هنا تسجيل اقوى بيوت النقض والفتل

مصلح..

حنا بني الحارث نقضي على الطغيان ،،، أنشـد عـن القالـه راسٍ مجربها
السمن في نعمان والسم في ميسان ،،، ودك نزينــــــــها وألا نخـــــــربها

محمد..

حنـا عرفناكـم مـن ماضـي الأزمـان ،،، قبيلــةٍ وحــده عشــــره مذاهبــــها
السم في ميسان والموت في نعمان ،،، لا تحفـر قبــورك وأركـز نصايبــها

يقول مطلق الثبيتي الحريبي مالقيله واحد(ن) يقطع لسانه - يوم يتغزل في بنات الهند سمحات الخدودي
قال صياف السحيمي ياعتيبه قولو لمطلق يمرح في مكانه - مايحامي عن بنات الهند غير الهنودي

مستور العصيمي

اليوم فى ضلع الهدا جدك لقيناه *** يضحك على جال الطريق وشفت نابه


الخـــالدي يرد

جدي فى راس الضلع والخنجر بيمناه ** مستقبل الزوار ومصاحب شبابه


///////////////////////////////


حبيب العازمي

الجولوجي قال فى حرة المطران زيت ** كان ودك تقتني شيلها بترابها


زيد العضيله يرد

حرة المطران ماهى طماعه لو غزيت ** دونها حمر النواظر ترف اشنابها


وســـــــــــــــــــــــ ــلامتكم

مـــحـــمـــد الــجــبـــرتـــي

انا هيض عليـهّ يـوم شالونـي عيـال قريـش

عيـال قريـش شالونـي وانـا رجـال نـيـاوي

رشــــيـــــد الـــــزلامـــــي

هذا غلطتك يوم انك تطيـع الـي يشيلـك ليـش

يودونـك قريـش الديـرة الـي ذيبهـا عــاوي

الجبرتي

وش عاد باقي ياعبد الله تهيض هات الأمثال ،،، شريت لك الموتر اللي ماشراه ابوي ليه
أنا اشهد اني ربيتك لين صرت اليوم رجال ،،، واليوم صرتوا رجال ولا لكم شرهه عليه


الرد من ولده عبد الله :

الله يخليك ليه ثم أرد اريال بريال ،،، لو كان ماني بمحصي كل ماسويت فيه
وأنته شريته لنفسك والا انا ماغير جمال ،،، بالصبح اوديك مكة والعصر يم الضبية

مستور العصيمي
ياذيب ياللي تجر اعواك عنا فالخفى منت ذيب
من جوع ولا طبيعه فيك ياسرحان تضرابها

عبدالله المسعودي
ياسامع الصمت كيف بتسمعه لو كان منكم قريب
الموت في روحك اقرب من عصاك اللي تعصى بها