ديوانية الشيخ أبو حمدان الشعبية

السلام عليكم ورحمة الله وبركاته,,

اولاً مبروك افتتاح الديوانيه,,
وثانياً حنا جنبكـ يعني ارسل لنا دعوه اعزمنا نشاركـ في قص الشريط,,

الله يهديك يا شيخ المجالس,,

بعدين اسمح لنا بالتد خين ,,

ولا ترا بكون بعيد عن هذه الديوانيه,,

يقول جدي سفران رحمة الله عليه,,



جينا كم نوٍ من القبله مخرج,,,,,,,,,, في حزة الرحمن والازيب تقوده

وايق لنا يا جاهلٍ تبغى تفرج,,,,,,,,,يابو رقوم خمس واربع في خدوده

ابو هذال ........... بلا فتنه عااااد

ههههههههه

that deserves the installation

فكره جيده جدا يابو حمدان

واعتبر نفسي من اهل الحله

حيا الله الجميع
وانتظروا السوالف والعلوم الغانمه

السلام عليكم ورحمة الله وبركاته

فينك يابو حمدان الليله عن الديوانيه

جيت العب معك لعبة الطيبان وماحصلتك

المهم دخل الدوانيه اخونا العزيز

الفند الضبيبي واحقيقه هو من

أهل الحله وما يحتاج الى ترحيب

وأبدأ إعجابه بالدوانيه وأثناء عليها

الله يعطيه العاقيه ويبارك فيه

مبروك ياشيخ ابو حمدان والف مبروك على افتتاح الديوانيه وأذننا تشغف لسماع العلوم والسوالف الغانمه من امثالك وشرواك وخلها متنوعه للرجال ولامثالنا خوات الرجال ولاهنت يابو حمدان والسامعين واسمحلي بمرورر الكرام اللي مثلك .........................................
.وتقبل مرورري تحياتي

>>> جايه تبخر الديوانيه

مبرووووووووووك الافتتاح


واسمح لي يالشيخ بهالمشاركه

قصه اعجبتني


صاحب القصة هو الفارس العربي الشهم والشاعر المغوار : مفضي بن ولمان الأحمدي.

.الذي فر من منازل عشيرتة قرب الحناكية بسبب قتلة رجلا من افرادها ولم يتمكن من دفع الدية في

الوقت ذاتة وكعرف بين العرب انذاك فقد لجأ مفضي الى جبل رمان في قرية الصداعية والتي يقطنها

فخذ العليان من قبيلة شمر واخذ يعمل برعي الأبل لدى امير الصداعية بعد ان اخفى اسمة الحقيقي

خشية ان يتعرف علية احد لانه جلاوي او دموي ..

وقد خدم اخفاء اسمه ماكان من عادة العرب حيث انهم كانوا لايلحون في سؤالهم على من يلتجئ

بهم ..

وقد عاش هذا الفارس على حالته تلك ماشاء الله له ذاهبا الى المرعى مع ابل الامير صباحا وعائدا مساء

وفي احدالايام.

.وعندما كان في المرعى مع الابل واذ بغارة تهاجم طرف المرعى وتسطو على ابل ابنة الامير و بسبب

كثرة اعداد المهاجمين في تلك الغارة فلم يجب احد على صراخها واستغاثتها احد قط حتى ابن عمها

الذي كان على فرسة متقلدا سلاحه..

الا ان روح النخوة العربية الاصيلة التي كانت تتجسد في مفضي اجبرته لاشعوريا بالانطلاق خلف

المغيرين وقاتلهم مجندلا منهم العدد الكثير من الفرسان وهو في حالة من الاستنجاد بنفسة حيث كان

يصرخ ..انا الاحمدي..انا الاحمدي

وقد تم له ماراد وانقذ الابل كما اخذ الجياد التي قتل اصحابها وساق الجمع حتى وقف به على ابنة

الامير واعطاها اياه .. وترككل شي ليعود ويكمل عملة في رعي ابل الامير...وهنا انطلق كل من شاهد

هذه الاحداث ليخبر عنها اهل الصداعية وعندما وصل

فارسنا مفضي الى القرية قصد معاميل القهوة كعادته كل يوم في

خدمة ضيوف الامير ..عندئذ استاذنت ابنة الامير من ابيها بان تدخل الرفة وهي الجزء المخصص

للرجال في بيت الشعر فاذن لها حيث كان كل من في المجلس من اقاربها ..فدخلت واشارت الى مفضي

بان يقوم من مكانه قرب المعاميل وان يجلس يمين ابيها ..وعندها اخبرت اباها ورجال العشيرة بما

حدث ثم وجهت حديثها الى مفضي وقالت...

