قد تكون الفصول الأربعة..!!

خله يشوف الهجر في منهج أسلوبي
لين يتعدل معي و يغير أسلوووبه.

و اللي حفظ يوسف نبيه من الحوت
من باعني بعته مثيل البضاعة
حبل الوصل لو بيننا صار مفلوت
ماهمني في جذبته و إنقطاعه
نفسي عزبزة لو توردني الموت
ما أذل نفسي لو إن ذبحتني الشجاعة.

تدري من القهر
..........صاير" أضحك كثير"
......... و " أرسل كثير"
......................مدري أتحدى "الوجع"
............................... و لا أتصنع " إني بخير".

وين أروح و طاري جروحه يسم.؟
سكر الموضوع "كافي ثرثرة"
تبغى تعرف شلون إحساس الألم.؟
حط قلبك عند شخص و " يكسره".

إنت
لو قلت لي
" وش ناقصك اللحين"..؟
بقولك إقرأ
أول كلمة.

مالي على عقل البشر سلطان
كل(ن)في راسه عقل يعرف خلاصه
درع المبادي يفرق إنسان و إنسان
و اللي نزع درعه تجيه الرصاصة.

تدري وش أعظم شي بعيون الإنسان.؟
إنه يشوف إنسان يسوى عيونه
يعني تشوف الناس في كل الأحيان
و تحس كل الكون غايب بدونه.

ترى غيرتي من يوم ربي خلقني نار
لا حبيت مابي تسأل إلا عن أخباري
لو إنك تسولف سالفة في الجماد أغار
فمابالك إليا جبت لي للبشر طاري..؟!

يا جرح عد الليل هذا على خير
تراي متضايق لحد الثمالة.

مصير الوقت يثبت لك " وفاي" و يحرق أعصابك.

رح نام يالغالي تصبح على خير
لا يا بعد دمع العيون و سهرها
وشلون تسهر يا صباح التباشير.؟
و الشمس وجهك و العرب تنتظرها.

ما ذبحنا غير قولة: لا عادي
و قلوبنا تشكي من الصدمات و تنوووح.

تعبت أرقع غلطتك وانت ما تتوب
أقول صون القلب و تشب ناره
أمحق حلا لاصار ما عندك أسلوب
يعني الحلا و الزين كله خسارة.

يا رب إذا لي دعوة مستجابة
بوجز لو إن اللي أنا أبيه واجد
أبقى على نهج النبي و الصحابة
و أموووت بين يديك يا رب ساجد.

	المشاركة الأصلية كتبت بواسطة عناد طفلة

	مالي على عقل البشر سلطان كل(ن)في راسه عقل يعرف خلاصه درع المبادي يفرق إنسان و إنسان و اللي نزع درعه تجيه الرصاصة.

يالطيف



أجدد الشكر لهذا المتصفح الراقي