هل غادر الشعار...!

أقدم لكم هذه المتواضعه على أمل أن ترتـقي لذائقتكم الشعريه

[frame="7 50"][poem=font="arabic transparent,5,black,bold,normal" bkcolor="" bkimage="" border="none,1," type=2 line=0 align=center use=ex]غنى المغني وهيضتني اشعاره = وادرج على قلب الشقي افكاره
هو مادرى عن علتي وشفيه = حتى يجر الصوت بالهواره
هل غادر الشعار قفر خالي = ام هل عرفت الدار عقب اقفاره
اما انا باقي وقوفي مطول = وانسى كثير ديار غير دياره
الجادل الي في الصبايا نادر = الي جماله ماعرفت اسراره
ياما على شانه قطعت البيدا = واسرجت له خيل الشعر وامهاره
بنات فكري الي عليها وسمي = تارد على هداج والفواره
بدايع ماقلتها في غيره = كن القصايد لجلها غياره
وياما على شانه رقيت العالي = واخايل ابيوته واشوف انواره
قد ينفع الولهان شوفة خله = او شوف منهم قابلوه زياره
واليوم رحنا والليالي راحت = ماعاد نعلم به ولا باخباره
وامسيت مثل الي مضيع طيره = يوم الهداد وجانب الصقاره
يضيق صدره لا ذكر غاليه = وليا لمح طير يزيد اطياره
كب القصايد لهلها واسمعني = لاتامن ايام الهوا الدواره
اما علومي باقيه في صدري = ياللي تجر الصوت بالهواره[/poem][/frame]
وســـــــــــلامتكـــــــ ــــــــــم