إلعب شقر((موضوع تفاعلي لشعراء المحاورة فالمنتدى))

	غرم الله, ااااااااااسف قصدي عماد ابدع ههههههههههه

ههههههههههههههههههههههههه هههههههههههههههههه

عز الله جاتك شعفه مي هينه يوم سمعت الزير

عسى عماد مشعوف ؟

اشوفه مرصد قيدنه موهف على شي موهين

ههههههههههههههههههه

ياجماعة خير قوموا ثبِّتوا شد الحزام
مابها غير الله الله والمصافق من قريب
ربعي ياربعي نخيت ومن نخى بهذيل فايز
كلها كم يوم والبيرق يرفرف عندنا

	المشاركة الأصلية كتبت بواسطة سيف هذيل

	ياجماعة خير قوموا ثبِّتوا شد الحزام مابها غير الله الله والمصافق من قريب ربعي ياربعي نخيت ومن نخى بهذيل فايز كلها كم يوم والبيرق يرفرف عندنا

ابشر ابشر والعدو كبده من التجريح زام

عادة الهذلان دايم مابها من رنق ريب

نجتمع وقت المواقف ماتحرينا حفايز

الله الله كملوهاكل مطلوبن دنا




رنق:لون (في البلوت)ههههههه

صح لسانك

	رنق:لون (في البلوت)ههههههه

ليه عادة الهذلان يلعبون بلوت ؟

ههههههههههه

استلمو لاهنتوو::


لديت عيني فالسما اللي عليّ....


بغيت اعدّ نجومه بناظري,,,,,


لكن جات غيوم في حين غرّه,,,,,,,


وازريت اعد نجوم ذاك السما,,,,

استلم الرد على معناك ههههه

:::
اسمع كلامي كب زيد وعليّ
يقلون يم الشرق جم ناض ري
راس الجمل معروف من دون غرّه
ماهمنا اللي للعلا ماسما
:::

فواز +سيف=طربنق طربنق طربنق طربنق (يعني عرضه كايفه)هههههههههه



اقول يالله الحين واحد يبدع وانا انتظره ,الليل (جات الغزله)ههههههههه

:::

ياعيوني ناظري في الزمان المنقلب
ناس جل أفعالها ماتبي تجميع شمل
والهدف مرسوم قبل المفارق والشتات
دام راس الذيب محطوط في جوف القليب
مانقول الا الله أكبر على اللي ظالمين
فعلهم معروف والحر تكفيه الإشاره
والقصور العالية ماتهدم ساسها

:::

بن قاسي وينك

دوبك طربنق طربنق طربنق

تعال رد ههههههههههه

جاك علمي من لساني وصادر من قلب

اليمين يمين يا صاحبي والشمل شمل

وانت ما جننك غير المسنجر والشتات

لك عيون ولك اذاني ولك ظني قليب

من زعل لفلان ياصاحبي يرضى لمين

انتبه للخط واوقف ليا شفت الاشاره

تسلم الخيل الاصايل ومن هو ساسها

الله الله الله الله الله

صح لسانك

المسنجر و الشتات هاه ههههههههههههههههه

ما باليد حيله ياسيف

وانت عطيتني الرابط على المسنجر ووهقتني

فاقد من نجوم السما نجمين في هذا المسا

يالله عساهم طيبين وكلهم في فال خير

الظاهر ان الامتحان اثر عليهم يالطيف

وانا ترى في جدهم وغيابهم ما الومهم

لو رابطو شهرين من ذلحين عند الجامعه

حتى يجيبون الشهاده والتقادير الكبار

اللي تشرفهم نهار مواجه الفرسانيه

اللي تشرفهم نهار مواجه الفرسانيه

	المشاركة الأصلية كتبت بواسطة هذلي والفخر لي

	فاقد من نجوم السما نجمين في هذا المسا يالله عساهم طيبين وكلهم في فال خير الظاهر ان الامتحان اثر عليهم يالطيف وانا ترى في جدهم وغيابهم ما الومهم لو رابطو شهرين من ذلحين عند الجامعه حتى يجيبون الشهاده والتقادير الكبار اللي تشرفهم نهار مواجه الفرسانيه اللي تشرفهم نهار مواجه الفرسانيه

النجم غيره نجم مير البدر لامن دلمسا

سرّاي ليله مايميز في دروبه فالخير

تسج به رجله ويعثر يخدعه تظليل طيف

عاده عليها الغالبيه والحذر قالو مهم

الا سهيل المعتبر لاسيما لاجا معه

الوسم واعلن للحيا ايام مايوم الك بار

هنا بقول العود احمد من عظام السانيه