ديوانية الشيخ أبو حمدان الشعبية

	المشاركة الأصلية كتبت بواسطة أبو حمدان

	حياك الله أختي الهنوف وشكراً لمرورك وتعليقك وإطراءك أما بالنسبة لديار هذيل فهي تحيط بمكة المكرمة من ثلاث إتجاهات فهي تمتد من جنوب مكة المكرمة على إمتداد طريق الطائف الكر ( طريق الهدا ) وتشمل وادي ملكان ووادي ضيم ووادي رهجان ووادي نعمان بامتداد تلك الأودية ناحية الجنوب والشمال حتى تعانق جبال السروات والشفا وبها قبائل ( دعد والندويين والسوالمه والقرح والجوابرة والسراونه وبني ياس ) من هذيل مروراً بمدينة الطائف شرقاً وشفا الطائف الذي يسكن به قبائل ( الطلحات وآل زيد وبني خالد ) وحتى شمال مكة المكرمة على طريق الطائف السيل ( اليمانية ) ( ديار قبيلة صليم ) من هذيل ثم تمتد شمالاً إلى الشامية ديار المطارفة ثم وادي الريان ديار بني مسعود ووادي بني عمير شمال شرق مكة المكرمة وهي ديار بني عمير ثم جبل كبكب الواقع شرق مكة المكرمة في الجهة الشرقية من عرفات ويسكن به قبيلة ( آل فضل من الكباكبة ) من هذيل إضافة لوجود قبائل هذيل الأخرى التي لم اذكر اسمها في تلك المناطق وجميع هذه المناطق هي ديار هذيل فهي تحيط بمكة المكرمة مثل السوار بالمعصم ولذلك سميت قبيلة هذيل ( درع الحجاز ) لأنها تشكل درع يحيط بمكة المكرمة من الجنوب والشرق والشمال أتمنى أن أكون قد أوضحت لك الصورة باختصار لديار هذيل

والله اشكرك ياشيخنا ابو حمدان والله اني مشتاقه لديرتي ديار هذيل كلها من شمالها لجنوبها ومن شرقها لغربها واتمنى البيئه البدويه وهم متحضرين ومدارس ودي اعيش حياة البدايه اللي وجدتها في الديوانيه والله انك ما قصرت كفيت وفيت وعرفت اللحين يعني كلمة (درع الحجاز ..)والله يوفق ربعي هذيل حيث ما يكونون ..ودي اسالك ياشيخ وان اثقلت عليك شوي.. بماذا اشتهرت قبيلتنا غير الشعر ونسائها بماذا يتميزن؟؟؟
انا سمعت شئ من هذا القبيل لكن ودي اعرف .. اكثر ولك السموحه يالشيخ ..
بالذات النساء بماذا عرفوا في قبيلة هذيل المخضرمة على مر العصور ..


وتقبل تحياتي واحترامي الشديد لديونيتك وشخصك ..
الهنوف البدويه الهذليه

مساء الخير يا أبا حمدان ، وللضيوف الموقرين

محماس / عطنا علومك ، جاكم مطر علم خبر .. منياه ولا منياه هههههه
والله يا محماس ما عندك ولا سالفة قم بس هات الدلة والتمر ..
وأحكر البراد المنعنش.
وهديتي الليلة غزلية والمنتدى مسابقته غزلية ومشاركاته الشعرية
معظمها غزلي ههههههه هذا شهر الرومانسية ههههههههه
أعجبتني قصيدة مطر الهذلي وقصيدة جميل المطرفي الهذلي في
مجلس الشعر الشعبي وكلها رومانسية هههههههه
===

بـديـع الـحـسـن كـم هذا التجني :: ومن أغراك بالإعراض عني

حـويـــت من الرشاقة كل معنى :: وحــزت مــن الملاحة كل فن ِ

وأجــريــت الــغــرام بكل قلب :: ووكــلــت الـسـهــاد بكل جفن ِ

وأعرف قبلك الأعصان تـُجني :: قيا غصن الأراك أراك تجني

وعــهــدى بالظبا صيدا فما لـي :: أراك تــصــيــبُ أرباب المجن ِ

وأعـجـب مــا أحدثُ عنك أني :: فـتـنـتُ وأنــت لــم تعلم بأنــي

فلا تسمــح بوصلك لـي فأنـي :: أغــارُ عـلـيـك منك فكيف مني

ولــســت بقائل ما دمـت حـيا :: بديع الـحـسـن كــم هذا التجني

السلام عليكم ورحمة الله وبركاته

حضرت هذا الصباح الباكر الى ديوانية الشيخ ابوحمدان

عشان أسلم على رواد هذه الدوانيه

الغايبين والحاضرين في قلبي

وأستقي من التراث البدوي الجميل

واشرب قهوتي واخذ علومهم الطيبه

من عند محماس وذكر لي ما سرده الشيخ

في قصة عواء الذيب وبطلها

فتذكرت العشق البدوي وسالقة العقيلي



عاشق بدوي ,,و العشق اصله بدوي

دائماً يأخذ عن البدوي أنه أنسان متبلد وحتى لا يغضب البعض " قاسي " المشااعر وليس له في رومنسيه والكلام الجميل

