لامهتنيبك ولا من صدتك فكه

السلام عليكم ورحمة الله وبركاته

اقدم اليكم هذه القيصدة عسى ان تنال اعجابكم واستحسانكم ( الله الله بالتنسيق )



مادام حبك على وصله مواعدني*** مايدخل القلب لاخوف ولا شكة

مشاعر الحب بانفاسك تعايدنـي *** على الوفاء والوفاء لأشواقنا سكه

لكن في خاطري شيء يراودني*** البعد طول وحب ارواحنا زكـه

ابى انشدك ليه جوالك يعاندني ***ماينقفل غير لامن نورت مكه

مدري تغلى وقصد الهجر يجهدني ***ولا نويت البعد والباب بتصكه

ياللي على صادق العشرة مواعدني*** وتقول مايلحقك ياصاحبي ضكه

ترى التغلي على حبك يزايدني ***وانا عزيز المقام ولا اقبل الصكه

فرقاك في شاطئ الحسرة تعاودني ***هايم وطيفك يسامرني على الدكه

والهم جاهدت فرسانه وجاهدني ***في كـل لحـظه يـدك عروشنا دكه

تدنيني احلام واوهامك تبعدني ***لامهـتنيبك ولا من صدتـك فـكـه

مازال حبك على الذكرى مجندني*** وانا لـك المخلص اللي حافظ صكه

اسمع صدى الشوق في صدرك يرددني*** حك الامل عن خفايا شوقنا حكه

شفي خفوقك على جمه يوردني ***والهم لاجيت ابى حضن الدفا ذكه

ياللي نويت البعد وقف وشاهدني ***ولا افتح الخط لامن نورت مكه