طبعا ً احد المشرفين في موقع ثاني نسج على منوال المحاورة وقال واسمه البدر
( عميد ) الشعر يابدر العزيزية
ترى فن الشِّعر بِــيــديك عِمدانه
قسمْ باللهْ عليك ابيات سحرية
( جنون الصمت ) صارتْ منْـكْ غَيْرانة
تِفنَّـنْ وامدح البنت الحجازية
تراها ذوق . وياقوتة . ومُرجانة
تِفنَّـنْ وامدح البنت الجنوبية
فديت اعيونها ياناس ذبلانة
تِفنَّـنْ وامدح البنت الشمالية
يازين الخد اذا هي حيل خجلانة
تِفنَّـنْ وانْ بغيت (الحُوُر) : نجدية
تناديك : ( إقترب ) بالحيل بردانة
واذا قلبك عشق لهْ بنت شرقية
تراها بالعسل والشهْدْ رَوْياانة
وِمن يغلط على بنت السعودية
حرقْــتهْ بالشِّعر واشعلْــتْ نيرانه
ومِنْ يِـزْعَـلْ عسى تغشاه جنيَّــة
ومِنْ يِزْعَـلْ عسى تِرْضيه جِـدْرانه
ولا تِهِمَّــك أقاويل الحســـوديَّــة
ولا يهمَّك فَرَحْ مِنْ غادر اوْطانه
فديت المملكة واعلى الشَّرَفْ لِـيَّـه
فديت ارض الحرم وتراب قِـيعانه
فديت امي وابي وعيون بِـنْــتَــيَّه
فديت اللي حضنَّـي داخل اعيانه
فديت احمد رسول اللهْ بِــعينــيَّـه
فديت ارضه و ( طَـيْـبَـة ) حيثْ جِـثْـمانَـه
طبعا رديت على المشرف وقلت
هذي والله سواليف انتحارية
ياشمس الصبح ليش الناس سكرانة
انا مااغلط وركز في معانيه
دخلت الروض الاخضر شوف بستانه
فتحت عيادة ٍ للشعر طبية
طبيب مهندس ٍ ولسانه حصانه
لكن البدر له نيات ملوية
واظن الرجل مايكشخ بفستانه
جميع ارض الوطن عندي سواسية
لكن انت تحرّج مالها خانة
انا مااقبل تفاكير الحرامية
ولابه خير من هو شب دخانه
لكن امدح في قيفانك مريكية
ترى واشنطن وتكساس سهرانة
ماادور في جمالك ياالاوربية
انا مااداني الكافر وصلبانه
ولادورت في قافي لمصرية
ترى فيفي تهز الوسط يافلانة
ترى حنا لنا جاه ٍ وجاهية
ومن عاند نبى نكحل له اعيانه
تجيك ردود فالصفحات فورية
وانا والله لاعالج كل غلطانه
ياليتك تجعل الافكار سرية
ومن يهرج يبيّن سر نقصانه
اله الكون جنبنا الحسودية
عسى يوم القيامة ندخل جنانه
صلاة الله على محمد وداعية
عدد مايثمر البستان باغصانه