فكرة برج المليون رد .............!!!

سلام مانبغى لحونك

والموت من سدّك ودونك

امرار تبدي بالجزايل

وامرار ماتظهر فنونك




وإن كان قوم ينرفزونك

خل الله الرحمان عونك

والنوّ لاعم القبايل

يروي حسايفك وغبونك

سلام من خاطر سفيري

قبل السفارة والسفيري

لكن جبت التيس مندي

هل ؟ هو هِنا وإلّا سفيري





الوقت مايكسر ظفيري

واخبر مهارات الظفيري

وانا في جيش الدار جندي

واشب ناري في الظفيري

سلام لي ديوان واكثر

واليا كتبت الشعر ما أعثر

واليا نويت النثر بانثر

والله ينصر كل مُسلم


راع الصحافة كيف ينشر

يرز ّ خشمه دوم يحشر

واللي بكذبه جا ويفشر

يدري به الله وانت تعلم

حيّيت من قاف انتصاري

لكن مااصطاد الحباري

عيني على القرش وحويته

مادام لي سيف وشباري


الشعب ثاير يوم ثاري

وفي كل دولة شفت ناري

واللي يغرَّق ماه بيته

بالسوني يلعب والاتاري

سلام والباكور زينة

مع قرم ساطي في يمينه

إن كان مالت للجنوبي

تقبل بجابات ٍ حسينة



بعض الذهب نسمع رنينه

والاصنج فسمعه طنينة

واللي وقف ماهو بصوبي

بأذنين طينة مع عجينة

سلام والحُلم احتميته

فالقلب سكّنته فبيته

واللي هواني ماهويته

مادام متكّبر وطاغي



لارّجع الله قطْر زيته

واللاش والله مااحتسيته

واللي سلِم ياما نصيته

بالوجه الابيض لا صِباغي

الجدر عامر وسط مكة

والساس ماجا فيه شكة

واللي تعب في كل سكة

توّه من آلامه تباكى


نافَق ويجلس فوق دكة

عساه يرحل لين دكة

واليا تسفّر جته حكة

لو هو سكن قمّة سكاكا

اهداء الى المعلم وايل الهذلي






مرحبا ترحيبة ٍ في حفل وايل

نسل سالم من هذيل اللي رفيعة

مرحبا رحب ً على روس القبايل

يارجال الفعل في يوم الوقيعة

فعلكم نور ً بدى وقت الأصايل

مثل نور الشمس في وقت اللميعة

يارجال هذيل ياقوم الفعايل

ذِكركم يبقى وطِيبتكم طبيعة

وإن رسيتم في الفرح يهل الجمايل

فأنتم الشجعان بسيوف ٍ مُريعة

ياثقات الفعل وزحول الثقايل

دوم فزعتكم على الماقف سريعة

وإن توّلع جمر أو شبّت فتايل

فأنتم الأمطار ؟؟ بسيول ٍ فظيعة

السوالِم من هذيل اهل الخصايل

كم بدوا بالفعل في يوم الفجيعة

فضل رب ّ الكون دام الراس طايل

بالعُزوم اللي ّتكمّل مُستطيعة

يابو سالم من عقب سافرت حايل

زِدت بي هم ّ الليال اللي ّ شنيعة

وإن رجعت لديرتك بأحلى الوسايل

فأنت مُسلم قد زهى بأجمل شريعة

سُنّة المختار مافيها محايل

والغوي يهوي إلى النار الوليعة

قد سمعت اليوم صوت الشموس الضاوية

تهمس فأذن الزمن والحكاية توّها


قالَت خُيوط الأشّعة تجي متساوية

ماتغطّيني سحابة ولو جا نوّها


ياسَديس الواد ِ ياللي فظل الشاوية

قُدمك انواع المشاكل وجالَك سوّها


مير يادُرّة عمر أو شعَرة معاوية

كُلّها الثنتين وسط الكُتب وعُلوَها


في النعيم المُعتبر والآوادِم ناوية

طاعة الله والمعاصي مغيّم جوَها


والله إن ّ البعض ماهي تضد وقاوية

وأنت ياخي شُف طريقة تناسِب سوّها


عن شمالَك في يمينك مقاصِد لاوية

أيّة أحبولة تجي فُكّها أو لوّها


ثم نقطف سَعْفة النخلة اللي ّ ذاوية

مثل عرجون ٍ هوى مير بِيرك طوَها

