وين الشيخ ابو حمدان ؟

تصبح على خير يا شيخ المجالس

وفي امان الله


وبيض الله وجهك ,, استاذ و استفدنا وفدنا





دمت بوووود ,,,,

رايـــد

يا الشيخ ا بو حمدان مسيت باالخير وعلى خير
قـــرب هـنـيـا لا تـجــي فالـمـواقـف دبلـمـاسـي
اللي حصل ياشيخ معروف ما تجهـل كمـا الغيـر
واهـل المثـل يقلـون بيـت المعـزه بنـي سااسـي
أبو حمـــدان
يامرحبـا مسيـت بالنـور يانـسـل المناعـيـر
ياربعنـا الغاليـن وقـت الشدايـد تـاج راسـي
خلك مع التيار ماشي ولاتجنـح عـن السيـر
خلك على ماقيل ياصاحبي رجل(ن) سياسي
رايـــد
الـك البقـاء لكـن ياالشيـخ مافيهـا معاذيـر
والليله الليلـه يبـا يصتـدم راسـك براسـي
انا مع الصاحين ماني مع اللي ينفخ الكير
وانته كذالك مير خلك معي فاالدرب راسي
أبو حمـــدان
ماودنا ياصاحبي نسلك اطوال المشاوير
لكننـا نبغـى لنـا قـاف يـارايـد حمـاسـي
الدرب واحد جعلها ياعميلي لك مسافير
لكن خل الصرف من بنكنا لولو وماسي
رايـــد
اكيد ما ودك وعينك تعايـن فاالمحاذيـر
لكن قلبك لا يجي فيه شك ولا التماسي
الدرب واحد ما يبا يجهله راع التفاكير
لكن يا رجال شفت البلد دهـر ويباسـي
أبو حمـــدان
خلك على الإيمان واصبر على حكم المقادير
وإن راد ربي يابن عمـي يـزول اللإلتباسـي
بكرة تشـوف الغيـث ينـزل وتتفتـح نواويـر
ويزول عنك الشك والريب وتـزول المآسـي
رايـــد
الحمـد لله ماخسرنـا ولا فيـهـا مخاسـيـر
يسدني لبسي ولا رحت ادور لي لباسـي
يا العود لا تتعب وتتعبك فاالدنيا تصاوير
حذراك لا يدخل بقلبك زعل ولا حساسي
أبو حمـــدان
لكـن لـك عاميـن وأنتـه ترقّـب بالمناظـيـر
وليا لمحت البرق تفرح ويضربك التماسي
الـعـود متـريـح ولاهمـتـه دنـيـا المنـاكـيـر
والحـمـدلله مالبـسـت الثـيـاب إلا مقـاسـي
رايـــد
عامين يـا الشيـخ المسمـى وانـا بالشـور واشيـر
والـحـال مـثـل الـحـال ابـذكـرك ن كـنــت نـاســي
ناسٍ تجي وتروح , كم رسلت ٍ راحت مع الطير ؟
بـا الله يـا شيـخ المجـالـس ابنـشـد كــم تقـاسـي؟
أبو حمـــدان
أنا اشهد إنك راعـي الشـور وتـرد المغاويـر
لكـن باقـي مادخلتـم علـى القـصـر الريـاسـي
الشيـخ متريـح وراسـي ويفهـم فـي التدابيـر
يرسي كما ترسي الجبال الطوال اللي رواسي
رايـــد
اهل البلد وسط والبلد يا عميلي صبح وعصير
اللي مشى فالدرب واللي وطى شوك الدهاسـي
منته بمرتاح وغلبـك الزمـن وصويـر وعويـر
لكن لا تضحك بنفسـك تضيـق ابـك الانفاسـي
أبو حمـــدان
نصبـر ونتجـلـد ولاهمـنـا طـعـن المسامـيـر
مادمت أنا ابخدم في هالمنتدى ربعي وناسي
نفرح ليـا جونـا هـل العلـم والقالـه مساييـر
ونميّـز الرجـال إذا جـاء ذهـب وإلا نحاسـي
رايد
يا الشيخ ابو حمدان حنا فدا لهذيـل ونغيـر
لو كان يقسي وقتنا جيت انا فاالوقت قاسي
المشكلـه فمعلـم المدرسـه طــش التباشـيـر
والمدرسه فيه جنـود وبهـا قـوم ٍ عساسـي
ابوجمدان
للمدرسة في داخل القلب منزال(ن) وتقدير
واللي بناهـا الله يحميـه مـن شـراً وباسـي
مـانـي بمتـعـدي وقدامـنـا لـوحـة وتحـذيـر
دعنـا نزيـن مدرستنـا بماسـات وكـراسـي

صحت الألسن و الله شعراء كبار جدا