وهذه القصه بل الصورة لوحدها ,, تثبت مدى رومنسية
الرجل البدوي ,, و قول الشاعر

يمكن سمعتوا باغنية ميحد حمد ,,,, طال ليلي
قال فيها : صابني ماصاب العقيلي

عارفين مين العقيلي !؟؟
و ماهي سالفته !؟؟
و الذي صابه! ؟؟
الحقيقه نفسي انكو تعرفوها !؟؟
المهم أبقى اطرح لكم القصه
خلونا ياربع نقرا مع بعض هالقصه >> وماراح نخسر شي
هذي السالفه يمكن سمعتونها من آباءكم أو جدانكم
وخاصة البدو ... واطرحها اليوم للي ما سمع فيها من قبل
وهي سالفة العقيلي وعشيقته مي ..

العقيلي هذا كان يعيش ياهله في احد الفرجان في البر وهو في الاصل من قبيلة الجنيبي..
ومي من قبيله في السعوديه و تعرفون انه في السابق كان
العرب مساكنهم البر في الخيام و بيوت الشعر ..
وكانو دومهم في التنقل و الترحال ويبحثون عن الارض الطيبه
والي يتوفر فيها الماي و الرعي لهم و لماشيتهم

وكانت قبيلة مي الجايه من السعوديه في ذاك الوقت تعاني من
القحط فقرروا انهم يرتحلون لين ما يحصلون المكان الي يسرهم ..
و نزلو ضيوف عند قبيلة قوم العقيلي ..

العقيلي شاف مي ..
و شرات ما يقولون حبها من اول نظره وتم يتبعها وين ما تسير وهي تتنقل وتتمشى بين بنات الفريج
وهي طبعا كانت في غاية الجمال وهي كانت بنت شيخ القبيله ..
بس ماقدر ايصرح بحبه هذا لاي مخلوق حتى امه و ابوه ..
المهم عاش العقيلي ومي قصة حب طويله محد يعرفها غيرهم و ربهم بس ..
وعقب فتره قبيلة مي وعقب مالقو لهم مكان بيستقرون فيه و فيه الرخا و العشب زاخر قررو انهم ينتقلون اليه ..
وودعو قبيلة قوم العقيلي

العقيلي ماعرف شو يسوي المسكين .. تم ما يرقد الليل كله يفكر في مي . عاف الرقاد و عاف الاكل ..
و عاف كل شي .. و لا يكلم امه و لا ابوه .. تم على هالحاله فتره من الزمن لين ما نحل جسمه ..
وطاح على الفراش بين الحيا و الموت .. ابوه حاول يسعفه بكل الوسائل يطرش لاعظم الاطبه بس محد قدر يعرف شو بلاه الرجال

بس ابو العقيلي.......الجنيبي كان فطين .. و فهم شو الي صاب ولده ..
وفي يوم من الايام سار عنده و قاله يا ولدي .. ان كنت مشتاق لنذورهم ..
شد الرحال وزورهم . عقب قام ابو العقيلي ......الجنيبي و اشترا بكره بثمن غالي ..
وتم يسقيها و عودها على السمن و العسل و الحليب .. لين ما غدت ماشالله عليها واهداها لولده
و قاله : سير دور على الناس الي تهواهم .. واذا وصلت عند ناس و اكرموك اعرف انك وصلت للي تباهم ..
و اذا ماكرموك يعني مب هم العرب الي اتدور عليهم

المهم العقيلي ماكذب خبر .. ركب الناقه و سرى لين ما وصل عند قبيله ..
يوم وصل حدود القبيله ولقى الراعي يطعم البوش .. قام العقيلي وهد ناقته عشان تسير ترعى ويا البوش الثانيات ..
بس قام ذاك الراعي و تم يهوشها و يبعدها عن الاكل .. و عرف العقيلي من وصية ابوه انه مب هذيلا العرب الي قاصدنهم

