اهداء للشيخ سعود بن مسعدالمسعودي بمناسبة شفائه

لاباس ياشيخ على الطيب مقدام:::: صليب راس وفي المواقف شجيعي
ياسعودابن مسعد على طول الأيام :::: تبقى كما الحصن الحصين المنيعي
حصن بنيته بالمعرفه له أعوام :::: مثبت السيسان صيف وربيعي
ترفع لك البيضاء على روس الأعلام :::: شيخ ومن يزعل لابده يطيعي
أنت البناء تبنيه ماأنته بهدام :::: شيدت قصرا بالمعارف وسيعي
قسمك ياأبوخالد على خير الاقسام :::: كبار البخت وأهل المقام الرفيعي
تبقى على طول الليالي ماتنظام :::: يامن بدا بالمجد في كل ريعي
أخذت لك بالعرف عن غيرك وسام :::: وفيك الفصاحة مع فنون البديعي
اسهمت مع ربعك وياحي الاسهام :::: وياحي من طيبه بذكره يشيعي
المرجله عدة تصانيف وأقسام. :::: وياكم واحد للظفر مستطيعي
والمرجله ماهي بمشلح وهندام :::: أخذ وعطاء والفكر باله وسيعي
الطيب اللي درع ووسام وحزام :::: من دون ربعه مثل سيف بتيعي
والطيب اللي منهجه نهج الاسلام. :::: وعلى سلوم الدين نهجه تبيعي