الحميا حياك الله

اليا تفوقنا تقدمنا وانا رجل ٍ فهيم

عقلي رجح والا انت في سوق العلوم تدوّجي

حنا حفظناها وقلناها وخصمي في جحيم

لكن اظنك منت قاري في مقال العرفجي

	المشاركة الأصلية كتبت بواسطة شباب

	اليا تفوقنا تقدمنا وانا رجل ٍ فهيم عقلي رجح والا انت في سوق العلوم تدوّجي حنا حفظناها وقلناها وخصمي في جحيم لكن اظنك منت قاري في مقال العرفجي

ههههههههه

صح لسانك ياشباب

الله يوفقك استاذنك النوم مافيه حيله

تصبح على خير

مرحبا بالحميا وشكرا لقبول الدعوة الاخوية الكريمة وحياك الله ونوم العوافي

صحت السنتكم جميع

مشعل المعبدي حياك الله وبارك الله فيك

شباب

يامرحبابك يالحميا وين كشتات النسيم

والله لمرّك في طريقي للحسينية واجي

اليا زعلت انته عشانه قول والله العظيم

مير الله الله عارف ٍ وش مدخلي من مخرجي

الحميا

دام البقا لك يامرحب وانت خلك في السليم
اعرفك ياشباب شاعر عرف مانته عربجي

جديد هذا العلم والى يابعدي علماً قديم
ياالله طلبتك في الفرج وكل صعباً يفرجي

شباب

الله يبارك فيك خلك فالطريق المستقيم

والنعم فيك ولانويت اجيب علم ٍ مزعجي

ماضاع شي ولارميناها توقع فالصميم

واليا اجتمعنا جاك علم ٍ زين ماهو محرجي


الحميا

اما حكم شيخ الحجز والى حكم شيخ القصيم
حضر شهودك والمحامي ياالزعيم الدعوجي

ترا الشجاعه مالها خانه على واحد غشيم
يروح له في علم واليا راح والله مايجي

شباب


ترى المطوع حافظ المصحف وله رب ً كريم

وان كان رتل فالتلاوة تسمع الصوت الشجي

تبقى الغشامة لهلها والا انت وآنا سيم سيم

ترى هذيل اهل الشعر والمستوى متوّهجي



الحميا

امرار اقل قلبك سليم امرار اقل قلبك سقيم
حاول تشغل عقللك الي من سنين امصنجي

ترا اللغه تاج الشعر رح راجع الدرس القديم
مثلك ترا مافيه سيم انته في سيمك درجي
شباب

اليا تفوقنا تقدمنا وانا رجل ٍ فهيم
عقلي رجح والاانت في سوق العلوم تدوجي

حنا حفظناها وقلناها وخصمي في جحيم
لكن اظنك منت قاري في مقال العرفجي

</i>

</b>

</b></i>

</b></i>




</b></i>