شاركو معنا في اسماء شعار هذيل

وتبون عبدالله بن حامد يرجع لشعر المحاوره

قابلوني اذا رجع

هذي من اهم اسباب ابتعاد عبدالله بن حامد

ان ماحد مقدر شاعريته بالذات قبيلته

حتى في المواضيع هذي اللي لاتودي ولا تجيب

ماحد يذكره

المفروض انكم ياهذيل تكرمونه وتوقفون معه
وتشجعونه عشان يرجع لشعر المحاوره
ماهو تتجاهلونه عبدالله بن حامد انا اعرفه زين
وجلست معه هو يبي تشجيع وتقدير بس

وان شاء الله انه يرجع لان غيابه خساره على
هذيل اولا مع احترامي لبقية شعراء هذيل فيهم
الخير والبركه بس عبدالله بن حامد عنهم كلهم
واللي يقول غير كذا غلطان واسألوا الشعراء الكبار

امثال ابو مشعاب ومستور وحبيب

ياهذيل فيه شعار كبار من القبائل الاخرى يفتخرون
ويتباهون انهم لعبوا مع عبدالله بن حامد لو قاف واحد

اصحوا ياهذيل وحاولوا ترجعون عبدالله بن حامد لانه
بصراحه نسخه طبق الاصل من المرحوم باذن الله عبدالله المسعودي


وتقبلوا تحيااااتي
صدقت والله ياابو لمار عبدالله بن حامد علم لاينسى ووالله لو انه في قبيله غير قبيلة هذيل لكان عمل له تكريم تتحدث به الركبان جزاء ماقدم للقبيله من تراث ماضي وحاضر ،، كما ياخي فيه شعار يشار لهم بالبنان ولم يذكرو من قبيلتهم { بنو مطرف } ومنهم كما ذكر ابو فيصل الشيخ عبدالله بن عيد المطرفي رحمه الله وإبنه الشيخ عبدالعزيز اطال الله في عمره ووهو مقعد الان لكبر سنه و والشيخ عبدااله بن بطاح المطرفي رحمه الله والشيخ عطالله بن سفر المطرفي رحمه الله والشيخ نشا بن هلال المطرفي رحمه الله والشيخ سمار بن منور المطرفي وابنه شليويح رحمهما الله والشيخ احمد بن معيوض المطرفي رحمه الله والشيخ ناجي المطوع المطرفي رحمه الله والشيخ وصل بن نويجي المطرفي رحمه الله والشاعر خليوي بن سفر المطرفي رحمه الله والشاعر الاستاذ لاحق بن عطالله المطرفي رحمه الله والشيخ هليل الشلياني المطرفي رحمه الله والشاعر عبد المعطي بن حاسن المطرفي وابن اخيه حاسن بن عطيه رحمهما الله وغيرهم كثير ممن لم تحضرني اسمائهم وارجو السموحه ،،،،،،

والله موضوع شيق ورايع ويستحق المشاركة ولكن هل هو مقتصر على الشعراء المعاصرين ؟

الشاعر ابو القاسم الشابي الهذلي....من تونس الخضراء.....شاعر عربي مشهور ...وهو صاحب قصيده ..
إِذا الشَّعْبُ يوماً أرادَ الحياةَ فلا بُدَّ أنْ يَسْتَجيبَ القدرْ/////شاعر معروف ونحت له تمثال على الصخر في توزو ....

حياكم الله
ورحم الله شعراءنا الكرام
الأحياء منهم والأموات
ويا ريت يكون هناك بحث خاص بشعراء هذيل
لأنها مادة أدبية وترائية رائعة

	المشاركة الأصلية كتبت بواسطة أحمد سويلم

	حياكم الله ورحم الله شعراءنا الكرام الأحياء منهم والأموات ويا ريت يكون هناك بحث خاص بشعراء هذيل لأنها مادة أدبية وترائية رائعة

