الرد الشافي..على قصيدة الوافي.!!

دن ياهاجوسـي المتـغـرب
فـي بـلاد العلـم والحريـة
وأنت راعي الأوله والجزلـة
في حياض الساحة الشعريـة
والقوافـي خـابـرٍ لعبتـهـا
آخـذٍ فـي سوقهـا عضويـة
مير بعض النـاس مايدنانـي
لـو توجـه وجهـةٍ فكريـة
غاضه إنـي شاعـرٍ متمكـن
ماخلفـت الـوزن والقافـيـة
وغاضه إني فالمواقف واقـف
محتـزم بالسيـف والجنبيـة
وغاضه أني لارميت بسهمـي
دق عيـن الصيـدة المرميـة

,,,,,,,


ونعم وسبعة انعام وافيه من راس وافي

لا هنت يا بو معتوق شاعر فحل من الطراز الاول, وشهادتي فيك مجروحه


ابيض وجه ,, ومثلك وشرواك نفتخر فيه بين القبايل وفي المحافل



لانك من فطاحلت الشعر الابي ,,

ماشاء الله عليك شاعر مبدع

صح لسانك وعلا شانك
ليتك جبت معك القصيده اللي رديت عليها

	المشاركة الأصلية كتبت بواسطة رايد الحتيرشي الهذلي

	دن ياهاجوسـي المتـغـرب فـي بـلاد العلـم والحريـة وأنت راعي الأوله والجزلـة في حياض الساحة الشعريـة والقوافـي خـابـرٍ لعبتـهـا آخـذٍ فـي سوقهـا عضويـة مير بعض النـاس مايدنانـي لـو توجـه وجهـةٍ فكريـة غاضه إنـي شاعـرٍ متمكـن ماخلفـت الـوزن والقافـيـة وغاضه إني فالمواقف واقـف محتـزم بالسيـف والجنبيـة وغاضه أني لارميت بسهمـي دق عيـن الصيـدة المرميـة ,,,,,,, ونعم وسبعة انعام وافيه من راس وافي لا هنت يا بو معتوق شاعر فحل من الطراز الاول, وشهادتي فيك مجروحه ابيض وجه ,, ومثلك وشرواك نفتخر فيه بين القبايل وفي المحافل لانك من فطاحلت الشعر الابي ,,

ماعليك زود يابو سليم،،،هذا بعض مالديكم.

وجهك أبيض ،وأنتم فخري فكل مكان وزمان.

الله لايهينك شهادة أعتز فيها

تحية طيبة

	المشاركة الأصلية كتبت بواسطة راجح

	ماشاء الله عليك شاعر مبدع صح لسانك وعلا شانك ليتك جبت معك القصيده اللي رديت عليها

صح بدنك أخي راجح الله لايهينك

القصيدة التي جاريتها ..للشاعر رايد الحتيرشي ..موجودة هنا..

شرفتني بمرورك

تحية طيبة

عماد مبدع
ومثل هالنصوص ماهو غريب عليك
صح لسانك وتقبل مروري

السـلام أبلـغ مـن الرديـة
دام نفسي راضيـة مرضيـة
دن ياهاجوسـي المتـغـرب
فـي بـلاد العلـم والحريـة
أنت راعي الأولـه والجزلـة
في حياض الساحة الشعريـة
القـوافـي خـابـرٍ لعبتـهـا
آخـذٍ فـي سوقهـا عضويـة
مير بعض النـاس مايدنانـي
لـو توجـه وجهـةٍ فكريـة
غاضه إنـي شاعـرٍ متمكـن
ماخلفـت الـوزن والقافـيـة
وغاضه إني فالمواقف واقـف
محتـزم بالسيـف والجنبيـة
وغاضه أني لارميت بسهمـي
شق عيـن الصيـدة المرميـة
والخطا يشعف قلوبٍ مرضـى
مايداويهـا دوى (الصحـيـة)
والحروب أولى بهـا سادتهـا
حربهـم سميتهـا (قومـيـة)
عايشن حالي وانا فـي حالـي
ولانظـرت بنظـرةٍ فوقـيـة
مايميزني..دمـاثـة خلـقـي
لنـي أقـدر صفـا العفويـه
ماتوجـه لـو توجـه غيـري
خابرٍ شمس الضحـى والفيـة
يوم حاتـم ماجحـد ماجـوده
أخلدتـه أفعالـه (الفطريـة)
والبقى في ذكر حاتـم باقـي
إيــه لاتبكـيـن يامـاويـه
والله أن الدهـر خلـد حاتـم
(مات) مير النار باقـي حيـة
يامثبيـن الحـروب أستمعـوا
لاتضيـع القـدس والقدسيـة
النشامـه والشاهمـه فيـكـم
فالكـتـب لكنـهـا مقـريـه
كثـر مانسـع كـلام وننسـى
ماحصـل مـن ثـورةٍ فعليـه
الدمـا ماهـي دمـا يـارايـد
وين فعـل أجدادنـا الجديـة
عان غـزة تحتـري منقذهـا
والعرب فـأحوالهـا الجويـة
ليه ياربعي عصابـة راسـي
ليه يا أهل البنـدق (المنقيـه)
ليـه ياللـي تنقلـون العانـي
ليه هـذا الفكـر والسطحيـة
أختـلاف الـراي لايصدمنـا
والحقايـق عانهـا طـرديـة
مايجيب الحـق مـن ظالمنـا
حذفـت الغتـره ولا الطاقيـة
أمتـي يـا أمتـي المأمومـه
ماتعلِـم جدتـي (العصريـة)
أمتي يـا أمتـي المحرومـة
ليـه جـدي مـات بالأمـيـة
أمتـي يـا أمتـي المقسومـه
بين تاريـخ ..وفكـر غريبـة
أمتي يـا أمتـي ..(معلومـة)
ماتصفـق كـفـك الملـويـة
أمتي يـا أمتـي المرحومـة
لاااااا لا رحمـة ولامـاويـة
أبك ياتاريـخ وأنـدب حظـك
أبك ملء جفونك (الزهريـة)
إبـك ياتاريـخ حنـا حـنـا
إبك مـلء احوالنـا المرئيـة
إبك ياتاريـخ مـلء أبطالـك
إبك من هـذي ومـن هاذيّـة
إبـك ياتاريخنـا واسّمعِـنـا
من نحيبك (هل بقـي باقيـة)
إبـك مايشفـع لنـا ماضينـا
دامنـا أمــة (فسقراطـيـة)
إبك ودموعك مـداد أقلامـك
إبـك مـن علاتنـا الجوفيـة
إبـك منـا وأبكَنـا وأبكِيـنـا
ابكنـا بالدمـعـه الدونـيـة
طب طب ياضاربيـن الطبلـة
بل بـل يـا ارضنـا المبليـة
هـم هـم ياقاتليـن الهـمـه
هم هم (يارز ..يـا طعميـة)
ليل عين..ودقـي يـا أمريكـا
وهزي يا اسرائيل هيّـه هيّـه
آآه ياتاريخـنـا يـامـاضـي
أوّف لك... يا أوضاعنا الحالية


صح لسانك ياعماد
قصيدة جزلة من شاعر جزل
وتستحق الاشادة كالعادة
مافــــــــــــــــــــــ ـــــــيك حيلة
ونتمنى منك المزيد
وتقبل مروري