ديوانية الشيخ أبو حمدان الشعبية

طيب المعذار ياولد العم

لكن في بعض المحلات اعطوني ايجار ثلاث اسنين مجانا

وانت على لوحه سويت فلسفه ان ماخانني التعبير

واللي زعلني اكثر انك شيخ ولد شيخ زيك يسمحلي بأيجار عشرةسنين مجانا


جرى التنبيه


ولدينا اوامر ساميه للأمر الأخير وشكرا



هههههههههههه الدعوه مزوح

السلام عليكم جميعا

وتصبحون على خير

النووووووم عافس وجهي

القهوه يامحماس

وين الربع الليله

ولا جينا بدري

المهم في الانتظار

يالربع اللي يبي العود الأصلي والعنبر والعلوم الزينه
كلها في محلات بن عادي لبيع العود والعنبر والعطور
الرجال رحت له اليوم وشريت من عنده بخور ودهن عود
مايعلى عليه أبد بضاعة نظيفة وأصليه والغش مايعرفه باالمرة
أنا قررت أسوي له دعاية في الديوانية
طبعاً اللي يحضر الديوانية رايح نبخرة بلاش ونعطره
لكن اللي يبي يشتري لبيته يمر على بن عادي ويلحق الطيب
الكمية محدودة والزين يروح بسرعة
وعلمي وسلامتكم

سالم وغانم

يالله على بابك ولا خاب طلابك

عندنا طيب مافي منو قرب جاي قرب جاي

ياعيال بكره صار اللحين

مساء الخير للجميع


القهوة يامحماس


الليل ياباغي ظَلْمْ ههههههههه

القدوع بسرعة والعشاء كلها على بعض خليني أساقيها بسرعة ..

اليوم انا مبسوووووووووووووووووووط على الآخر

هاااا قولوا ليش

أنا أقلكم

اتصلت شغالتي من اندونيسيا وقالت أنا جاية في رحلة اليوم

وعينكم ما تشوف إلا النور وأنا مسنتر في المطار من العصر إلى الساعة

عشرة ليلا ، وما عندك أحد ، لا جات ولا سلمت المشوار ،

==

المضحك في الطريق وعند محل بيع القهوة "أبو نايف" قابلت واحد من الجماعة

يطلب قهوة وتحدثت معه وفي نهاية كلامه قال الله يعينني على المشوار

"يقصد من مكة إلى جدة" ، ولو ماكان "متبغل" كان أعطيته مخمس وسط خده

هههههههههه

إذا كان مكة جدة مشوار ، كيف مكة الرياض !!!!!!!!!!

====

محماس بسرعة نزل الطلب الله لا يعيقك.

تراها واصله معااااااااااياه

====

	المشاركة الأصلية كتبت بواسطة الفارس حزين الطلعة

	مساء الخير للجميع القهوة يامحماس الليل ياباغي ظَلْمْ ههههههههه القدوع بسرعة والعشاء كلها على بعض خليني أساقيها بسرعة .. اليوم انا مبسوووووووووووووووووووط على الآخر هاااا قولوا ليش أنا أقلكم اتصلت شغالتي من اندونيسيا وقالت أنا جاية في رحلة اليوم وعينكم ما تشوف إلا النور وأنا مسنتر في المطار من العصر إلى الساعة عشرة ليلا ، وما عندك أحد ، لا جات ولا سلمت المشوار ، == المضحك في الطريق وعند محل بيع القهوة "أبو نايف" قابلت واحد من الجماعة يطلب قهوة وتحدثت معه وفي نهاية كلامه قال الله يعينني على المشوار "يقصد من مكة إلى جدة" ، ولو ماكان "متبغل" كان أعطيته مخمس وسط خده هههههههههه إذا كان مكة جدة مشوار ، كيف مكة الرياض !!!!!!!!!! ==== محماس بسرعة نزل الطلب الله لا يعيقك. تراها واصله معااااااااااياه ====

ثري ماكاسيا


تمثيليه حلوه

اصبح الصبح والعالم تمسي

السلام عليكم

وين الربع المكان فاضي

محماس قم قيامه تقوم عليك

وين القهوه؟؟؟

راقد للحين؟؟

لا يكون ما صليت الفجر

وبعدين وين عمك؟؟؟؟

ماهو موصيك على قهوة الصبح

يلا ارتبع وزين القهوه خلنا نتقهوى ونشوف اشغالنا قبل الضحى

يمدحون نومته وبالذات الشيبان الكبار

ودنا نجرب دامنا فاضين هالايام

	المشاركة الأصلية كتبت بواسطة الفارس حزين الطلعة

	مساء الخير للجميع القهوة يامحماس الليل ياباغي ظَلْمْ ههههههههه القدوع بسرعة والعشاء كلها على بعض خليني أساقيها بسرعة .. اليوم انا مبسوووووووووووووووووووط على الآخر هاااا قولوا ليش أنا أقلكم اتصلت شغالتي من اندونيسيا وقالت أنا جاية في رحلة اليوم وعينكم ما تشوف إلا النور وأنا مسنتر في المطار من العصر إلى الساعة عشرة ليلا ، وما عندك أحد ، لا جات ولا سلمت المشوار ، == المضحك في الطريق وعند محل بيع القهوة "أبو نايف" قابلت واحد من الجماعة يطلب قهوة وتحدثت معه وفي نهاية كلامه قال الله يعينني على المشوار "يقصد من مكة إلى جدة" ، ولو ماكان "متبغل" كان أعطيته مخمس وسط خده هههههههههه إذا كان مكة جدة مشوار ، كيف مكة الرياض !!!!!!!!!! ==== محماس بسرعة نزل الطلب الله لا يعيقك. تراها واصله معااااااااااياه ====

