للجيز المعدي

[poem=font="simplified arabic,5,,bold,normal" bkcolor="" bkimage="" border="none,1," type=1 line=0 align=center use=ex num="0,"]
ونعم وسته انعام ما ذم الرجال الغانمين = عيني في راسي يالهذيلي عسرةٍ في الحوقها
ما قرت الوزنه ولا شفنا لكم صرف وطين = لكن عسى الله يعقل اللي وسمها في عنوقها[/poem]

بن عادي وش يقرب لك النقيب بندر محمد العميري في الجبيل؟

محاوره رائعه من شاعرين كبار


يا حجاج البكره ان اخذت الاول يا كبرها على اللي مشارك معها هههههههههه

شاور وتلقى في الرجال اشوار يا حامي العرين
ماني مكحلها وانا اشوف الرمد في موقها

لا بالله الا طاح حبك في الرحى وامسى طحين
لكن تـرانا ما نضيــع للكــرام حقــوقها

	المشاركة الأصلية كتبت بواسطة بن قاسي الهذلي

	بن عادي وش يقرب لك النقيب بندر محمد العميري في الجبيل؟

بن قاسي ماعرف بندر بن محمد العميري لكن سؤالي هل هو من اهل مكه

السلام عليكم ورحمة الله وبركاته
مساء الخير

	المشاركة الأصلية كتبت بواسطة أبو المثلّم

	شاور وتلقى في الرجال اشوار يا حامي العرين ماني مكحلها وانا اشوف الرمد في موقها لا بالله الا طاح حبك في الرحى وامسى طحين لكن تـرانا ما نضيــع للكــرام حقــوقها

مبدع يأبو المثلم

وعليكم السلام ورحمة الله وبركاته

مساء الأنوار

حياك الله يارعد المصيف اقرب جاي تراني لحالي ماسك الصف مع ابو المثلم

الحجاج بن يوسف
سلام ردية وفا تمشي دروب الغانميـن
والهينه عند العرب ما تنقبل في سوقها

بديتها من هاجسي للي يبا سمن وسمين
طيب المعاني ياعرب تبدي على منطوقها




أبو المثلم
يا مرحبا ترحيب صافي لا "يحين" ولا "يمين"
عداد همال المزون اللي تلوح بروقها

منهاجنا يا صاحبي ثابت على مر السنين
شجرة وفا لاهل الوفا وسط القلوب عروقها

الحجاج بن يوسف
دام البقا ياللي ترحـب عـد همـال الغشيـن
سيس على عـز المبانـي وأنتبـه لفروقهـا
البكره اللي طبت في سوق الذهب ترطن رطين
تحسب على خندف كبيره كيف تفلـت نوقهـا


أبو المثلم
يا صاحبي ما كل بيعة حصّلت دلال امين
والكيّه اللي ناضجه ماحد يزيد حروقها

ارجال خندف يالثقيفي تدحم الجنب المتين
لكن بقايا قوم صالح من يعرف طروقهـا

الحجاج بن يوسف
دارت رحاها يابو مثلم من شمال ومن يميـن
والهدمه اللي تلّبس كثـرت عليهـا شقوقهـا
هي قوم صالح وش بلاها تهدم الحصن الزبين
ما حسبت للشمـس لا بانـت وزاد شروقهـا


أبو المثلم
لا تظلم الغافل ترى ربك خصيم الظالمين
واما عرفت تسوقها ماهو لزوم تعوقها

غطا سواد الليل غطا ما لمحت الفرقدين
لكن عميان العرب ما شي يسد حلوقها

الحجاج بن يوسف
الخشم من راسك ولا يمكن تجذه ياذهين
والغافل اللي ما درى خله وراى معشوقها
الصبر طيب ما نجيب اللي تنقدنا في حين
معكم فكم الثوب رامي شارتـه بيحوقهـا

أبو المثلم

حنـّا (بنو عدنـان) من لابة شفيع المسلمين
عين العدوّ نغـزّها عين الصديق نشـوقها

وش بك تخض الما ولا ترتاح يا عبدالمعين
ما تطلع الزبدة فما دور على طمروقهـا

الحجاج بن يوسف
ونعم وسته انعام ما ذم الرجـال الغانميـن
عيني في راسي يالهذيلي عسرةٍ في الحوقها
ما قرت الوزنه ولا شفنا لكم صرف وطيـن
لكن عسى الله يعقل اللي وسمها في عنوقها


أبو المثلم
شاور وتلقى في الرجال اشوار يا حامي العرين
ماني مكحلها وانا اشوف الرمد في موقها

لا بالله الا طاح حبك في الرحى وامسى طحين
لكن تـرانا ما نضيــع للكــرام حقــوقها

هلا هلا بالشاعر الراااااااائع رعد المصيف


شرفت ونورت

فيك الخير والبركة يا بن عادي
وابو المثلم
استاذي في الشعر وغيره

	بن قاسي ماعرف بندر بن محمد العميري لكن سؤالي هل هو من اهل مكه

نعم بكل تاكيد

محاوره جميله

عن اذنكم وراي مشوار

الله اكبر يابو المثلم قسم بالله مبدع وشرس

ولايهون الحجاج شاعر كفو

والله ابداع في المحاورة