سامي السويهري وابوحمدان

محاورة شعراء هذيل

ابو حمدان :

هلا يامرحبا بالغامض اللي صار لي مكشوف
عسى أيام الغموض اللي مضت ربي يكافيها


ولو طال الزمن لابد مانسمع خبر ونشوف
ونعرف كـــل ماتخفــــيه الأيام ولياليــــــها



سامي :
يدوم الك البقا والعب على المكشوف مابه خوف
ولو العب على الغامض بسرحها وضويها

ترى صاحبك سامي للعداء ضد العداء ويحوف
ليا جاته علوم اهل الوفا ياخذ ويعطيها


ابو حمدان :

نبا نحكم معانينا ولانخرج عن المألوف
وكل قالته عن هرجة الزلة يداريـــــها

وسبع أنعام بك ياالشاعر اللي صرت لي معروف
ونا خابرك من ربـــعاً تدافـــع عن مباديــــــــها


سامي:


ليا حكمت معناها نبى نمشي لقوم الجوف
لساني لي حصاني كلمة المعروف امشيها

هذيل اهل لشجاعه والزعامه ماش فيه ضعوف
وابى كافح واحارب دونها والرب حاميها



ابو حمدان :

هذيل أهل الكرم والجود ربعاً تنقذ الملهوف
وأنا من دونها دوم أعـــقل اليمنى وثنيــــها

وأنا من لابة ياصاحبي صلفا حداد سيوف
هذيلي من هذيل اللـــي عزيزة في مبانيها



سامي :
تبى تتعب وتشقى دونها جعل التعب مخلوف
ولك عين (ن) تفتحها ولك عين (ن) تغضيها

انا ما اقول فيك اقصور لكن جود المصروف
وانا صاحبك لا مني جرحة اجروح ادويها

ابو حمدان :
أنا أبنشدك عن شي مخبينة في وسط الجوف
وإلى هالحين مشغلني ولاأدري وش تواليها



سفينة نوح يتلاطم بها موج البحر مشعوف
بعد ماراح عنها نوح من هو اللي يقديها ؟


سامي الهذلي


ترى قلب الرجل في جوف صدره دايم مشغوف

لــيا جات الليال الطيبه يفرح يهليها

انا قايد لها يوم ان بعض الناس صفق كفوف

ولو تلعب بها الأمواج قاصيها ودانيها

ابو حمدان

أجل قود المطيه حملها من فوقها مردوف
ولكن لاتقيــــدها برجليـــها واياديـــــــــها



بعد مامات قايدها تسلم قيدها ملفــــــوف
ورسيها على نهر الســـــلامه لاتخليــــها

سامي الهذلي


خلووووووووها

ابى اقود المطيه والعيون تشوف دون ظروف

ليا قالو جميع الناس نعم وعاش راعيها

تبى تدري عتابه والحروب ومع قبايل عوف

هذاك الفارس اللي قادها سامي يمشيها

ابو حمدان

وش يفيد الكلام اليا الفعل عن مشيته معطوف
نبي فعلاً يداوي الروح والأســـقام يشــــــفيها


نبا نطلق قيود ك ياجمل لاتقول أنا مكتوف
وشب النار ياشباب الين يزيــــد صاليــــها


سامي الهذلي

خلووووووووها

ابى ثبت كلامي قدم عينك والصفوف وقوف

صفوف هذيل يابو زيد فاوله وتاليها

انا رجال حر ولاخلطة القطن فوق الصوف

وانا علمك بعلوم الوفا ء وتقول ناسيها

أبو حمدان

تحزم ياعميل الخير بحزام الكلاشنكــوف
وطب المعركة وأطحن جنود الشر وأفنيها


نبا نرفع لك الراية ونلعب لك لحن معزوف
ولكن لاتــجي تبغــى تكحـــلهـا وتعــميـــها

شكر من أعماق القلب للأخ العزيز والغالي الشاعر الند سامي السويهري الذي سعدت كثيراً بمقابلته الله يعطيه العافية وإن شاء الله نراه يقارع خصوم الشعر ويعيد تاريخ (( سفينة نوح )) ويقودها لبر الأمان .

الشكر موصول لكل الأخوة الذين شاركونا وآزرونا من بداية المحاورة وكانت لهم الأيادي البيضاء في رفع الروح المعنويه لدينا الله يعطيهم العافية جميعاً .
ولكم جميعاً خالص التحايا والتقدير والعرفان .

السلام عليكم ورحمة الله وبركاته.
مساء الخير للجميع.
بيض الله وجيهكم الشاعر والأخ أبو حمدان....والأستاذ الشاعر سامي..
محاورة من العيار الثقيل ..

الله يعطيكم الصحة.

بيض الله وجوهكم جميع ياعيال العم

ابو حمدان وسامي الهذلي

ابدعتم بارك الله فيكم

والتمس منكم العذر

لعدم تمكني من الحضور لانشغالي بزواج نسيبي ليلة البارحه

ولكن سعدت بقراءة هذه المحاورة الجزله

واتمنى ان نرى مثلها في قادم الايام

الف تحيه والف شكر للجميع

وبارك الله فيكم