أبو خالد عسى ماشر في البداية تقول نك مبسوووووط للآخر
وفي النهاية تقول تراها واصله معااااااااااااااايه

أظن المشوار أثر عليك يابو خالد ماتشوف شر
يامحماس بسرعة نزل طلب عمك الفارس وأحكر له الدلة المهيلة على شان يقر راسه زين

	المشاركة الأصلية كتبت بواسطة هذلي والفخر لي

	السلام عليكم وين الربع المكان فاضي محماس قم قيامه تقوم عليك وين القهوه؟؟؟ راقد للحين؟؟ لا يكون ما صليت الفجر وبعدين وين عمك؟؟؟؟ ماهو موصيك على قهوة الصبح يلا ارتبع وزين القهوه خلنا نتقهوى ونشوف اشغالنا قبل الضحى يمدحون نومته وبالذات الشيبان الكبار ودنا نجرب دامنا فاضين هالايام

هلا يابو بسام هلا بهالطلة
ياخوي جاينا ضحى بعد مابدأ الدوام وتسأل عن الناس
ياخوي الناس قامت من الفجر وصلت الفجر وتقهوينا وسرحنا لأعمالنا
لكن ماعليك شرهة رجال عندك إجازة ومعين خير ولاوراك عمل الله يهنيك بس
وشغل محماس عندي والله لااربيه عن نومة الضحى أنا موصيه وقايل له خلك ذيب لايجون ضيوف وأنت نايم مازينت القهوة لكن أمسحها بوجهي هالمرة يابو بسام

الله الله يا (أبو حمدان)
هرج محماس يفرش الزوالي ويحط عقود الأنوار، وكلم الطباخين يزبطون السليق
وشوف المكرفونات ..
والرجز والحدايا من صلاة المغرب ، خلينا نحتفل بعماد العبيدي شاعر منتدانا الكبير
وتكريمه في ديوانيتك ليس بمستغرب عليك.

	المشاركة الأصلية كتبت بواسطة أبو حمدان

	هلا يابو بسام هلا بهالطلة ياخوي جاينا ضحى بعد مابدأ الدوام وتسأل عن الناس ياخوي الناس قامت من الفجر وصلت الفجر وتقهوينا وسرحنا لأعمالنا لكن ماعليك شرهة رجال عندك إجازة ومعين خير ولاوراك عمل الله يهنيك بس وشغل محماس عندي والله لااربيه عن نومة الضحى أنا موصيه وقايل له خلك ذيب لايجون ضيوف وأنت نايم مازينت القهوة لكن أمسحها بوجهي هالمرة يابو بسام

سلامات يابو حمدان

وين ضحى الله يهديك

انا مصبح عليكم الساعه سته ونص

يا دوب طلعت من المسجد جيت عندكم

اقول ضبط الصبي حقك لا تروح علوم الديوانيه خرطي

ترى فيه فكرة ان الديوانيه تصير قسم خاص

لان علومكم الطيبه تستاهل الاهتمام بها

يلا عاد هات القهوه

	المشاركة الأصلية كتبت بواسطة الفارس حزين الطلعة

	الله الله يا (أبو حمدان) هرج محماس يفرش الزوالي ويحط عقود الأنوار، وكلم الطباخين يزبطون السليق وشوف المكرفونات .. والرجز والحدايا من صلاة المغرب ، خلينا نحتفل بعماد العبيدي شاعر منتدانا الكبير وتكريمه في ديوانيتك ليس بمستغرب عليك.

الشغل مرتب كله من عصر يابو خالد
وكل شي جاهز والذبايح أنذبحت من قبل المغرب
والدلال والمعاميل والبخور كلها جاهزة وأنا مشرف عليها بنفسي
جيبوا لنا عماد بس وتعالوا وأبشروا بالشبب وعلوم العرب اللي تبيض الوجه وياليت تجيبون شعار الرجز والحداء والمجاورة في الديوانية الليلة بهذ المناسبة

	المشاركة الأصلية كتبت بواسطة هذلي والفخر لي

	سلامات يابو حمدان وين ضحى الله يهديك انا مصبح عليكم الساعه سته ونص يا دوب طلعت من المسجد جيت عندكم اقول ضبط الصبي حقك لا تروح علوم الديوانيه خرطي ترى فيه فكرة ان الديوانيه تصير قسم خاص لان علومكم الطيبه تستاهل الاهتمام بها يلا عاد هات القهوه

أفااااا الساعة ستة ونص ومحماس راقد ماهي عوايده لكن مدري وش بلاه البارح سهرناه شوي لكن معاد تكرر إن شاء الله

ومن ناحية جعل الديوانية قسم خاص والله إنها فكرة زينه وأنا من زماااان قلت لكم أفتحوا قسم خاص بالتراث الشعبي
وهذه لفتة كريمة منكم ولكن الآن الديوانية أدرجت بها مواضيع كثيرة جيدة ومفيده والمفروض إن كل رد مميز فيها يكون موضوع مستقل إذا صارت قسم خاص وأنا مستعد أن أفرد لكل رد مميز موضوع خاص ولايهمكم
ولاتروح بعيد الليلة يابو بسام ترى عندنا حفل كبير في الديوانية بمناسبة تكريم شاعرنا عماد العبيدي لوصوله الألفية الثالثه