ساهر اشقيت نفسك واشقيتنا معاك

	المشاركة الأصلية كتبت بواسطة أبو رديد

	دايم مواضيعك شاملة ومتكاملة وفيها المتعة والفائدة للجميع جعلك سالم يالميهاف وبالنسبة لساهر أتفق مع اخوي فيصل فيه شكراً لك

والقايل سالم وغانم
أشكرك على الاطراء ابو رديد
وانا معاكم انت وفيصل معاكم لو كان توعوي !!
تعرف ابوريد بقولك سالفه سريعة
شوف يالغالي مثل هالنظام كان من الاولى تثقيف المواطن ودرجة درجة ارفع الغرمات مع توضيح في الجرايد و TV حتى تواكب العصر وكذا
بين يوم وليلة تسوي كذا مشكلة والله يا ناس كثيرون يعانون من القسايم المتكدسة >> مايقدرون يجدود الرخصة
انا بخير وانت كذالك ولكن ننظر للذين ليس لهم دخل !!

واقول ليته عم ساهر كان قدام الناس ويضعوووا اول ما دخل السآحة لوحات ارشادية اسوة بلوحات المرور
ولا سآهر عل رآسه ريشة

شاكر ومقدر مرورك وإطرآئك

تحيتي

	المشاركة الأصلية كتبت بواسطة قرناس بني ياس

	هههههههههههههههه الله يسعدك يا شيخ ابشرك توني ومع طريق الطايف صكني فلاش وللحين جالس اطمن في روحي واقول امكن لقط واحد ثاني مسرع ههههه تبي الصدق مدري ليه الحكومة ما تشغل النظام عن طريق المرور يعني لازم صالح كامل يكسب من ظهورنا الميهاف طرح جميل واسلوب شيق شكراً لك خمس نجوم

دووووووووم يا ولد العم
خلك وراهم وشيك والله 500 اهون من التدبيل وحقت التدبيل تصدق فيها حرام في سآهر >> اصله شبعان وعينه فارغة

انا اقولك ليه ما يجي للمرور
هذه طريقة للخواجات معروفه إستثمار طويل الأجل
مثآل / امريكا ما تكلف نفسها بسفلته وخطوط طويله تجي الشركات وتتحمل تكاليف كل شئ بالخط بشرط تأخذ رسوم للخطوط لفترة من الزمن تضمن مقابلها ارجاع مصاريفها وارباح جبارة
كذا سآهر فترة ويسلم الاخ صالح السيارات والتبع للمرور

أشكرك بحجم السماء للنجوم إللي مرورك اطلق منها :wink:
ولا احرم هالمرور يالغالي


تحيتي

	المشاركة الأصلية كتبت بواسطة أبوريتال الياسي

	عطاء كله تميز وإبداع ولا يجيد هذا الإبداع إلا شخصية راقية مثلكـ .. .. الميهاف أشكركـ على الموضوع والذي يلامس واقع نتعايش فيه وفعلاً أرهق كواحلنا //

يسعدك ربي ولا يحرمني تواجدك يالغالي
ابو ريتال
وتواجد الجميع أيضاً
أشكرم على الإطراء والذي أنتم سبب بروزي بردودكم


تحيتي

	المشاركة الأصلية كتبت بواسطة مساعد الهذلي

	ما اعتقد احد يقول ساهر توعوي معروف انه ربحي يعني نظاام ساهر علينا ماهو معناااا الشكوى لله والله طفشنا 120 في الخط وعين هنا وعين هنااك خوفاً من ساهر والقسايم تعدت 5000 ... مشكور اخوي المهيااف

مسآعد لا تشكيلي وابكيلك بس 5000 وربي كثير انا 3300

تدري مساعد 5000 راتب موظف على المرتبة الخامسة الدرجة الرآبعه إن ما خاب ظني

وانا بعد رآتب موظف على المرتبة الثالثة الدرجة الرابعة
شفت كيف مسترزق سآهر

واحب اقول لك لو كانت السرعة 120 مافي مانع زيد فقط 10% يعني 130 مافي شئ ..

انا مو ضد سآهر إلا معاه ميه ميه

بس بظوابط علمونا في كاميرات وحنا نهّدي رزووو كل شارع بكاميرات مافي مانع بس نورونا !!!

