فــك الرمـوز المبهمات

[poem=font=",6,black,normal,normal" bkcolor="white" bkimage="http://www.hothle.com/vb/mwaextraedit2/backgrounds/13.gif" border="solid,5,red" type=1 line=0 align=center use=ex num="0,black""]
يلي نهبت القلب مني غصيبه = واصبح رهينه وانت ماخذت تقرير
القلب في يدينك ولاتعتني به = وتصد وتكابر وتعطي معاذير
فك الرموز المبهمات العجيبه = خلك شجيع وفسر العلم تفسير
ان كان عندك شخص روح اهتني به = روح وتهن ولاحصل منك تقصير
وان كان شايفني كبير(ن) وشيببه = شيبي تراه من البنات الغنادير
ماهو كبر والكبر ماهو مصيبه = العمر توه ياعسى خير ياطير
انا سهوم الحب فيني عطيبه = تمكنت مني وانا دوبي اصغير
باسبابها عايش بدنيا غريبه = ورجلي متعبها بكثر المشاوير
اسري واروح بليل ماينسري به = واصل مواصيل الرجال المناعير
ولي مع اهل العرف كلمه وهيبه = وفالمجلس المربوع حشمه وتقدير
وليا رميت ارمي واصيب الضريبه = وقسمي من اخيار القسوم المشاهير
واموت وانا مارضيت الغليبه = ولاحنيت الراس لو راسي يطير
عريب جد وساس وانتي عريبه = احكم وسرك يا ادعج العين في بير
لاعاد تجلس بين شكاً وريبه = ماهو بعيب تحرر العلم تحرير
لاكن قبل اتروح قلبي تجيبه = جيبه وانا ليه مع القلب تدبير
مادام ماعندك هوا وش تبي به = رده محله واتركه للمقادير
يمكن بعد جرحك يحصل طبيبه = وتصفاله الايام ويعيش في خير
[/poem]