قد تكون الفصول الأربعة..!!

المعذرة في عزة النفس غصيت
و لا قدرت أكلمك وانت مقفي.

يا جعل كل روح تشكي الوجع "مأجورة".

ما يجرح الشاطر إلا غلطة الشاطر
و إن كان حملي ثقيل و متعب متوني
وقفة رفيقي و لو ماهي من الخاطر
أشوى من اللي نخيت و خيب ظنوني.

وش فيك متغير عسى منت زعلان
إن كنت مخطي قل: تراك انت مخطي
ما هو بــ/عيب إن كنت مخطي و غلطان
العيب نزعل من بعضنا و نبطي.

نفسي على الأفراح ماتت من الجوع
أنا كليت طعون بالحيل دسمة.

تفارقوا من بعد ما هم محبين
وكلن تصنع فرحته و قال: مرحا
جايز يكون البعد مطلب الإثنين
لكن تأكد ان الإثنين جرحا.

لا خلا من صدمتك و لا عدم
يا مصحيني من الحلم الكذوب
ما يوعي قلوبنا غير الندم
وما يعلمنا النجاح غير الرسوب.

ما كل خوة شخص عندي ضرورة
بعض البشر فرقاه راس السلامة
اللي زعل عشان ما طعت شوره
عساه ما يرضى ليوم القيامة.

يا رب سامحنا على كل تقصير
إنت الكريم و رحمتك واسعتنا
نخطي و نلحق من خطانا المعاذير
ولولا الأمل في رحمتك كان متنا.

احتريتك بعد هالليل الطويل
وإكتفيت بنظرتي صوب السما
ماهقيت إنه كذا رد الجميل
الدلو بيدك و أنا ميت ظما.

الخطا لا صار أكبر من حروف الإعتذار
كفنو روح المحبة في مقابر أسفين.

ياهل القتاوي ردوا الصوت للصوت
أبغى فهيم في الذنوب إستشاري
أنا على كيفه وكيفه على الموت
هل اعتبر لا مت فيه إنتحاري..؟

بسألك و الحل في نفس السؤال
إنتِ بنت النور و لا مذهلة..؟

ياليتها عند الوداع إحترتني
أقل حاجــة شفتها قبل لا تموت
الدمعة اللي كابرت و أسهرتني
تهدم بيوت و تبني لحزني بيوت.

" لا حول و لا قوة إلا بالله"

و إن فقدتك ما عاد أبي بعدك " بشر".