المهم كمل مسيره العقيلي لين ما وصل بلاد ثانيه .. و لقى رجال عند حدود عنده قدر متروسه حليب
وانهدت ناقة العقيلي تبى تشرب من هالحليب .. الرجال ما قالها شي ..
و العقيلي عشان يختبر هالرجال قام اونه يبى يهوش ناقته ..
رد عليها ذاك الرجال و قاله خلها تشرب من الحليب هذي مضرايه على شرب الحليب
و الا ما يات ناصيه تشرب منه و تودر باقي الاكل .. و عرف العقيلي انه هالقبيله قبيلة كرم و انها القبيله لي يبغيها

المهم وصل الرجال عند بيت شيخ القبيله و نزل العقيلي عند الشيخ .
ومن عادت الشيخ قرب بالعقيلي و ضيفه و كرمه .. بس طبعا في نفس الوقت الحذر مطلوب من الشيخ قام
و رسغ ناقة العقيلي برساغ حديد لانه ما يعرفه ويخاف انه يكون ناوي على شر

بعدين العقيلي تمت في بيت الشيخ وشافته مي و عرفته .. وكان عند الشيخ خادمه و خادم ..
سارت مي عند الخادم و قالتله سير ييبلي بعير و اخر الليل خل العقيلي يركبه و ايي من ورا خيمتي و ينزل وياي ..
و قالت للخادمه تسير تشتري مقص حديد وتبطل رسغ ناقة العقيلي و توديها عند حدود القبيله ..

الخادم سار عند العقيلي و عطاه البعير ..وسار صوب خيمه مي والي هي قريبه من خيمة الشيخ و حرمته ..
ويوم نقز العقيلي وطاح وسط خيمة مي من الفزعه صرخت ..
كان ينادي عليها ابوها شبلاج يا مي قالت له ماشي بس هذا
البعير الي خطف ورا الخيمه عضني في ايدي ..
تبغي تغطي على العقيلي ..

عقب ماتبادلو السلام العقيلي و مي ومحد حس فيهم سرو هم الاثنين صوب ناقة العقيلي في اخر الحدود و شردو صوب قبيلة العقيلي

المهم . يوم صبح الصبح .. صاح المنادي انه بنت الشيخ انخطفت و الي خطفها العقيلي ..
وسار الشيخ وياه جيشه صوب بلاد العقيلي عند قببيلتهم الجنيبيه .. يردون بنتهم ويردون كرامتهم ..
المهم اول ما وصلو ديرة العقيلي .. قام ابو العقيلي و قربهم وقال لابو مي اقرب بنتغدى و عقب الغدا الي له حق بياخذه انشاالله ..
و ذبحولهم الذبايح و قربوها الهم .. وقال ابو مي للجيش الي عنده محد يمد ايده على الاكل ..
لانه لو حد منهم كل من الاكل يعني طاحت السالفه .. بس للاسف واحد من جنوده قام و خذ قطعه صغيرونه من الكبد واكلها مسكين ضارب خط ويوعان ..

عقب اجتمع ابو مي و ابو العقيلي.....الجنيبي و اتفاهمو ويا بعض و قاله انه البنت طلعت من القبيله برضاها
و هي تحب العقيلي و العقيلي يحبها .. واتفقو كل شي على اساس انه العقيلي ياخذ مي ..
ويوم يت حزة العش قام ابو العقيلي و قدم لضيوفه اكل كله كبد ..
وفهم ابو مي انه واحد من جنوده أكل من الكبد وتم يدور يدور عنه
لين ما عرفه و ذبحه لانه فضحه ..

وصار العرس و اتزوج العقيلي مي .. وكانت نهايه القصه 000

(( عشقي بدوي لا حب ماهوب كذاب ))

صح ولا كيف !؟؟

تحياتي لشيخ ابوحمدان

مشكور اخي ابو فهد على القصه الجميله بصراحه استمتعت في قراءتها
والشكر موصول لشيخنا

السلام عليكمم ورحمة الله وبركاته

أسعد الله أوقاتكم ، محمااااااااااااس : قهوووووووووووووووة بالزعفران والقدوع
وعجل علانا الله يسلمك ..

واليوم أقدم لكم أبيات لأحد شعر المنتدى "حسآم" آمل أن تنال استحسانكم
كما فعلت بمحدثكم ، وقد وجدتها في ثنايا ردوده على أحد المواضيع فخشيت
أن لا يطلع عليها المهتمون بالشعر الشعبي :

أنا أذني موسيقية تحب وتعشق الألحان

معودها على الأشعار من صغري مدربها

وأحب الملعبة لا طبوا الشعار في الميدان

وأغنيها وألحنها وأحللها وأركبها

ويطربني ولد مستور نِعْم بشاعر الهذلان

تهون إله البيوت الكايدة ويجيك قاضبها

نحت صم الجبال وروّض الأوزان والقيفان

ولا يشكي من الطرقة ولا يشكي صعايبها

وقف بسم القبيلة وقفة الفرسان للفرسان

على رغم المكايد حقق الطالة وفاز ابها

عسى قبره لهمال السحاب وصادق الأمزان

رحل لكن قصة مافهمنا من سبايبها !!