هناك دواوين وكتب كثيرة عن شعراء هذيل

والشعر الحديث أمانته على الجيل الحالي

تركتوا اكبر شاعر باني الهذلي من المطارفة خواله الهوارنة تربى مع القواودة الصفران وكان صديقاَ للشيخ هزاع الصفرا كان عليه دم وبعد توفي صديقه هزاع عاش مع هذيل البقوم هو واخوه ناهي وقد كان باني يمتاز بالفروسية والشجاعة المفرطة هذا غير انه شاعر يحضر في تربة واذا سمعوا شعراء القبائل الذين يأتون للمقياض بذكر باني في تربة لايذهبون للحفلات فكان وحير العبد شاعر زمانه قبل ان يصطدم بباني الذي لعب هو واياه حتى طلع الفجر وقال وحير الوعد ياباني في العراين والعراين عراين كبيرة بين تربة والغريف فذهب باني وطلع في رأس العرينة واتى وحير فلم يجد باني وكان معه ناس من اصدقائه يريدون ان يستمعون في المحاورة فقال وحير
يا عراين خبريني وين باني = حط له فيكن وعد واخلف عليه
كاذب وانا ما احب الكيذباني = ناس تحلم به ولا يعرض عليه
وهو قال البيتين يحسب باني خاف من الموعد ولا يدري انه يستمع فيه فقال
باني
ياصباغة في الوعد ما جيت باني = سارح قدام تبدي المشرقيه
تدرق في الزرب وتكب البياني = لين عقبت العبل والهادفيه
يمترح في الدرب يحسبنه حصاني = ما درى انه عير ولد العازميه
قال وحير انا اعترف في المحاورة لكن القصيد انا اتحدى اي شاعر قال باني بكره يجيك مني قصيدة مع حمود بن مشخص الهذيلي وحمود اذا سمع القصيدة مرة واحد حفظها مع العلم انه لا يستطيع ان يقول بيت واحد ويوم جا النهار الثاني قال باني ياحمود رح لوحير بهذه القصيدة
سلام عد الهبوب وعد الاشجار= واعداد نبت هله في الوسم يرعونه
واعداد الاشهر والابشر هم والانشارا = وعداد حب الشعف واللي يكيلونه
واعداد ما خلق في الديرة من حبارا = واللي تعرفون واللي ماتعرفونه
قم يانديبي ترحل فوق عبارا = يمشي مع الناس خدر مايشوفونه
لاله خفاف ولا كوع ولا زارا = يشيل سمو القبايل ما يكيدونه
وهي اطول من ذلك لكن هذا ما حفظ الراوي منها
فرد وحير العبد
الله وانا ابو سفر من طقة الزارا = ياكيف ابا اصبر وسدي باح مكنونه
هجس اني ارسل مع العارات معصارا = انزاف عجه يبذ اللي يصاغونه
عليه مني بصر ما ادري تبصارا = لاياكل الزاد والما جاز من دونه
مندوب باني خشق له عند جزارا = خل الجزازير ياباني يعشونه
وهذا المحفوظ منها ومن قصليده في معركة القليب بين هزاع الصفرا وجيش الشريف
الا يراكب مقراني = يشدي خفاق الجنحاني
يجفل جفيل الادميه
نصه فريق الصفراني = تلقالك حيل وسماني
من غيره هيل وبريه
من غير قصر في الباقيني = حشام وعندي غاليني
والطالات لهم مثنيه
الاد قواد الظفراني = ثنوا من دون الاضعاني
واسقوا بالدم الحقيه
يوم جا للملاح قتارا = مقطع ليل من نهارا
مثل همال الرفيه
يوم جونا سبع اللغايا = لزمنا روس البنايا
وارخينا حد الجنبيه
عشرين منهم في الساحي = مسلبين وطياحي
نصرنا ظافر وبنيه
يوم جونا سربة قطناني = شبع الطير مع السرحاني
والشرايد جت رجليه
وانا شاك ابن دحماني = يحسبنا قرص ودهاني
والا سكر في حميه
يوم جا زاغره الشيطاني = يبا حلوات الالباني
قفا ماله فيهن نيه
وهي اطول من ذلك