صالح كامل نحن نعتبر اخوانك في الله حد يسوي ي إخوانه كذا !! قولي لو محتاج ولو ما عندي بأسلف لك ..

موكافي كاس العالم وعلمت البزارين القهاوي وتحملت ذنوبهم

والحين يا صالح بنخرب بيوت والله المستعان !!

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ودي ابكــي لين ما يبقى دمــــوع=ودي اشكي لين ما يبقى كـــــــلام



من جروحٍ صارت بقلبي تنـــــوع=ومن همومٍ احرمت عيني المنـــام

[/poem]



اخوي مساعد عذراً اخذت مساحة من ردك ودخلت المآخوذ صالح بن كامل !!

اشعل القريحه




تحيتي

	المشاركة الأصلية كتبت بواسطة سلطان السويهري

	ما يفوتون شيء لي وقت ما شفت كلمة ( مجانا ) يازينها ابشرك وصل اليــــن سبوحه ، وعيال حيال قاشعين الشنطه عشان تطلع خشتك واضحة وما عليها غبار قزاز السيارة تدري الله يخلي المفكات ( فكها وارمها في الشنطه ) مضيعها ابو الشباب ومسوي اعلان

حيووو اخوووي استاذ سلطان
قلت مجاناً >> ما حزرت
شفت كيف سآهر خلاني اتكلم سوري !!! الله يغبنهم !!
هذولي مناشير ميكانيكيه وليست تماتيك >> طالع نازل ماكل ومدسم !!
وصل سبوحة وابشرك بيغطي كل شئ مدن قرى اي شئ في قروش يروح قرشو ظهرك يا ساهر

ما ينفع مفكات ولا شئ معاهم كاميرات يطقون الواحد صورة 6 في 6 ويتفامو معه بالمرور
والتلفيات بتكون بسيطة لو قارناها في الدخل إللي بمنظروري يتحدى ميكروسوفت

سنتين ويرقد ميكروسوفت سآهر جايك

تسلم سلطان على المرور والتفاعل

تحيتي

	المشاركة الأصلية كتبت بواسطة ابن مغبش

	موضوع مميز كالعاده يالميهاف وبالنسبه لنظام ساهر انا اؤيد هذا النظام وبشده الحمدلله الحوادث قلت والناس صارت اكثر وعي بس لي تحفظ بسيط على الية عمل النظام من حيث اللوحات الارشاديه من تحديد السرعه والدوران والاشياء المهمه وصولا الى الوضوح في عمل ساهر وياليت يضيفون الى مخالفات ساهر مخالفه اسمها عدم ربط حزام الامان وتكون مخالفتها تعادل قطع الاشاره نظرا للاهميه القصوى لحزام الامان الي اكثر السائقين غير مبالين به شكلرا لك يالميهاف مره اخرى ولمجهودك الرائع الي تستحق عليه خمس نجوم تحيااتي وتقديري ,,

يا هلا ويا مرحبا بـ بن مغبش
انا بعد اوؤيد وما تلاحظ بيخرب البيوت يش رآئيك نسوي حسبه بسيطة وسريعه
الحوادث نتيجة السرعة تكلف ارواح وبالمقابل القسايم القوية بتخلف تشريد لبعض البيوت تقولي كيف !!
اقول قسايم تكسر الظهر نتيجة لعدم التنبية عن سآهر وكيف طريقته
نظام جديد كان الاولى ان يكون توعوي
هو حلوووو وما عليه خلاف ولكن الخلاف بوضعيته وطريقته والزبنه حقت سائقين ساهر يوم تزبن وراء جبل ولا شجرة

هل هذه الوضعية اتممت دورك بخفض السرعة ؟؟؟؟؟؟؟؟؟؟؟

يآخي يا شيخ يا ولد العم أشكرك للإطراء إللي اضعه وسام على صدري
شاكر ومقدر تقييمك وتواجد


تحيتي

	المشاركة الأصلية كتبت بواسطة بيرق لحيان

	صدقني أنت مواطن صالح ثم من يقول أن نظام ساهر ممتاز ، مدري شاف شوارعنا اللي كن فيها رضم

هلا ولد العم نورت ابو اوم الطرح

أشكرك على رآئيك فيني والله إني أحسب نفسي مثل ما ذكرت
مداخلتك قليله جداً ولكن الرد عليها صعب وصعب جداً
حتى أنا مثلك ويش أقول !!!
المرور ولا الطرق ولا سآهر هم يقولون >> سيارتي جديدة وبالخطوط اشوفها (( وانتم بكرامة )) تعنفس مثل الحمار !!