	المشاركة الأصلية كتبت بواسطة الفارس حزين الطلعة

	السلام عليكمم ورحمة الله وبركاته أسعد الله أوقاتكم ، محمااااااااااااس : قهوووووووووووووووة بالزعفران والقدوع وعجل علانا الله يسلمك .. واليوم أقدم لكم أبيات لأحد شعر المنتدى "حسآم" آمل أن تنال استحسانكم كما فعلت بمحدثكم ، وقد وجدتها في ثنايا ردوده على أحد المواضيع فخشيت أن لا يطلع عليها المهتمون بالشعر الشعبي : أنا أذني موسيقية تحب وتعشق الألحان معودها على الأشعار من صغري مدربها وأحب الملعبة لا طبوا الشعار في الميدان وأغنيها وألحنها وأحللها وأركبها ويطربني ولد مستور نِعْم بشاعر الهذلان تهون إله البيوت الكايدة ويجيك قاضبها نحت صم الجبال وروّض الأوزان والقيفان ولا يشكي من الطرقة ولا يشكي صعايبها وقف بسم القبيلة وقفة الفرسان للفرسان على رغم المكايد حقق الطالة وفاز ابها عسى قبره لهمال السحاب وصادق الأمزان رحل لكن قصة مافهمنا من سبايبها !!

حياك الله ابوخالد

والقصيده نالت منا مانالت منكم

بيض الله وجهك ووجه قايلها وصح لسانه

القهــــــــــوه يامحماس

السلام عليكم ورحمة الله

أبارك لبو حمدان نجاح هذه الديوانية

اللي عامرة برجالها الطيبين

ولي عودة بإذن الله

الله الله يابو فهد
والله قصة رائعة وجميلة من حياة البادية
الله يعطيك العافية

أبو خالد
بلغ تحياتنا وسلامنا وإعجابنا لشاعرنا الرائع والمبدع(حسام )
والله هذي القصيدة جزلة من راس جزل
ورحم الله عبدالله المسعودي رجمه واسعه

يعطيك العافيه يابو فهد والله القصة رائعه واكتملة مع الصورة الرائعه للعشق البدوي والذي لم تخالطه الاعراق الاجنبيه ..

نحن في انتظار المزيد من القصص المشوقه
من الديوانيه المتالقه في سماء منتدى القبيلة العريقه



وتقبل تحياتي

الهنوف

هات الدله يامحماس

وركب البراد على الجمر نبغى الليله سواليف عن ربوعنا وقبايلنا

بلكي احد يجي الحين وناخذ علومه

هلا والله بولد العم الفند الضبيبي
حياك الله شرفت الديوانية

هات القهوة والقدوع يامحماس بسرعة

ياالله الليلة في مسايير

هات علومك يابو مخلد من زماااان ماشفناك في الديوانية
أكيد جايب علوم غانمه الليلة

نبغى طال عمرك حدايا وإلا رجز وإلا قصص من قصص الأولين وعوايدهم الزينه
وسواليفهم الطيبه مانعذرك الليلة يابو مخلد

ابشر والله يابو حمدان

اول شي نبغى حدايا فكاهيه
وللمعلوميه فالشعر الفكاهي من اقوى الشعر وصاحبه يعتبر متمكن من صنعته
فهو يجمع بين الشعر وروح الدعابه

وهذا مثال على من الحدايا

الشاعر حسن المنيفي الدعدي

يالله اطلبك يامرخص القوت
تلطف بحالة حسن , بعد جا عند كهله قنوت
دوبه الا على قرص بيوت
والسمن مايطعمه , والنبي ان ماشرد لايموت

يالله اطلبك يامرخص القوت
تلطف بحالة حسن , بعد جا عند كهله قنوت
دوبه الا على قرص بيوت
والسمن مايطعمه , والله ان ماشرد لايموت


ياسلام ياسلام
فعلا حداية فكاهية رائعة

لكن زيدنا بعد ماتكفي

يالله العقيلة الليلة
الفارس وصل كعادته يامرحبا براعي الحلة والله
عسى جايب لنا علوم زينه مثل عوايدك يابو خالد ؟؟؟