[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
جاك الهوى مني بعشق من الراس=لاعـاد ماتبخـل بروحـك عليـه
يامثبت العزوة ويامروي الكـاس=يامنتخـي بالعـزوة الاحمـديـة [/poem]

وماكان من مفضي الا ان رد عليها

[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
مالي هوى يابو ثمان كما المـاس=يابـو خديـد كـنـه النافعـيـه
حالك على القرا وحالي على الياس=ماطـول ماقضيـت ديـن عليـه
ماني من اللي همه البطن ولباس=ولا عندهـم بالطيبـه والـرديـه [/poem]

عندها عرف الامير وعشيرته ان علية دين دم وسالوه عن ذلك واخبرهم بقصته وعزموا على مساعدته

وجمعوا الدية وبعثوها الى اهل القتيل...بعد ذلك تزوج الفارس مفضي من ابنة الامير وعاش معهم

كواحد من افراد قبيلتهم مدة من الزمن وانجبت له زوجته حمود الذي كبر وترعرع بين اخواله..

وذات يوم حدث خلاف بين حمود وبين زملائه وهم صبية يلعبون لمزه احدهم بانه غريب وليس من

قبيلتهم فنقل حمود ماحدث لابيه فقال الاب

[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
ياحمود عن ديرة خوالك جلينـا=شف دلوهم من يمنا تزحم الجال
لاعـاد ماقربـك يحشـم علينـا=شوري عليك تقلط الزمل نشتال [/poem]

ورحل مع اسرته الى منازل عشيرته قرب الحناكية

وبعد ذلك فقد اصدقاءه واقرانه من عشيرة العليان والذين قضى معهم اجمل ايام عمره

فانشد قصيدة يخاطب بها غنام وهو صقر كان يقتنيه


[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
غنام وين ربوعك الغانمين=تلقى العلف بمرباعهم دب دومي
اقطع سبوقك وانهـزم ياحزين=لربوع بين الفارعي والقدومـي
ياحلو منزال على الشعبتين=لي قيل جضع مرسمته الوسومي[/poem]

ثم لم يتحمل ابن ولمان البعد عن عن جبل رمان وعن الصداعية

واخذه الشوق الى العليان مره اخرى ..بعيدا عن نخيل الدوم الذيي تشتهر به الحناكية.....
.فانشد

[poem=font="Arial,5,,bold,normal" bkcolor="" bkimage="" border="none,1," type=0 line=0 align=center use=ex num="0,"]
ياحمود شد الزمل نرحل عن الدوم=نبي عربنا يم اطاريـف رمـان
ياحمود ماوالله علينا بهـا لـوم=مااستانس الاوسط نزل العليـان
ماكني الا عندهم باشة من الروم=ارجح بميزاني على كـل ميـزان
الله نشد ياحمود عن معرفة يـوم=وحنا ثمان وعشر ياحمود جيران
ياحمود يظهر لك صديق من القوم=ويظهر من الربع الادنين عـدوان[/poem]

عاد مفضي للصداعية وامضى بها بقية عمره الى ان انتقل الى جوار ربه ولاتزال اثاره التاريخيه في الصداعية حتى الان

طبعا بافتتاح الديوانيه والاقبال المتزايد يوما بعد يوم

قررت ان افك لي شبيك للمعزه والضان بجمب الديوانيه واترزق الله وانتم رياجيل ماتزيدون في الحبل الى وصله مادري وصلتين المهم هو المثل كذا ولا لا

