحدودي
والمعاني مافهمها كل قلب ٍ سالي
الرموز مفسرة كل ٍ وله مقصودي
يعقد العقدة ولاتلقى لها حلالي
دايم ٍ نظمه على وضح النقا المجرودي
شاعر ٍ مُفصح وقال ابيات دوم فبالي