فكرة برج المليون رد .............!!!

سلااااام علييييكم


بررررجكم طيب وعلووومة طييييبة


سكني >> كل عام وانتم بخيير

الوله لك غيم وأشواقي سما

كل عام وانتم بخير ....... ياهذلان

يابرج وين راحوا ساكنيك

السلام عليكم صباح النور للحاضرين

خبيتي


جيت كلي كلام

لاصحابنا كان حلو

مير مني ّ سلام

والناس ياناس ملو


مكسبي كلمتين

جتكم ليا طاب راسي

وامشي الخطوتين

للطيب وانا حماسي


والكرام الصِلاب

اللي يجونا كرامة

نورهم كان غاب

راحوا وطارت حمامة


صوتها بالصباح

هيّض شعور الهواوي

والضمير استراح

والنجم بالليل هاوي

مير انا من نسور

جنحانها شي هايل

لاغطست البحور

اواجه ابنا الحمايل

واختصرت اللي جاء

مثل المزون وسناها

وانا كلي ّ حياء

من ناس راسي نواها

شعري يجي للمجالس يزرع البسمة مابين الحضور
واجيب كل العلوم اللي جميلة طابت اطيابها

وانا سليل المراجل يابشر منا ليوم النشور
واواجه الروس يوم إن البعض كم تملك اعصابها

ياناس وش ميزة الإنسان

اللي المحبة تناساها

كنه كما مضيّع العنوان

لمّا خطوط الزلل جاها

ياليت بين البشر ينصان

ويحوز طولة لا ضواها

واليا انتصر يكسب التيجان

وعلومه إن عاش يحماها

لو بالوطن كامل السكان

تشناه ممكن بيشناها

ويواجه الرمي بالنيشان

لو الملاعب بمرماها

اخيّه ياميلة الميزان

يوم الملاعين ننصاها

لاجالهم رمحنا الطعان

اللي السلاطين عناها

يارب يامنزل ّالهتاّن

انصر وجيه اللي نهواها

اللي كما صحبة الخلاّن

وإخوّة الراس سواّها

كمّل ليا كحل الأعيان

وأنال الأصحاب مغزاها

لي مع الناس كلمات الشعر والصراحة

ثم اظبّط كلامي مثل سيل ن يسيل

مير تال الزمن ياناس من وين راحة

يوم أعالج مع الأصحاب شخص ن عليل

يوم المشاكل والضرر

الراس ياناس انتصر

وإلا البعض لاتعيّنوها

لأجل إن ّ ممشاها خطر





والشعر كلمة مع صور

ورماحنا يوم النحر

هزت رجال ن كم يبوها

لا ولعوا نار وشرر

ياصاحب الوجه الصغيري

ياللي كما إنك معك كيري

مشاكلك ياشيخ جمة

وأنا معك مثل الأميري




وإن جيت باليوم الخطيري

حنا نشير ونستشيري

وإحنا رياجيل المهمّة

رغم الحجاج اللي ّ كسيري

سلّيتنا بأشعار جات

يوم اللزوم مناوبات

إن جيتني مثل الشموسي

وإن رحت جبت الغايبات





لكن ّ جات مهاوشات

يوم البشر متنكّرات

لكن ّ تنطحك التيوسي

لاجتك بين الكاينات

انا كلامي لاوصل

سر اللي كنه ّ كالصحيب

لكن يالوجه الغضيب

الشر يارجّال حل


وإن كان صايبك الخلل

شكلك مع العالم تشيب

ياليتك بمرّة تصيب

ياللي تجي خط الزلل

الشعر يارجّال ماسي

وأيّامكم منها مآسي

لكن كم شاعر عنيته

كنه ّ مع العالم سياسي


وإحنا لنا هيبة وباسي

وتطيب يازين اللباسي

لكن خطي ّ لامشيته

بيسلّم الرحمان راسي

متطمن ّ وعيني بصيرة

والشعر وسط ارض الجزيرة

كنه ّ سحايبها وماها

او مثل نجمة مستنيرة


لكن ناسينا بحيرة

إن جات الأيّام الخطيرة

المرجلة نمشي معاها

رغم الملاعين المكيرة

اعطيتكم شعري عطايا

والشعر ساكن بالزوايا

لكن أنا زين النوايا

وعلومنا سكّر نباتي


ولكل متنكّس حكايا

لكن من بين البرايا

رمحي لاجا ربع الخطايا

منه الجروح الموجعاتي