5000بيت قصيد متحدث يوميا ً بالجديد والنوادر

نزف الخفوق اللي من البارح يون ونسمعه

الظاهر انه مل من دنياه واقفى نورها

وانا برمحي والسيوف ومانبى مُستقطعه

وارفع يابوية مستواك انت نزلت حدورها

مالي ومال اللي مع الغالين دوم مرّفعة

والصين يابن القوم والله ماوصلت لسورها

انت على حد الملاوي والبيوت مشرّعة

لكن محمد كاسب الطولة رغم دنقورها

وان كان حصّلت المواتر في طريقك مُسرعة

اتوكّل انته بالله ومثلك تلاقي دورها

سلام من قاف ً كسبته

وفي ملّفاتي كتبته

ارجع وتلقى الوسم لكن

اللي سواتك ماحسبته


العلم الاعوج مارغبته

والحلم والله مانهبته

ماجيت ابى كثر الاماكن

ابى اللي مثلك لاغلبته

يامرحبا ترحيب صابر

ترحيبة ً لك يالمثابر

لكن خل الصوت عالي

لاجيت تصدح فالمنابر





منت على العربان سابر

ترجع سوات الجد جابر

قبرك يجيه الجو حالي

لكنك انته ويش قابر

الله ليا اعطى الغشيم المال مالك صلاح

ماهو بمعطي عطانا والله اللي قسم

بالله ياللي تعابط في طريق النجاح

قد جالك السيف يوم انه حسم قد حسم

واحد من الشعار مايقدر على ضرب القزاز

خايف على نفسه وبعض الناس مايدري بها

سلام من سيف الحمايا

ان كان رحتم للزوايا

وقريش تبقى في فؤادي

ان كان وثقنا المطايا


واللي يباها بالخطايا

والله مايفرح معايا

انت وانا كلا ً في وادي

لكن مانبغى الظمايا

أقف هنا لك إحتراماً وتقديراً على هذاـآلذوق والإبداع
كلمـــآت جميلة منسوجه ومتذوقهـ بصفوة نفسك
يشرفني أن أكون ممن زرعـأحرفهـ هاهنا أمام ذآئقتك
فأنثرها ـإعجـــآباَ وتقديراَ لما إختاره قلمك
فسلمت وسلم بنانك ..

[BIMG]http://im9.gulfup.com/2012-01-20/1327078185171.gif[/BIMG]

	المشاركة الأصلية كتبت بواسطة انصاف قلم

	أقف هنا لك إحتراماً وتقديراً على هذاـآلذوق والإبداع كلمـــآت جميلة منسوجه ومتذوقهـ بصفوة نفسك يشرفني أن أكون ممن زرعـأحرفهـ هاهنا أمام ذآئقتك فأنثرها ـإعجـــآباَ وتقديراَ لما إختاره قلمك فسلمت وسلم بنانك .. [bimg]http://im9.gulfup.com/2012-01-20/1327078185171.gif[/bimg]

المشرفة انصاف قلم


الله يحييك ويسلمك يالذوق

سلام من سيف ً سياحي

يلحق ورا جبهة مناحي

واللي بلا مذهب وملة

تقفي به هبّان الرياحي


لكن ماتحسب سماحي

تاالله مالك من صلاحي

مانعزمك لاجات دلة

والبن فوق الجمر فاحي

شيا ً يسد النفس شفته

والظاهر انك ما كتشفته

والاسم هذا لو هتفته

تلقى لنا فالقوم ناصر


وانت بمعنى مااحترفته

والطيش والله ماولفته

والبعض لامني حذفته

يصير جدول للعناصر

سلام لكن لاتزيدي

والغرب من فعلي طريدي

حنا نبى الدار الابية

هذي فلسطين النشيدي


ياسواط والله منته سيدي

حنا نشوفك وسط سي دي

ولا بقى منكم بقية

الا فصحراكم تبيدي

سلام من قاف ماشابي

مادام جابه شبّابي

وافهم معايه الاسبابي

ضلع ً رسى

واليوم انا قاعد لحالي

والزين ينشد عن حالي

والغالي دايما ً هو غالي

ضلع ً رسى

واليا اجتهدنا لنا مجهود

ما افكّر فوايل مسعود

لكن درب الشقا مسدود

ضلع ً رسى

وانت تجي ماتسلّم ليش

ماودّي والله التهميش

ولانت راضي بالتلطيش

ضلع ً رسى

ياصقر واصل في التحليق

ماودّنا كثر التدقيق

هات الكلام اللي معك يليق

ضلع ً رسى

وان كان مالك من تثمين

ما اقول لك عب البنزين

اقول فكّر في التمكين

ضلع ً رسى

يالغالي اللي لك الاخلاق

ممنوحة من ربي الخلاق

في القلب لك كل الاشواق

ضلع ً رسى

اليوم مابي سواليفك تجي من بال عجلان

ابيك تحكم معانيك بوفا يا ازرق سماوي

يامرحبا فيك ياللي في المعاني منت غلطان

لكن محلك على قصر الصفا يا ازرق سماوي

الله يحييك وانته مااعتليت بقصر دسمان

بانت علومك وبيّنت الخفا ياازرق سماوي

الكل يعلم بما قد صار في هاذيك الازمان

لكن قلنا كفى ياخي كفا ياازرق سماوي

سلام تسليم الاخوّة

واحنا لنا كل المروّة

سوات وبل ً بان نوه

سيّل على كل الجزيرة


اثر الخطا مابان توه

وكل رجالا ً بجوّه

وابليس مااكفى القوم سوه

الشر فيه بدون خيره

يامرحبا والراس عالي

وانت اللي دفيت اعربية

ولافهمت اش هي القضية

في الاولة والا فتالي


حنا رياجيل القتالي

نيراننا ياشيخ حية

والشمس ماهي مثل فية

لكن يابن هذيل غالي