رد: فكرة برج المليون رد .............!!!
[align=center][table1="width:95%;background-color:black;"][cell="filter:;"][align=center]
ياحمامة طـاح غصنـك وفارقـك الامـان
ابتـدا خوفـك وفارقتـي الغصـن النـدي
التوت بـك سـود الايـام والتوديـع حـان
ترقبين الغصـن ويخونـك الحـظ الـردي
الحزن موّال جرحـه علـى صوتـك يبـان
والتعب 0 والهم 0 والخوف 0 حادينك حدي
كـل مااوحيتـك تونيـن بالصـوت الليّـان
أنتي تجرّين ونّـه00 وانـا معـك ابتـدي
من مغيب الشمس لين ارتفع صـوت الاذان
غربةٍ تطوي ضلوعـي 00 وليـلٍ يحتـدي
اتنزّح من مكاني0 واجـي نفـس المكـان
كنى اللي ضاعت اخطـاه ويخـاف يغـدي
افترقنـا والمقـاديـر مامنـهـا ضـمـان
حالة الدنيا وقصّـر عـن الـدرب اجهـدي
ان نسيتـه لـه بقلبـي شواهيـد وكيـان
وان سريته حلم ليـل00 وخيـالٍ سرمـدي
آه 0لو يدري وش اللي عقب فرقاه 0كـان
ماتوصّى دمع عينـي00 وصحّـا مرقـدي
ولو يحس بقسوة الظلم 0يمكـن مااستهـان
واتّقى دمعة وداعي 00 وشرهـة موعـدي
ولو ذكر ما كل قلبٍ 00يبي يرضى الهـوان
قدّر انـه مايسـاوم علـى العـز اجـودي
يالله المعبـود ياعالـمٍ فـي كــل شــان
بمـرك يضـل البنـادم وبمـرك يهـتـدي
لا تخلينـي لزلّـة هـوى نفسـى رهــان
واغفر لروحي خطاها00وسامـح مقصـدي
أنتهينا 00والتفاريـق مـن طبـع الزمـان
كل عينٍ ترقب " سهيل " من عقب " الجدي "
وان بكيت وصار للدمع فـي عينـي بيـان
الغلا شـىٍ مـن الله ولا هـو فـي يـدي
,
أبعاد التركي[/align][/cell][/table1][/align]
التوقيع |
سُبْحَان الْلَّه وَبِحَمْدِه عَدَد خَلْقِه وَرِضَا نَفْسِه وَزِنَة عَرْشِه وَمِدَاد كَلِمَاتِه |
|