طبعا اذا كانت الطلعه لديوانيه حبيه ومافيها اجناب انصحكم بالتويساات

الاسعار كالتالي

الهردان النقوه من 500 الى 650


الجفار 700


التويسات من 700 الى 840


اما اذا كانت العزيمه لرياجيل اجناب

فانصحكم بالحريات والاسعار كالتالي :

الحري الابيض / من 900 الى 1200 <<<<<<<<<<< لي هو في ابيض

النعيمي / من 850 الى 1000

النجدي / غير متوفر حاليا


وسالفة عطني لاخر الشهر والله مزنوق انقز الصرافه واجيك هذي علوم شاربينها كلها

واذا جيات للفهلوه اوديك بحر جده واردك عطشان <<<<< ياقوي انت

بالتوفيق للجميع


وفي نقطه ثاانيه مزارق طيب مانبى

يحيني واحد يفك له شبك جمبي ترى بجيب العيد فيه

	المشاركة الأصلية كتبت بواسطة تيك اوف

	طبعا بافتتاح الديوانيه والاقبال المتزايد يوما بعد يوم قررت ان افك لي شبيك للمعزه والضان بجمب الديوانيه واترزق الله وانتم رياجيل ماتزيدون في الحبل الى وصله مادري وصلتين المهم هو المثل كذا ولا لا طبعا اذا كانت الطلعه لديوانيه حبيه ومافيها اجناب انصحكم بالتويساات الاسعار كالتالي الهردان النقوه من 500 الى 650 الجفار 700 التويسات من 700 الى 840 اما اذا كانت العزيمه لرياجيل اجناب فانصحكم بالحريات والاسعار كالتالي : الحري الابيض / من 900 الى 1200 <<<<<<<<<<< لي هو في ابيض النعيمي / من 850 الى 1000 النجدي / غير متوفر حاليا وسالفة عطني لاخر الشهر والله مزنوق انقز الصرافه واجيك هذي علوم شاربينها كلها واذا جيات للفهلوه اوديك بحر جده واردك عطشان <<<<< ياقوي انت بالتوفيق للجميع وفي نقطه ثاانيه مزارق طيب مانبى يحيني واحد يفك له شبك جمبي ترى بجيب العيد فيه

غااااااااااااااالي الحلال يا ولد!

ما عندك برابر ؟؟

	المشاركة الأصلية كتبت بواسطة ذيب الفيافي

	غااااااااااااااالي الحلال يا ولد! ما عندك برابر ؟؟

يالبربري إلا أنت بربري
الشرهة علي يوم أحطك تدير الديوانية في غيابي
لامكان للبرابر عندنا
ماعليك منه يابو نور جيب لنا الحري اللي يبض الوجه لو سعر الطلي يصل خمس آلاف المهم بياض الوجه وماعليك من ذيب الفيافي
ترى ماعنده سالفه

ذيب الفيافي أقول أحسن شي خلك بالك بس من الإستراحه إذا مافيها أحد لايجون الورعان يلعبون فيها وأترك الأمور الثانية علي

أخواني أنتم ماأنتم ضيوف ياأبناء هذيل
أنتم أصحاب حلة حتى لو ماكنت موجود بالديوانية أنتم أهل الديوانية
تقهووا ووقهوا اللي يجيكم واذبحوا من الذبايح وعينوا خير
أنا كلفت ذيب الفيافي ياخذ باله من الديوانية في غيابي
لكن أظن رايد الحتيرشي سحب به وأخذه للمركاز وضيعه علي
لكن هين يابو سليم

الأخوة الكرام
عبادي الهذلي لاهنت وتشرفنا بوجودك

الأخ الغالي هذلي قديم صح لسانك وعلا شانك وأنت راعي حله طال عمرك

الأخ والحكيم العزيز أبو فهد بيض الله وجهك على هذه المواضيع الرائعة

سكني والله ماأدري وش تقول لكن حياك الله وياهلا تشرفنا بوجودك


ولد عمي الفند الضبيبي تكفى ياولد عمي أنت راعي حله
حياك الله وياهلا وأنا محتاج لك ياولد العم في الديوانية ولاأستغني عن وجودك
أتحفنا ياطويل العمر بالمواضيع اللي عليها الكلام لاتسلم وتروح تكفى يابن عمي