أشكرك بحجم السماء يالغالي


تحيتي

	المشاركة الأصلية كتبت بواسطة أبو رديد

	شوارعنا امتلت سيارات خاصة داخل المدن والخطوط الدائرية فماعادت تحتمل طيش مساعد أوصيك بضبط النفس والسرعة والسيير بأريحية لاتعاين في ساهر هههه إذا السرعة 100 امشي 90 وهكذا يعني المسألة كلها ترويض للنفس يارب لك الحمد إلى الآن لم أتصور وبالنسبة للنظام فهو هادف لكن تطبيق النظام ترابحي والله المستعان

ههههههههههههههههههههههههه ه
ههههههههههههههههههههههههه ههههآآآي
ابو رديد تبي واحد يصكك بعين مثلاً !!

أبشرك إللي عندهم قسايم وانا واحد منهم روضنا سآهر ما يحتاج !!
والله إني ما أحب السرعة بس تقدر تقول !! نسيان وبالذات الدائري كانت السرعة فيه 80 والحين خلوها 100
هذا دليل على ان ساهر فيه خير وحزن على الناس الفاهيه مثلي وينسون !!
بالله خط مثل الدائري من الانتركنتنتال سابقاً وبروح الشرآئع تصير كني نازل لجدة نفس الوقت !!! طيب الاربع خطوط ممكن يعلمونا ويش السرعة المطلوبه فيها !! اليمين يمقن 10
تدري اخوي كان يدرس بأمريكا يعطون قسائم للحد الاعلى من السرعة والحد الادنى
عندنا يحسبون الحوادث من السرعة فقط !! طيب اللي يمشى 30 وفي خط سريع عادي وعادي جداً

هههههههههههههههههههه
والله إني كرهت القيادة وما اسوق السيارة إلا بالقوة مع إني ماهر بالقيادة
بس السواقين وساهر احسهم كلهم ضدي !!!

موضوع راقي من رقي صاحبه

نشكرك جزيل الشكر

طرح رائعه جدآ
ههههههههههههههههههههههههه
تعيش وتاكل غيرها
صار رعب كل ماروح على خط سريع
حتى الاطفال تاثرو ساهر ساهر
كككككككككككككككككككككككك
تسلم على الطرح الاكثر من رائع

	المشاركة الأصلية كتبت بواسطة الإدارة

	موضوع راقي من رقي صاحبه نشكرك جزيل الشكر

اشكر بعد انا بصمتكم بطرحي
فهذا يزيدني بطرح الاجمل ذو الفائدة للجميع أعضائاً كانوا أو زوار


تحيتي إدارتنا الموقرة

	المشاركة الأصلية كتبت بواسطة الصمت الجريح

	طرح رائعه جدآ ههههههههههههههههههههههههه تعيش وتاكل غيرها صار رعب كل ماروح على خط سريع حتى الاطفال تاثرو ساهر ساهر كككككككككككككككككككككككك تسلم على الطرح الاكثر من رائع

مدري الضحكة شماته
خخخخخخخخخ
والله إنه محد يلومنا في وضعنا المزري
وما نشوفه من سآهر البطل
تدري مره من المراريت كنت داعس بالخط >> كمان خط منسدح كيف امشي فيه !!! تقريباً 140
واقنص بطرف عيني سآهر وشككت فيه اهو سآهر ولا واحد سيارته متعطله >> كذا مره اهدي ويطلع مو سآهر !!
يوم اني قربت نسيت إني ما خفضت السرعة !!
والظاهر اخذي لي صورة ولا اروع بركة كنت مشخص على الاقل لا يقول شين وعينه قوية

يعطيك العافيه وخيتي على المرور والتنفيس شويتين
انا كل ما ادخل اذكر شئ واسطره هنا
3300 ريال باعطيهم هي وانا مغصوب يارب تروح البركة منها ويصلحون بها كاميراتهم عشان يصورن ابو رديد