يا عتابه الفخر.. هذا زمنا

	المشاركة الأصلية كتبت بواسطة عذوبة جرح

	صح لسانك مليون بليون تريليون لو القصيده من أول بيت لآخر بيت مكسره كلمة عتيبه تجبر كل الكسور (( اش السالفه ===== ضربتها الحميه )) يعني لا احد يجي مطفي النور كنت امزح طبعاً لا استطيع ان ابدي رأيي في موضوع الثقل في البيت اللي ذكرتوه واجعل الرأي لذوي الخبره والتخصص مايرمى بالحجارة الا الشجار المثمرة (( وين اختي انتي فاهمه الموضوع غلط)) ماشي ماشي عدوها هالمره جمله اعتراضيه خلينا في المهم قصيده في مجملها رائعه وموضوعها كان غالب عليها قصيدة فخر في قبيلة تستاهل ومايوفيها القصيد وان جينا للقصيده فهي قصيدة استوفت الاساسيات صحيحة الوزن والقافية بالنسبه للقافيه الشاعر التزم بالنون وحرف المد الالف كقافية للصدر والحروف (ابه ) للعجز قافيه جميله اعطت موسيقى للنص لاتخفى ع القاريء هذا لأن مخرج حرف النون من طرف اللسان مع ما يجاذيه من لثة الاسنان العليا ومخرج حرف البا من الشفتين واتى جمال هذه القافيه من بعد مخرجي الحرفين النون والبا جميعنا يعرف ان قافية العجز ليست الها انما الها مسبوقه بالباء كشررط لصحة القافيه هذا فيما يخص القافيه وبالنسبه لموضوع القصيده وفكرته فهو موضوع في غاية الجمال وهذا لايختلف عليه اثنين وتسلسل افكار الشاعر بدا جليا ً وواضحاً مما اعطى القصيدة الكثير من الترابط لبنائها بالنسبه لجماليات القصيده كثيره اكتفي بذكر بعض منها لعلي أبدأ بمطلع القصيده ((دربنا العز)) مدخل جميل جداً وكأنه يختصر كل المسافات وكل المعاني في هذه الكلمه ويمهد لموضوع القصيده في كلمه تدور عليها جميع معاني الابيات التي تليها وكأن بالشاعر يمارس علينا دور المحاضر الذي يسترسل في الابيات اللتي تلي البيت الأول شرح منقطع النظير لمعنى هذه الكلمه ((والفعل مجد ترزم ثم تبنا)) صوره شعريه اعجبتني كثيراً ((والفعل)) يعني الرجال ينشهد لها بافعالها ماهو بأقوالها قد يكون ارتكاز على المقوله السائدة والصائبة (( الرجال مخابر ماهم مناظر)) المجد ترزم ثم تبنا ومع مرور السنين يزداد هذا المجد وصلهم كانك زرعت الارض حنا اما بالنسبه لهذا البيت بيت في غاية الشاعريه وبه من المحسنات البديعيه مايكفي لانشاء قصيده كامله ((وصلهم كانك)) في البدايه هناك مشبه ومشبه به المشبه قبيلة عتيبه والمشبه به الارض ودائم الارض هي رمز للاصاله والعراقه والانتماء ولم تقف على ذلك بل الارض المزروعه يعني الارض اللي كلها عطاء وخير وبركه وهذا البيت يحمل معنيين يرتكزان في كلمة (حنا) قد تأخذ معنى أول وهو نبات الحنا وهو نبات معروف برائحته الطيبه وفوائده العظيمه ويكفي انه من نباتات الجنه والمعنى الاخر حنا باللهجه العاميه هو ضمير للجماعه( نحن ) وكأن من يصل هذه القبيله ويستفزع بها سيجد العالم كله عتيبي وهذا يدل على ذكاء الشاعر وتمكنه ايه حنا فارس الفريس منا نجد هنا جناس في الكلمتين فارس وفريس والجناس ايضا بين الكلمتين جزعنا وفزعنا قصيدة في غاية الروعه تحمل من الجمال الكثير ولكن لم أشأ الإطالة عليكم بل اردت تسليط الضوء على جماليات هالقصيده الشامخه من شاعر شامخ صح لسانك شاعرنا دمت كما عهدناكـ بكل الشاعريه بكل التوهج لك مني اطيب التحيات واعذبها

صح بدنك وماعلك زود

وشرح وافي وكافي للقصيده وشهاده افتخر فيها

وشاكر لك

سعد جميعنا أخوة ،،،، ونحن لانرضى من أي شخص ينتقص فرد أو قبيلة ،،مهما كان..


