حداية المطارفه ورد السعايد

حداية المطارفة يتقدمهم الشاعر / تراحيب بن سمار المطرفي في حفل الأخ / طنف بن نويجي السعيدي

سلام للحضارْ ويا ربعٍ وصل مكتوبها
هذي مواجيب الرجال اللي نجي فوجوبها
جيران تأصلنا وناصلها إنظــاف قلوبها
........................... رفقه قديمه بيننا حديد فالديره وجـــــــــــار

هذيل أهل تاريخ ما واحد ينوش جنوبها
والناس قامت تتجه في صوب ماهو صوبها
أيامنا وليالنا دارت رحاها دوبهــا
.......................... هذي شراره ولّعــت والنار تالع من شرار


الرد من قبيلــة السعايد

يا مرحبا بالعزوه اللي قادها منصوبها
حنا نعرف العلم والعرّاف ما ضنّوبهـــا
جيراننا واصحابنا اللي ما نغرّ إسلوبها
............................ حياكم الله يا رياجيلٍ لها قدر أوّقار

إهذيل ربعي والعلوم الوافيه فازوبها
وانتم وحنا من رجالٍ صافيٍ مشروبها
ما سلّــط الله فوق بعض الناس غير إذنوبها
.......................... اللي طمع في غير حدّه ثار فيه الملح ثار



وسلامتكم