من رجال ٍ ماتخاوي مَريد

بألبس الاشعار بالبُنجرة

مير لي دِبلة ولبّستها

ياخصيمي ؟ صِدق وإلا كذب

في المثل ضَد الحديد الحديد

والعفو في حزّة المقدرة

والجُنون اليوم حّبسّتها

ياعُليمي صدق وإلا كذب


زُول سُقم الملعبة والقصيد

في ظلام الليل من يستره ؟؟


والفتايل كان قَبسّتها

ياعميمي صدق وإلا كذب



الفريدة من هجوس الفريد

قُلْ لِبِن ْ اليوم من مستره ؟؟

رسمتك والله دّبّستها

يامُقيمي صدق وإلا كذب

سلام ٌ حِين ّ ماغنّى

فؤاد ٌ يعشق الفنّا

يُسطِر ماتيّسر في

قِراع الإنس للجّنا

وبالرحمن مُتكل ٌ

وبالأخبار قد هَنّا

لأن ّ حياته ُ قِمم ٌ

ولم يألف أذى الفنّا



شَريف ٌ بالهُدى سارا

وللأبطال ِ قد جارى

ولم يأتي بمُخطية ٍ

ولم يُوقِد لظى النارا

له ُ في الحرف أغنية ٌ

بلحن ٍ ينفث ُ الثارا

جهاد ُ المرء ِ شَرّفه ُ

واذكر ُ من مَلا الدارا





بهيبة ِ مُسلِم لبِق ٍ

إذا الغربي ُ في نزق ٍ

هوى للنار في دَرك ٍ

ومن يأويه ِ في حَرق ٍ


أخلاّء ُ الدُنا نفروا

لطرقات ٍ ومُفترق ٍ

ومهما الباطِل استعلى

سيبقى الدين ُ مع خُلُق ٍ




وإن أكرمت َ مُقتدِرا

بشعر ٍ يُشبه البدرا

فرأس الفقر ِ مُنزَعج ٌ

ومالقصيده ِ مجرى

سيوف ٌ حين وجّهها

تسايل وجهه وجرى

دم ٌ والسِعر منخفض ٌ

ولكّني دوا الشُعَرا

ياللي ّ تصب الشاي قم ولّم الكيف


حِنا ّ ترانا كُل أبونا رفاعة

ماجالَنا من رِيبة الدهر تزييف

ولانرز ّ خشومنا فاي ّ قاعة

والبِير مهما كان جَم ّ المغاريف

فأحنا سيوف الفعل وانسى البشاعة

واللي ّ يفكّر في عُلوّ المشاريف


ماهو خويي ّ ياولد في البضاعة

ياترفة الحُسن ياللي لك شعور ٍ نبيل

لك ذِكر يُنقَش على الضلعان وأطلالَها

ياوردة ٍ في طرف غابة بغصن ٍ يميل

ريّانة الجوف لاجا الصيف في حِلالها

ماهي قليلة حلا بل ذات وجه ٍ جميل

سوات شمس ٍ بدت والشر مانالها

والحُب ّ طير ٍ علا والشعر مّني جزيل

واناقِش افكار ترقى لي وانا ابرى لها

مادامها تسقي المهموم بالسلسبيل

جعلي فداها وقلبي في الهوى طالها

رفعت قدر اليتيمة والامل لو ضئيل

يتجددّ بضوء مشرق يشبه قذالها

لاتفُل ّ شلالها من يحتمل قطْر سيل

لو ألف منديل غطّاها هو اشوى لها

مانقبل الضجّة اللي في الزمان البخيل

ابسكت اللي ّ بشيلتها وموّالها

لكن عصفورة الايّام لو هي تكيل

الصدق فاعمالها ويقوم مكيالها

مير المضايق كما البسفور والدردنيل

والا ّ البطايق إدارتها من احوالها

ولاتعِّمر خشب في وسط واد ٍ يسيل

بكرة تجيك الهوايل عبر مسيالها

وإنْ جا بقدّاحي اللي مايعَرف الفتيل

فاحنا مع الروس نكمِل كيف نحتالها

لكن ْ مليون مرّة قلت وقتي مُهيل

ويفرّق القوم وإقفاها كما إقبالها

اليا زهى زين النياق الدقاقة

من فوقها الجمّال بالكف يُومي

من بينهم خُوّة وقدر وعلاقة

من يوم سّرحها فعالي الرجومي

ترعى خضيرات الشجر بالذواقة

وتقفي كما طابور ناوي الهجومي

سلام يارجال القبيلة

يهل المواقيف الاصيلة

ياللي لكم تاريخ زاهي

نيرانكم فوق الفتيلة



وقفاتكم ماهي قليلة

ومحّققين المستحيلة

واللي عن الشعّار لاهي

حذرى يجينا باي ّ ميلة