أنت وربعك على الراس والعيـن معززين ومكرمين....

هذي مافيها نقاش..

أما النقاش حول القصيدة،، فهي وجهات نظر،،، وكلنا هناك نرحب بالنقد،، خذ ماتراه مناسب ،،واترك ماتراه لايعنيك...والكلام ليس لك،،للجميع وأنا منكم..



وأنا تحت أمرك ،، دائما ،، وتحت أمر جميع شعراء مجالس هذيل



تحية طيبة

عماد

الله يسلمك وبلاشك كلنا اخوه

وهذه من طيب اصلك

اما القصيده انا طرحتها لنقد فقط لا غير ماجيت ادور احد يقول صح لسانك ونعم فيكم وفي ربعك لا والله هدفي النقد والاستفاده من شعرياتكم الفذه

وانتم ابديتو رايكم في القصيده وانا شاكر لكم

صح لسانك يا سعد القثامي

الصراحة جزل

ودي أسمعها صوتية ابغى اشوف كيف تنطق هالبيت المشكل

وعليكم السلام ورحمة الله وبركاته
الأخ والشاعر الكبير سعد القثامي .
صح لسانك ولاهنت ..
ونعم بالقصيدة وراعيها ونعم في أخواننا عتيبة ..

قصيدة فخر من الطراز الأول ..
لايعجبني أن يخرج النقد عن إطار القصيدة فكلنا إخوة ومن يفتخر بأهله فلا يعاب عليه وأولا واخيرا يجمعنا ديننا وثقافتنا وهدفنا مشترك ..

بخصوص القصيدة مثلما سبق وقلت أعجبت بها وأثنيت عليها وتستحق .
وبخصوص البيت الذي أٌختلف عليه .
ياعتابة الفخر هذا زمنا..
سليم من ناحية الوزن ضعيف من ناحية التركيب والمعنى .
فلوا أستبدلت كلمة الفخر بكلمة (نفتخر ) لكان أبلغ وجهة نظر تحتمل الوجهين .

لك التقدير أخي الكريم سعد القثامي لاهنت وننتظر جديدك ..

[عذوبة جرح]

((هذي المره الثانيه ارد على هالقصيده بس هالمره مااخذتني الحميه هالمره انصاق للشعر والشاعر))

((ياعتابة الفخر هذا زمنا ))
للأمانه كان ودي اعلق على هالبيت من أول بس خفت الاطالة عليكم وقلت ان علقت على كل بيت اعجبني مابنتهي
من ناحية التركيب والمعنى

بسردلكم شرح بسيط لعل فكرة الشاعر تصلكم سليمه وينتهي اللبس
التركيب الإضافي في اللغة العربية هو المكون من : مضاف ومضاف إليه

الجزء الأول هو المضاف ويليه مباشرة الجزء الثاني وهو المضاف إليه وليس بينهما أي فاصل

غالبًا ما نفهم الإضافة إذا تخيلنا أن المضاف إليه يملك المضاف أو بمعنى آخر أن المضاف جزء من أجزاء المضاف إليه

عتابة : مضاف
الفخر : مضاف اليه

اتمنى ان أكون وفقت في ايصال الفكرة

دمتم بحفظ الرحمن ورعايته

	المشاركة الأصلية كتبت بواسطة أبو المثلّم

	صح لسانك يا سعد القثامي الصراحة جزل ودي أسمعها صوتية ابغى اشوف كيف تنطق هالبيت المشكل

الله ينور عليك
أظنها فكره ممكن تنهي الإشكال

	المشاركة الأصلية كتبت بواسطة عذوبة جرح

	((هذي المره الثانيه ارد على هالقصيده بس هالمره مااخذتني الحميه هالمره انصاق للشعر والشاعر)) عتابة : مضاف الفخر : مضاف اليه اتمنى ان أكون وفقت في ايصال الفكرة دمتم بحفظ الرحمن ورعايته

ههههههههههههههههه

إلا أخذتك كل ماخذ

عموماً والنعم بك وبـ سعد وبــعتيبه كافه

وأشوف إن اي عضو في هذا المجلس هو أخ للجميع
سوا كان من القبيله ولا من خرجها
له مالنا وعليه ماعلينا

تحياتي للجميع

سعد القثامي

لا شك في شاعريتك و في جمالها

صح لسانك لين ترضى

و نعم بك و بربعك

شكرا لك

بيض الله وجهكــياحزامي


وافي ياسعد وافي وهذ اقل شي تقدمه لقبيلتك عتابه


تحياتي لكــ