أبو فهد أعذرني البارح كنت معزوم في مناسبة ويمكن الليلة بعد لكن الله يجملها والأيام كثير وكل الألعاب البدوية أتقن لعبتها وسيكون لنا جلسات مطولة مع بعضنا بإذن الله


الأخت المصونة الهنوف
الله يبارك فيك ويطول لياليك ياهلا فيك والله ولاشك أن النساء شقائق الرجال والإبداع والأصالة لاتنقصهن
نرحب بك وبمواضيعك المفيدة فلاتحرمينا من إبداعاتك التراثية والشعبية


أختنا الغالية بنت أبومتعب
بيض الله وجهك على هذا الموضوع الرائع والقصة البدوية التي تحكي حياة البادية
وشهامتهم وكرمهم ووقوفهم إلى جانب الملهوف وتقضي الدين عن المديون
كل هذي علوم غامة من علوم البادية وأهلها تشكرين عليها .


الأخ الغالي تيك أوف
أقول وش رايك تتعامل مع الديوانية أنا عندي الديوانية فيها حظيرة خاصة بالذبايح
والقط لها من الماقفة كل يوم وتعبت بصراحة لكن أنته روح اشتري الذبايح وجيبها وأنا أكسبك فيها لكن عاد راعينا شوية في الأسعار لأني أبشتري من عندك بالجملة وأطومئن أنا ماعندي إلا كاش طال عمرك الخير واجد ولله الحمد

لكن هذا لايمنع إ،ك تشاركنا بالمواضيع الدسمة والزينه يابو نور في إنتظارك

	لو سعر الطلي يصل خمس آلاف المهم بياض الوجه

يبو حمدان بياض الوجه زين
لكن بياض "الجيب" ماااااااااااا هو زين هههههههههههههه

	المشاركة الأصلية كتبت بواسطة ذيب الفيافي

	يبو حمدان بياض الوجه زين لكن بياض "الجيب" ماااااااااااا هو زين هههههههههههههه

أنت رايح تدفع شي من جيبك ؟؟؟

جوكم ضيوف يابو حمدان ومعنا حدايه :


سلام ياقصر(ن) زبين وفيه للحكمه محلا ,,

الحكمه اللي طعمها بين العرب حالي محلا ,,

والشيخ راع المقديه لو فاليمن والشام حلا ,,

معروف منزاله وحنا نعرفه راع الشداد ,,



والثانيه سوق الفلس مانيب شاريبه محلا ,,

القلب ياثم لو فطر في صوم واليا صام حلا ,,

لو كان ابو زيد الهلالي شد يوم ويوم حلا ,,


يتعب بلا مخلوف والقامه غناة اعن الشداد ,,

	المشاركة الأصلية كتبت بواسطة فواز الهذلي

	جوكم ضيوف يابو حمدان ومعنا حدايه : سلام ياقصر(ن) زبين وفيه للحكمه محلا ,, الحكمه اللي طعمها بين العرب حالي محلا ,, والشيخ راع المقديه لو فاليمن والشام حلا ,, معروف منزاله وحنا نعرفه راع الشداد ,, والثانيه سوق الفلس مانيب شاريبه محلا ,, القلب ياثم لو فطر في صوم واليا صام حلا ,, لو كان ابو زيد الهلالي شد يوم ويوم حلا ,, يتعب بلا مخلوف والقامه غناة اعن الشداد ,,

حيا الله الضيوف وحيا الدرب اللي جابتهم أبرك الساعات والله
حياك الله وحيا ماجبت والله يافواز وصح لسانك ياالغالي
كنت في إنتظارك على أحر من الجمر أنت وشرواك من الرجال
نحتاج تواجدهم معنا في هذي الديوانية الشعبية

ماخليت لنا قاف نشقره على قافك يابو عايش رايح أرد عليك بقافيه غير إن شاء الله أنتظرني

أقلط تقهوى في صدر المجلس حياك الله ياوجه السعد