من حدايا دكتور الحدا .. وش ثلب بارك لابعير ولاقعود ...

الاوله سلام رديه عدد مالاح برق وهل ماطر
وعداد خط منتظم في صفحته ماينتبه له غير شاطر
يضفي على من جابنا داعيه واللي ما يدل الدرب لابده يقاطر
واليا قطر دربه نقوله دوب شافه وانتبه له

. . . .

والثانيه كثرو شيوخ القوم كلاً يشتري من مكتبة مرزا مساطر
وده يسطر بالكتابه والطلابه ضد حمران العواطر
لكن شيخ القوم من يدرا على ربعه من ايام المهالك والمخاطر
وان جات قاله يحتميها عسرها عسر الجبل وان كان سهله

. . . .

والثالثه وش ثلب بارك لابعير ولاقعود ولاخلق فبطن فاطر
محروم لاياكل ولايشرب ومن حوله ومن فوقه محبينه قناطر
مذكور فالتاريخ واسمه بأسم عذراء طيبه ما دونها حاجب وناطر
ماتقبل الا الطيبين الله يجعلنا محل الطيب واهله

* كانت هذه الحدايه عند عوانينا المقطه
* لم يحلو اللغز

** مع اطيب التحايا

*** أخوكم